Bromance OTT: പറഞ്ഞതിലും ഒരു ദിവസം മുൻപെയെത്തി; ബ്രോമാൻസ് ഇപ്പോൾ ഒടിടിയിൽ കാണാം

Bromance Now Streaming on OTT : അരുൺ ഡി. ജോസ് സംവിധാനം ചെയ്ത ബ്രോമാൻസ് ഒടുവിൽ ഒടിടിയിലെത്തി. മേയ് ഒന്നിന് ചിത്രം ഒടിടിയിൽ എത്തുമെന്നായിരുന്നു റിപ്പോർട്ട്. എന്നാൽ ഏപ്രിൽ 30ന് തന്നെ ചിത്രം ഒടിടിയിൽ എത്തിയിരിക്കുകയാണ്.

അർജ്ജുൻ അശോകൻ, മഹിമ നമ്പ്യാർ, ശ്യാം മോഹൻ, സംഗീത്, കലാഭവൻ ഷാജോൺ, മാത്യു തോമസ് എന്നിവർ  പ്രധാന കഥാപാത്രങ്ങളായി എത്തിയ ചിത്രം  ഫെബ്രുവരി 14ന് വാലന്റൈൻസ് ഡേ റിലീസായാണ്  തിയേറ്ററുകളിലെത്തിയത്. 

സഹോദരങ്ങളായ ഷിന്റോയുടെയും ബിന്റോയുടെയും അവരുടെ കൂട്ടുകാരുടെയും കഥയാണ് 'ബ്രോമാൻസ്' പറഞ്ഞത്. ശ്യാം മോഹൻ അവതരിപ്പിച്ച ഷിന്റോ എന്ന കഥാപാത്രം വീട്ടുകാരുടെ കണ്ണിൽ മാതൃകാപുത്രൻ ആണ്. നാട്ടുകാർക്കും പള്ളിക്കാർക്കുമൊക്കെ വലിയ മതിപ്പാണ് കക്ഷിയെ. നന്നായി പഠിച്ച് നല്ല പ്രതിഫലമുള്ള ജോലി നേടി ജീവിതത്തിൽ വിജയിച്ച ചെറുപ്പക്കാരൻ. ആ പഞ്ചായത്തിലെ തന്നെ മോസ്റ്റ് എലിജിബിൾ ബാച്ച്ലർ.

ചേട്ടൻ 'നല്ലവനായ ഉണ്ണി'യായി മാറിയതിന്റെ മുഴുവൻ പ്രഷറും വീട്ടുകാരിൽ നിന്നും നാട്ടുകാരിൽ നിന്നും  ഏറ്റുവാങ്ങുന്നത് അനിയൻ ബിന്റോ (മാത്യു തോമസ്) ആണ്. ഷിന്റോയെ പോലെയാവാനുള്ള സമ്മർദ്ദം ബിന്റോയ്ക്ക് സഹിക്കാവുന്നതിലുമപ്പുറമാണ്. എന്നാൽ, ഒരു പ്രത്യേക സാഹചര്യത്തിൽ ഷിന്റോയെ കാണാതെയാവുന്നു. ചേട്ടനെ അന്വേഷിച്ച് ഇറങ്ങുകയാണ് ബിന്റോ. ഷിന്റോയെ കണ്ടെത്താനുള്ള യാത്രയിൽ ബിന്റോയ്ക്ക് ഒപ്പം ഷിന്റോയുടെ കുറച്ചു സുഹൃത്തുക്കൾ കൂടി ചേരുന്നു. ആദ്യാവസാനം പ്രേക്ഷകരെ ചിരിപ്പിക്കുന്ന ഒരു റോളർ കോസ്റ്റർ റൈഡാണ് ബ്രോമാൻസ്. 

ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ ആണ് ചിത്രം നിർമ്മിച്ചത്. ജോ ആൻഡ് ജോ, 18 പ്ലസ് എന്നീ സിനിമകൾക്ക് ശേഷം അരുൺ ഡി. ജോസ് സംവിധാനം ചെയ്ത ചിത്രമാണിത്. അരുൺ ഡി. ജോസ്, തോമസ് പി. സെബാസ്റ്റ്യൻ, രവീഷ്നാഥ് എന്നിവർ ചേർന്നാണ് തിരക്കഥയും സംഭാഷണവും ഒരുക്കിയത്. എഡിറ്റിങ് ചമൻ ചാക്കോ, ക്യാമറ അഖിൽ ജോർജ്‌ എന്നിവരാണ് കൈകാര്യം ചെയ്തിരിക്കുന്നത്.

ഗോവിന്ദ് വസന്തയാണ് ചിത്രത്തിനായി സംഗീതം ഒരുക്കിയത്. സംഗീത രചന നിർവ്വഹിക്കുന്നത് എഡിജെ, രവീഷ് നാഥ്, തോമസ് പി. സെബാസ്റ്റ്യൻ എന്നിവർ ചേർന്നാണ്. 

View this post on Instagram

A post shared by Sony LIV (@sonylivindia)

സോണി ലിവ് ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയത്.  സോണി ലിവിൽ ചിത്രം  സ്ട്രീമിങ് ആരംഭിച്ചിരിക്കുകയാണ്.

Read More

• Bromance Review: ചിരിയുടെ ഒരു റോളർ കോസ്റ്റർ റൈഡ്; ബ്രൊമാൻസ് റിവ്യൂ
• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി
• ഞാൻ അഭിനയിക്കുന്നത് എന്റെ മക്കൾക്ക് നാണക്കേടാ എന്നു പറഞ്ഞവർ ഇതു കാണൂ: രേണു സുധി
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• കിമോണോ സുന്ദരികൾ ജപ്പാനിൽ; ചിത്രങ്ങളുമായി അഹാന കൃഷ്ണ
• സാമൂഹ്യ മാധ്യമങ്ങളിലൂടെ അശ്ലീല പരാമർശം; നടിമാരുടെ പരാതിയിൽ 'ആറാട്ടണ്ണൻ' കസ്റ്റഡിയിൽ
• മറവി‍ക്കെതിരെ ഓര്‍മയുടെ പോരാട്ടം, വൈകാരികമായ യാത്രയായിരുന്നു നരിവേട്ട: ടൊവിനോ തോമസ്
• അടുത്ത ബ്ലോക്ക്ബസ്റ്റർ? വീണ്ടും ഹിറ്റടിക്കാൻ ആസിഫ് അലി; 'സർക്കീട്ട്' ട്രെയിലർ
• തീപ്പൊരി സ്റ്റെപ്പുമായി ചാക്കോച്ചന്റെ ഇസഹാഖ്; മത്തൻ കുത്തിയാൽ കുമ്പളം മുളക്കില്ലെന്ന് ആരാധകർ
• അടുത്ത ജന്മത്തിൽ പ്രഭാസിനെ പോലെ ഒരു മകനെ വേണം: സറീന വഹാബ്
• ആ ചുംബന ഫോട്ടോ വിവാദം ഞങ്ങളെ തെല്ലും ഉലച്ചില്ല: മഹേഷ് ഭട്ടിന്റെ മകൻ പറയുന്നു