സൗന്ദര്യത്തിനു പിന്നിലെ പ്രധാന ചേരുവ വെളിപ്പെടുത്തി കൃതി സനോൻ

സിനിമ താരങ്ങളുടെ ചർമ്മ സംരക്ഷണം പലപ്പോഴും ആരാധകർ ഉറ്റുനോക്കാറുണ്ട്. അവർ സ്ഥിരമായി ഉപയോഗിക്കുന്ന ഉത്പന്നങ്ങളറിയാൻ ഏവർക്കും ആകാംഷ ഉണ്ടാകും.. ബോളിവുഡ് നടിയായ കൃതി സനോൻ തൻ്റെ പ്രിയപ്പെട്ട ചർമ്മ സംരക്ഷണ ഉത്പന്നത്തെക്കുറിച്ച് ഗ്രാസിയുമായുള്ള സംഭാഷണത്തിൽ പറയുകയുണ്ടായി. സിനിമകളിലും മറ്റും അഭിനയ രംഗത്ത്  കരയുന്ന സീനുകളിൽ മാത്രമല്ല ഗ്ലിസറിൻ്റെ ഉപയോഗമുള്ളത്. അതിന് ബഹുമുഖമായ സവിശേഷതകളുണ്ടെന്ന് താരം പറയുന്നു. ചർമ്മം വരണ്ടു പോകുന്ന അവസ്ഥ തടഞ്ഞ് ഈർപ്പം നിലനിർത്താൻ ഇത് സഹായിക്കുന്നു. മിക്കവാറും എല്ലാ ചർമ്മ സംരക്ഷണ ഉത്പന്നങ്ങളിലും ഇതിൻ്റെ സാന്നിധ്യമുണ്ട്. പെപ്റ്റൈഡുകളും ചർമ്മത്തിൻ്റെ ഇലാസ്തികത നിലനിർത്താൻ സഹായിക്കുമെന്ന്  കൃതി പറയുന്നു. 

ഗ്ലിസറിൻ ചർമ്മ സംരക്ഷണത്തിന് എങ്ങനെ സഹായിക്കുന്നു?
ചർമ്മ സംരക്ഷണത്തിനായുള്ള മിക്ക ഉത്പന്നങ്ങളിലും ഗ്ലിസറിൻ ചേരുവയായി വരുന്നുണ്ട്. ഇത് ചർമ്മ സുഷിരങ്ങളിൽ തടസ്സം ഉണ്ടാക്കാതെ തന്നെ ജലാംശവും നിലനിർത്തി മൃദുലവും മിനുസ്സവുമാക്കാൻ സഹായിക്കുന്നു. അങ്ങനെ ചുളിവുകൾ കുറയുന്നു, മുഖക്കുരുവിൽ നിന്നും ആശ്വാസം ലഭിക്കും എന്ന് ഡെർമറ്റോളജിസ്റ്റായ ഡോ. റിങ്കി കപൂർ പറയുന്നു. 

ഗ്ലിസറിൻ എങ്ങനെയാണ് ഉപയോഗിക്കേണ്ടത്?
ചർമ്മത്തിലെ ജലാംശം നിലനിർത്തുന്നതിന് രണ്ടോ മൂന്നോ തുള്ളി ഗ്ലിസറിൻ സ്ഥിരമായി ഉപയോഗിക്കുന്ന മോയ്സ്ചറൈസറിൽ ചേർത്ത് പുരട്ടാവുന്നതാണ്. അല്ലെങ്കിൽ പാലിൽ ഒരു സ്പൂൺ ഗ്ലിസറിൻ ചേർത്ത് ഉപയോഗിക്കുക. ചർമ്മത്തിലെ ചെറിയ സുഷിരങ്ങൾ കുറയ്ക്കുവാൻ വെള്ളത്തിൽ ഗ്ലിസറിൻ ലയിപ്പിച്ച് ഉപയോഗിച്ചാലും മതിയാകും എന്ന് ഡോ. കപൂർ പറയുന്നു. 

മോയ്സ്ചറൈസർ, നൈറ്റ് ക്രീം, സോപ്പ് എന്നിങ്ങനെ പല വിധത്തിൽ ഗ്ലിസറിൻ ഉപയോഗിക്കാം. എങ്കിലും വിദഗ്ധ നിർദ്ദേശമില്ലാതെ ഇത് ഇത്തരത്തിൽ ഉപയോഗിക്കാൻ പാടില്ല. സ്ഥിരമായി ഉപയോഗിക്കുന്നതിനു മുമ്പ് പാച്ച് ടെസ്റ്റ് ചെയ്തു നോക്കാൻ മറക്കരുത്. 

മറ്റേതെങ്കിലും ചേരുവകൾക്കൊപ്പം ചേർത്ത് നേർപ്പിക്കാതെ ഇത് നേരിട്ട് മുഖത്ത് ഉപയോഗിക്കരുത്. അങ്ങനെ ചെയ്യുന്നത് ചർമ്മത്തിൽ നിർജ്ജലീകരണം, അസ്വസ്ഥത എന്നിവ ഉണ്ടാകുന്നതിന് കാരണമാകും. ചർമ്മത്തിൻ്റെ സ്വഭാവം ഓരോരുത്തർക്കും വ്യത്യസ്തമായിരിക്കും. അതു മനസ്സിലാക്കി ഇത്തരം ഉത്പന്നങ്ങൾ ഉപയോഗിക്കാവൂ. 

Read More

• കഴുത്തിനു ചുറ്റുമുള്ള കറുപ്പ് നിറം അകറ്റാൻ ഒരു പൊടിക്കൈ
• ചർമ്മ സംരക്ഷണത്തിന് പിങ്ക് ഹിമാലൻ സോൾട്ട്? ഇക്കാര്യങ്ങൾ അറിഞ്ഞിരിക്കൂ
• കണ്ണിനു ചുറ്റുമുള്ള കറുപ്പകറ്റാം, ഇക്കാര്യങ്ങൾ ശ്രദ്ധിച്ചോളൂ
• മുടി കൊഴിച്ചിലാണോ പ്രശ്നം? ഈ ഹെയർ മാസ്ക് ട്രൈ ചെയ്തു നോക്കൂ
• ഹെയർ പെർഫ്യൂമുകൾ മുടിക്ക് നല്ലതോ? ബദൽ മാർഗങ്ങൾ ഇതാ
• ആരോഗ്യവും തിളക്കവുമുള്ള ചർമ്മത്തിന് ആപ്പിൾ കഴിക്കുന്നത് നല്ലതോ?
• ചർമ്മ സംരക്ഷണത്തിന് മഞ്ഞൾ, അൽപ്പം ശ്രദ്ധയാവാം
• പെർഫ്യൂം ഉപയോഗിക്കാറുണ്ടോ? ഇക്കാര്യം അറിഞ്ഞോളൂ
• അകാല നരയുടെ കാരണങ്ങൾ അറിയാമോ? ഇക്കാര്യങ്ങൾ ശ്രദ്ധിക്കൂ
• തിളങ്ങുന്നതും കട്ടിയുള്ളതുമായ മുടി നേടൂ നെല്ലിക്ക ഉപയോഗിച്ച്
• അകാല നരയും താരനും ഇനി പടിക്കു പുറത്ത്, ഈ ഹെയർ മാസ്ക് ഉപയോഗിക്കൂ