എന്തൊരു നടിയാണ് നിങ്ങൾ: സായി പല്ലവിയെ പ്രശംസിച്ച് ജ്യോതിക

യഥാർത്ഥ സംഭവകഥയെ ആസ്പദമാക്കി ഒരുക്കിയ അമരൻ തിയേറ്ററുകളിൽ മികച്ച വിജയം നേടി മുന്നേറുകയാണ്. മൂന്നു ദിവസം കൊണ്ടുതന്നെ ചിത്രം 100 കോടി ക്ലബ്ബിൽ ഇടം പിടിച്ചിരുന്നു. കമൽഹാസൻ്റെ രാജ് കമൽ ഫിലിംസ് ഇൻ്റർനാഷണലിൻ്റെ പിന്തുണയോടെ എത്തിയ  ചിത്രം പറയുന്നത്, അന്തരിച്ച മേജർ മുകുന്ദ് വരദരാജൻ്റെ ജീവചരിത്രമാണ്. ശിവകാർത്തികേയനും സായ് പല്ലവിയുമാണ് ചിത്രത്തിൽ കേന്ദ്രകഥാപാത്രങ്ങളായി എത്തിയത്.

അമരൻ സിനിമയേയും സായ് പല്ലവിയേയും പ്രശംസിച്ച് നടി ജ്യോതിക പങ്കുവച്ച കുറിപ്പാണ് ഇപ്പോൾ ശ്രദ്ധ നേടുന്നത്.  വജ്രം പോലെ തിളങ്ങുന്ന സിനിമയാണ് അമരനിലൂടെ സംവിധായകൻ രാജ്കുമാർ പെരിയസാമി സൃഷ്ടിച്ചതെന്നും ജയ് ഭീമിനു ശേഷം താൻ കണ്ട മറ്റൊരു തമിഴ് ക്ലാസിക്കാണ് അമരനെന്നുമാണ് ജ്യോതിക ഇൻസ്റ്റഗ്രാമിൽ കുറിച്ചത്. 

"അമരനും ടീമിനും സല്യൂട്ട്. സംവിധായകൻ രാജ്കുമാർ പെരിയസാമി, ഒരു വജ്രമാണ് നിങ്ങൾ സൃഷ്ടിച്ചത്. ജയ്ഭീമിന് ശേഷം തമിഴ് സിനിമയില്‍ മറ്റൊരു ക്ലാസിക് കൂടി. അഭിനന്ദനങ്ങൾ ശിവകാർത്തികേയൻ. ഈ വേഷം കൈകാര്യം ചെയ്യാനുള്ള നിങ്ങളുടെ പരിശ്രമവും കഠിനാദ്ധ്വാനവും ഊഹിക്കാൻ കഴിയും. സായിപല്ലവി എന്തൊരു നടിയാണ് നിങ്ങൾ. അവസാന 10 മിനിറ്റിൽ നിങ്ങൾ എന്റെ ഹൃദയവും ശ്വാസവും എടുത്തു. നിന്നെ ഓർത്ത് അഭിമാനിക്കുന്നു. ശ്രീമതി ഇന്ദു റെബേക്ക വർഗീസ് നിങ്ങളുടെ ത്യാഗവും പോസിറ്റിവിറ്റിയും ഞങ്ങളുടെ ഹൃദയങ്ങളെ സ്പർശിക്കുകയും ആത്മാവിനെ പ്രകാശിപ്പിക്കുകയും ചെയ്തു. മേജർ മുകുന്ദ് വരദരാജൻ -ഓരോ പൗരനും നിങ്ങളുടെ വീര്യം ആഘോഷിക്കുന്നു, ഞങ്ങളുടെ കുട്ടികളെ നിങ്ങളെപ്പോലെ വളർത്താൻ ഞങ്ങൾ ആഗ്രഹിക്കുന്നു. ഇത് ഇന്ത്യൻ സൈന്യത്തിനുള്ള ഉചിതമായ ആദരാഞ്ജലിയാണ്. ജയ് ഹിന്ദ്, ദയവായി ഈ വജ്രം പ്രേക്ഷകരെ കാണാതെ പോകരുത്," ജ്യോതികയുടെ വാക്കുകളിങ്ങനെ. 

View this post on Instagram

A post shared by Jyotika (@jyotika)

മേജർ മുകുന്ദ് വരദരാജന്റെ ജീവിതകഥ പറയുന്ന ചിത്രത്തിൽ മുകുന്ദായി ശിവകാർത്തികേയൻ എത്തുമ്പോൾ മുകുന്ദിന്റെ ഭാര്യ ഇന്ദു റെബേക്ക വർഗീസിന്റെ വേഷമാണ് സായ് പല്ലവിയ്ക്ക്. ജി.വി. പ്രകാശ് കുമാർ ആണ് ചിത്രത്തിന്റെ സംഗീത സംവിധാനം. 

ആഗോളതലത്തിൽ 100 ​​കോടി ക്ലബ്ബിൽ എത്തുന്ന മൂന്നാമത്തെ ശിവകാർത്തികേയൻ ചിത്രമാണ് അമരൻ. ഡോക്ടർ, ഡോൺ എന്നിവ മുൻപു നൂറുകോടി ക്ലബ്ബിൽ ഇടം നേടിയിരുന്നു. എന്നാൽ, ആ ചിത്രങ്ങളിൽ നിന്നും വ്യത്യസ്തമായി  മൂന്നു ദിവസത്തിനുള്ളിൽ 100 കോടി ക്ലബ്ബിൽ ഇടം നേടി എന്നതാണ് അമരന്റെ പ്രത്യേകത. 

Read More

• പെഡ്രോ പരാമോ: ഏകാന്തത ജീവിക്കുന്നവരുടെയും മരിച്ചവരുടെയും
• 44 വർഷങ്ങൾക്കു മുൻപുള്ളൊരു അവാർഡ് നിശ; ഈ വീഡിയോ നിങ്ങൾ കണ്ടിട്ടുണ്ടോ?
• Kanakarajyam OTT: കനകരാജ്യം ഒടിടിയിലേക്ക്
• വീട്ടിൽ ഞാൻ നാഗവല്ലിയാണ്, പുള്ളിയ്ക്ക് വേറെ വഴിയില്ല; ഭർത്താവിനെ കുറിച്ച് വിദ്യാ ബാലൻ
• പിറന്നാൾ ആശംസയില്ല, ഒരുമിച്ച് ഒരിടത്തും കാണുന്നില്ല; ഐശ്വര്യ അഭിഷേക് ബന്ധം ഉലയുന്നോ?
• മക്കളെ കയ്യിലേന്തി കോഹ്‌ലി; ആദ്യമായി മകന്റെ ചിത്രം പങ്കിട്ട് അനുഷ്ക
• ARM OTT: എആർഎം ഒടിടിയിലേക്ക്; റിലീസ് തീയതി പ്രഖ്യാപിച്ച് ഹോട്ട്സ്റ്റാർ
• തെലുങ്ക് സിനിമയിലെ സൂപ്പർസ്റ്റാറായി മാറുന്ന ദുൽഖർ
• പ്രശസ്തനും ധനികനുമായ നടനാവാൻ ആഗ്രഹിച്ചു, ആയി: ഇതൊക്കെയാണ് മാനിഫെസ്റ്റേഷൻ!
• Lubber Pandhu OTT: സർപ്രൈസ് ഹിറ്റടിച്ച 'ലബ്ബര്‍ പന്ത്' ഒടിടിയിൽ
• ദുൽഖറിന്റെ ഗംഭീര തിരിച്ചുവരവ്; ബോക്സ് ഓഫീസ് തകർത്തുവാരി ലക്കി ഭാസ്കർ
• ഞാനൊരു ബഡഗയെ വിവാഹം കഴിക്കണമെന്നാണ് അവരെന്നോട് പറഞ്ഞത്: സായ് പല്ലവി: Sai Pallavi marriage statement