മുടി കൊഴിച്ചിലാണോ പ്രശ്നം? ഈ ഹെയർ മാസ്ക് ട്രൈ ചെയ്തു നോക്കൂ

കാലാവസ്ഥയിലെ മാറ്റം വർദ്ധിച്ചു വരുന്ന സമ്മർദ്ദം എന്നിങ്ങനെ ജീവിത ശൈലിയിലെ മാറ്റം വരെ നിങ്ങളുടെ തലമുടിയുടെ വളർച്ചയെ ബാധിച്ചേക്കാം. അസാധാരണമായ മുടികൊഴിച്ചിൽ, താരൻ എന്നിങ്ങനെയുള്ള പ്രശ്നങ്ങളിലേയ്ക്കാണ് ഇത് നയിക്കുക

ഒരു പരിധി വരെ തലമുടി കൊഴിയുന്നത് സ്വഭാവികമാണ്. എന്നാൽ അമിതമായ കൊഴിച്ചിൽ അനുഭവപ്പെടുന്നത് ആശങ്ക ഉണ്ടാക്കിയേക്കാം. അതിനാൽ ഉടനടി പരിഹാരം കാണേണ്ടതുണ്ട്. വീട്ടിൽ തന്നെ തയ്യാറാക്കാവുന്ന പ്രകൃതിദത്തമായ പല ഹെയർമാസ്ക്കുകളും ഇതിന് പരിഹാരമായേക്കാം. ഉള്ളിയുടെ നീര്,  വെളിച്ചെണ്ണ തുടങ്ങിയവ മുടിയുടെ ആരോഗ്യത്തിന് ഫലപ്രദമാണെന്ന് കണക്കാക്കപ്പെടുന്നു. അവ സംയോജിപ്പിച്ചു കൊണ്ടുള്ള ഒരു ഹെയർമാസ്ക് ഇതാ:

ചേരുവകൾ

• വെളിച്ചെണ്ണ
• ഉള്ളി ജ്യൂസ്
• കറ്റാർ വാഴ ജെൽ

തയ്യാറാക്കുന്ന വിധം

• ഒരു ​​പാനിൽ വെളിച്ചെണ്ണ എടുത്ത് കറ്റാർ വാഴ ജെൽ മിക്സ് ചെയ്യുക. ഇത് അഞ്ച് മിനിറ്റ് തിളപ്പിക്കുക.
• അതിൽ നിന്നും ഏകദേശം 2 സ്പൂൺ മിശ്രിതം എടുത്ത് അതിൽ നാല് സ്പൂൺ ഉള്ളി നീര് ചേർക്കുക.
• ഇത് ഒരു സ്പ്രേ ബോട്ടിലിലേക്ക് മാറ്റുക.
• ഇത് തലയിൽ പുരട്ടി ഒന്ന് മുതൽ ഒന്നര മണിക്കൂർ വരെ വിശ്രമിക്കുക. 
• ശേഷം ഷാമ്പൂ ഉപയോഗിച്ച് കഴുക.

ഗുണങ്ങൾ

• വെളിച്ചെണ്ണ മുടി വളർച്ചയെ സഹായിക്കുമെന്ന് അറിയപ്പെടുന്നു. 
• വെളിച്ചെണ്ണയ്ക്ക്  ആൻ്റിമൈക്രോബയൽ ഗുണങ്ങളുണ്ട്.
• കറ്റാർ വാഴ ജെല്ലിൽ അമിനോ ആസിഡുകളും വിറ്റാമിനുകളും ധാതുക്കളും ഉണ്ട്.
• വെളിച്ചെണ്ണയിൽ ജെൽ ചൂടാക്കുമ്പോൾ, എണ്ണയ്ക്കും ആ ഗുണങ്ങൾ ലഭിക്കും.
• ഉള്ളി ജ്യൂസിൽ ഫോസ്ഫറസ്, കാൽസ്യം, ഇരുമ്പ്, സൾഫർ എന്നിവ അടങ്ങിയിട്ടുണ്ട്, ഇത് മുടിയുടെ പ്രശ്നങ്ങൾ പരിഹരിക്കാൻ ഫലപ്രദമാണെന്ന് കണക്കാക്കപ്പെടുന്നു.

മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഹെയർ പെർഫ്യൂമുകൾ മുടിക്ക് നല്ലതോ? ബദൽ മാർഗങ്ങൾ ഇതാ
• ആരോഗ്യവും തിളക്കവുമുള്ള ചർമ്മത്തിന് ആപ്പിൾ കഴിക്കുന്നത് നല്ലതോ?
• ചർമ്മ സംരക്ഷണത്തിന് മഞ്ഞൾ, അൽപ്പം ശ്രദ്ധയാവാം
• പെർഫ്യൂം ഉപയോഗിക്കാറുണ്ടോ? ഇക്കാര്യം അറിഞ്ഞോളൂ
• അകാല നരയുടെ കാരണങ്ങൾ അറിയാമോ? ഇക്കാര്യങ്ങൾ ശ്രദ്ധിക്കൂ
• തിളങ്ങുന്നതും കട്ടിയുള്ളതുമായ മുടി നേടൂ നെല്ലിക്ക ഉപയോഗിച്ച്
• അകാല നരയും താരനും ഇനി പടിക്കു പുറത്ത്, ഈ ഹെയർ മാസ്ക് ഉപയോഗിക്കൂ