കഴുത്തിനു ചുറ്റുമുള്ള കറുപ്പ് നിറം അകറ്റാൻ ഒരു പൊടിക്കൈ

ചർമ്മത്തിനോ, മുടിക്കോ അങ്ങനെ ഏതുമാകട്ടെ, ഇവയെ ബാധിക്കുന്ന പ്രശ്നങ്ങൾക്ക് വളരെ വേഗം പരിഹാഗരം ലഭിക്കുന്ന വിദ്യകളാണ് എല്ലാവരും തപ്പുക. അപ്പോഴും ശരിയായ പരിഹാരം ലഭ്യമാകാത്ത ഒന്നാണ് കഴുത്തിനു ചുറ്റുമുള്ള ഇരുണ്ട പാടുകൾ. എല്ലാവരിലും ഒരേ കാരണങ്ങൾ കൊണ്ടായിരിക്കില്ല ഇത് ഉണ്ടാവുക.

ഹോർമോൺ വ്യതിയാനം മൂലമുള്ളവയ്ക്ക് ഭക്ഷണക്രമത്തിൽ മാറ്റം വരുത്തുന്നത് ഒരു പരിധി വരെ സഹായിച്ചേക്കാം. ഫ്രിക്ഷണൽ മെലനോസിസ്  എന്ന മറ്റൊരുവസ്ഥയും ഇത്തരത്തിൽ കഴുത്തിനു ചുറ്റുമുള്ള ചർമ്മം കറുക്കുന്നതിനു കാരണമായേക്കാം. ചർമ്മ തമ്മലോ, അല്ലെങ്കിൽ ടവ്വൽ ഉപയോഗിക്കുമ്പോഴോ ഒക്കെ ആവാം ഇത് സംഭവിക്കുക. ഇത് കഴുത്തിലും, കൈകളിലും, കക്ഷത്തിലും ഉണ്ടാവാം. ചില പൊടിവിദ്യകൾ പരീക്ഷിച്ചാൽ  ഒരു പരിധി വരെ ഇങ്ങനെ ഉണ്ടാകുന്ന കറുപ്പ് നിറം കുറയ്ക്കാൻ സാധിക്കും. അതിനായി കടകളിൽ നിന്നും പ്രത്യേകമായി ഉത്പന്നങ്ങൾവാങ്ങി നോക്കേണ്ട അവശ്യമില്ല. വീട്ടിൽ തന്നെ ലഭിക്കുന്ന ചില ചേരുവകൾ ഉപയോഗിച്ചാൽ മതിയാകും. 

ചേരുവകൾ

• കറ്റാർവാഴ ജെൽ
• കാപ്പിപ്പൊടി
• പഞ്ചസാര
• മഞ്ഞൾ
• നാരങ്ങാനീര്

തയ്യാറാക്കുന്ന വിധം

• കറ്റാർവാഴ ജെല്ലിലേയ്ക്ക് കുറച്ച് കാപ്പിപ്പൊടിയും, പഞ്ചസാര പൊടിച്ചതും, കുറച്ച് മഞ്ഞൾപ്പൊടിയും ചേർത്തിളക്കുക.
• കഴുത്തിലെ കറുപ്പ് നിറം കുറച്ചധികം ഉണ്ടെങ്കിൽ ഇതിലേയ്ക്ക് ഒരു നാരങ്ങയുടെ പകുതി ജ്യൂസ് കൂടി ചേർത്തിളക്കാം.
• ശേഷം ചെറിയ ചൂടുവെള്ളത്തിൽ മുക്കിയ ടവ്വൽ കഴുത്തിനു ചുറ്റും 10 മിനിറ്റ് വയ്ക്കുക.
• ശേഷം ഈ മിശ്രിതം പുരട്ടി 15 മിനിറ്റ് സ്ക്രബ് ചെയ്യുക.
• ആഴ്ച്ചയിൽ രണ്ട് തവണയെങ്കിലും ഇത് ഉപയോഗിച്ചു നോക്കൂ. 

ഗുണങ്ങൾ
ഇത് ഒരു പരിധി വരെ കഴുത്തിനു ചുറ്റുമുള്ള കറുപ്പ് നിറം അകറ്റാൻ സഹായിച്ചേക്കാം. ആന്റിഓക്‌സിഡന്റുകൾ, വിറ്റാമിനുകൾ, ധാതുക്കൾ എന്നിവയാൽ സമ്പന്നമായ കറ്റാർ വാഴയ്ക്ക് ആന്റി-ഇൻഫ്ലമേറ്ററി, മോയ്സ്ച്യുറൈസിങ് ഗുണങ്ങളുണ്ട്.  കേടായ ചർമ്മകോശങ്ങളെ നന്നാക്കാനും കൊളാജൻ ഉൽപാദനം പ്രോത്സാഹിപ്പിക്കാനും ചർമ്മത്തിന്റെ മൊത്തത്തിലുള്ള ആരോഗ്യം മെച്ചപ്പെടുത്താനും കറ്റാർ വാഴ സഹായിക്കും.

ധാരാളം ആൻ്റി ഇൻഫ്ലമേറ്ററി സവിശേഷതകൾ മഞ്ഞളിൽ അടിങ്ങിയിട്ടുണ്ട്. ചർമത്തിന്റെ ഹൈപ്പർപിഗ്മെന്റേഷൻ തടയാൻ സഹായിക്കുന്ന സെബം ഉത്പാദനത്തെ സന്തുലിതമാക്കുന്നു. ഇതിൻ്റെ ആൻ്റി ഏജിംഗി സവിശേഷതകൾ ചുളുവുകൾ, പാടുകൾ എന്നിവ നീക്കം ചെയ്തേക്കാം. മഞ്ഞളിൽ ആടങ്ങിയിരിക്കുന്ന കുർക്കുമിനാണ് ആൻ്റി ഇൻഫ്ലമേറ്ററി ഏജൻ്റായി പ്രവർത്തിക്കുന്നത്.

ചർമ്മത്തിൻ്റെ നിറം മെച്ചപ്പെടുത്താനുള്ള ബ്ലീച്ചിങ് സവിശേഷത നാരങ്ങാനീരിനുണ്ട്. പഞ്ചസാര നല്ലൊരു എക്സ്ഫോളിയേറ്ററായി പ്രവർത്തിക്കുന്നു. ഇത് ഉപയോഗിക്കുന്നതു കൊണ്ടുള്ള ഫലം തികച്ചും വ്യക്തിഗതമായിരിക്കും. ഒരോരുത്തരുടേയും ചർമ്മ സ്വഭാവമനുസരിച്ച് ഇത് മാറി വരും. 

Read More

• ചർമ്മ സംരക്ഷണത്തിന് പിങ്ക് ഹിമാലൻ സോൾട്ട്? ഇക്കാര്യങ്ങൾ അറിഞ്ഞിരിക്കൂ
• കണ്ണിനു ചുറ്റുമുള്ള കറുപ്പകറ്റാം, ഇക്കാര്യങ്ങൾ ശ്രദ്ധിച്ചോളൂ
• മുടി കൊഴിച്ചിലാണോ പ്രശ്നം? ഈ ഹെയർ മാസ്ക് ട്രൈ ചെയ്തു നോക്കൂ
• ഹെയർ പെർഫ്യൂമുകൾ മുടിക്ക് നല്ലതോ? ബദൽ മാർഗങ്ങൾ ഇതാ
• ആരോഗ്യവും തിളക്കവുമുള്ള ചർമ്മത്തിന് ആപ്പിൾ കഴിക്കുന്നത് നല്ലതോ?
• ചർമ്മ സംരക്ഷണത്തിന് മഞ്ഞൾ, അൽപ്പം ശ്രദ്ധയാവാം
• പെർഫ്യൂം ഉപയോഗിക്കാറുണ്ടോ? ഇക്കാര്യം അറിഞ്ഞോളൂ
• അകാല നരയുടെ കാരണങ്ങൾ അറിയാമോ? ഇക്കാര്യങ്ങൾ ശ്രദ്ധിക്കൂ
• തിളങ്ങുന്നതും കട്ടിയുള്ളതുമായ മുടി നേടൂ നെല്ലിക്ക ഉപയോഗിച്ച്
• അകാല നരയും താരനും ഇനി പടിക്കു പുറത്ത്, ഈ ഹെയർ മാസ്ക് ഉപയോഗിക്കൂ