വീട്ടിൽ ഞാൻ നാഗവല്ലിയാണ്, പുള്ളിയ്ക്ക് വേറെ വഴിയില്ല; ഭർത്താവിനെ കുറിച്ച് വിദ്യാ ബാലൻ

ദീപാവലിക്ക്,  നെറ്റ്ഫ്ളിക്സിന്റെ ദി ഗ്രേറ്റ് ഇന്ത്യൻ കപിൽ ഷോ സീസൺ രണ്ടിൽ അതിഥികളായി എത്തിയത് ഭൂൽ ഭുലയ്യ മൂന്നിലെ അഭിനേതാക്കളായ കാർത്തിക് ആര്യൻ, വിദ്യാ ബാലൻ, തൃപ്തി ദിമ്രി, രാജ്പാൽ യാദവ്, സംവിധായകൻ അനീസ് ബസ്മി എന്നിവരായിരുന്നു. ചിരിയും തമാശകളുമായി രസകരമായ എപ്പിസോഡിൽ നിന്നുള്ള കാഴ്ചകളാണ് ഇപ്പോൾ ശ്രദ്ധ നേടുന്നത്. 

മണിച്ചിത്രത്താഴിന്റെ ഹിന്ദി റിമേക്ക് ചിത്രമായ ഭൂൽ ഭൂലായിയിൽ മഞ്ജുളിക (നാഗവല്ലി) എന്ന കഥാപാത്രത്തെ അവതരിപ്പിച്ചത് വിദ്യാ ബാലനാണ്. 

ഭർത്താവ് സിദ്ധാർത്ഥ് റോയ് കപൂറിനെ എന്തെങ്കിലും കാര്യത്തിനു  സമ്മതിപ്പിക്കാൻ ഉള്ളിലെ മഞ്ജുളികയെ പുറത്തെടുക്കണോ എന്നാണ് കപിൽ വിദ്യാ ബാലനോട് ചോദിക്കുന്നത്. "ഞാൻ ഒരിക്കലും മഞ്ജുളിക ആകേണ്ടതില്ല, മെയിൻ ഹൂൺ മഞ്ജുളിക (ഞാനാണ് യഥാർത്ഥ മഞ്ജുളിക),"എന്നാണ് ചിരിയോടെ വിദ്യാബാലൻ പറയുന്നത്.  "ഇത് അറിഞ്ഞിട്ടാണ് അദ്ദേഹം എന്നെ വിവാഹം കഴിച്ചത്. യഥാർത്ഥത്തിൽ,അദ്ദേഹത്തിനു വേറെ വഴിയില്ല, എന്നെ വിവാഹം കഴിച്ചു,” വിദ്യാ ബാലൻ കൂട്ടിച്ചേർത്തു.

എന്താണ് വിദ്യാ ബാലന്റെ ആഗ്രഹമെന്നു ചോദിച്ചപ്പോൾ, "ഞങ്ങൾ ഭൂൽ ഭുലയ്യ 4 ഉടൻ പ്രഖ്യാപിക്കണമെന്ന് ഞാൻ ആഗ്രഹിക്കുന്നു. എങ്ങനെയെങ്കിലും അനീസ് ബസ്മിയെ അക്കാര്യം ബോധ്യപ്പെടുത്താൻ ഞാൻ ശ്രമിക്കുന്നു," എന്നാണ് വിദ്യാ ബാലൻ പറഞ്ഞത്. 

അതേസമയം, ഭൂൽ ഭുലയ്യ 3 ബോക്‌സ് ഓഫീസിൽ ശ്രദ്ധേയമായ കുതിപ്പ് നടത്തുകയാണ്. നവംബർ 1-ന് റിലീസിനെത്തിയ ചിത്രം,  നാല് ദിവസത്തിനുള്ളിൽ 123.50 കോടി രൂപയാണ് ബോക്സ് ഓഫീസിൽ നിന്നും കളക്റ്റ് ചെയ്തത്. 

Read More

• മക്കളെ കയ്യിലേന്തി കോഹ്‌ലി; ആദ്യമായി മകന്റെ ചിത്രം പങ്കിട്ട് അനുഷ്ക
• ARM OTT: എആർഎം ഒടിടിയിലേക്ക്; റിലീസ് തീയതി പ്രഖ്യാപിച്ച് ഹോട്ട്സ്റ്റാർ
• തെലുങ്ക് സിനിമയിലെ സൂപ്പർസ്റ്റാറായി മാറുന്ന ദുൽഖർ
• പ്രശസ്തനും ധനികനുമായ നടനാവാൻ ആഗ്രഹിച്ചു, ആയി: ഇതൊക്കെയാണ് മാനിഫെസ്റ്റേഷൻ!
• Lubber Pandhu OTT: സർപ്രൈസ് ഹിറ്റടിച്ച 'ലബ്ബര്‍ പന്ത്' ഒടിടിയിൽ
• ദുൽഖറിന്റെ ഗംഭീര തിരിച്ചുവരവ്; ബോക്സ് ഓഫീസ് തകർത്തുവാരി ലക്കി ഭാസ്കർ
• ഞാനൊരു ബഡഗയെ വിവാഹം കഴിക്കണമെന്നാണ് അവരെന്നോട് പറഞ്ഞത്: സായ് പല്ലവി: Sai Pallavi marriage statement