ഓവനില്ലാതെ ബ്രെഡ് തയ്യാറാക്കിയാലോ? മധുരക്കിഴങ്ങും മുട്ടയും മതി

Sweet Potato and Egg Bread Recipe: തണുപ്പ്കാലമെന്നു പറയുമ്പോൾ കിഴങ്ങുവർഗങ്ങൾ ധാരാളം ലഭ്യമാകുന്ന സമയം കൂടിയാണ്. അതിൽ തന്നെ കടകളിൽ ഇപ്പോൾ സ്ഥിരമായി കണ്ടു വരുന്ന ഒരു കിഴങ്ങാണ് മധുരക്കിഴങ്ങ്. എപ്പോഴെങ്കിലും അത് കഴിച്ചു നോക്കിയിട്ടുണ്ടോ?. പ്രോട്ടീൻ, വിറ്റാമിൻ എ, വിറ്റാമിൻ സി, പൊട്ടാസ്യം, മഗ്നീഷ്യം, ഇരുമ്പ് എന്നിങ്ങനെ ആവശ്യ പോഷകങ്ങൾ അതിൽ ധാരാളം അടങ്ങിയിട്ടുണ്ടെന്ന് പഠനങ്ങൾ സൂചിപ്പിക്കുന്നു.

ഈ കിഴങ്ങ് വർഗം നിങ്ങളുടെ ഭക്ഷണത്തിൽ ഉൾപ്പെടുത്തുന്നതിലൂടെ മാക്രോ, മൈക്രോ ന്യൂട്രിയൻ്റുകൾ ശരീരത്തിൽ എത്തുന്നു എന്നാണ് വിദഗ്ധർ അഭിപ്രായപ്പെടുന്നത്. അങ്ങനെയെങ്കിൽ അടുക്കളിയൽ വിഭവങ്ങൾ തയ്യാറാക്കുമ്പോൾ മധുരക്കിഴങ്ങും ഉൾപ്പെടുത്താം. അതിൽ തന്നെ ഏവരേയും കൊതിപ്പിക്കുന്ന ഒരു ബ്രെഡ് അതുപയോഗിച്ച് ബേക്ക് ചെയ്തെടുത്താലോ?

ഓവനില്ലാതെ ബേക്ക് ചെയ്യാൻ പറ്റില്ല എന്ന് ചിന്തിക്കേണ്ട. ഒരു കുക്കർ തന്നെ ധാരാളം ബ്രെഡും കേക്കും കിടിലൻ രുചിയിൽ തയ്യാറാക്കാം. ഇനി മധുരക്കിഴങ്ങ് കിട്ടിയാൽ ഹെൽത്തിയും രുചികരവുമായ ബ്രെഡ് തന്നെ റെഡിയാക്കാം. റെക്കഗ്നൈസിങ് മാസ്റ്റർ എന്ന ഇൻസ്റ്റഗ്രാം പേജാണ് ഈ സിംപിൾ റെസിപ്പി പരിചയപ്പെടുത്തി തരുന്നത്.

ചേരുവകൾ

• മധുരക്കിഴങ്ങ്
• മുട്ട 
• തേൻ 
• എണ്ണ

View this post on Instagram

A post shared by Recognizing Master (@recognizingmaster)

തയ്യാറാക്കുന്ന വിധം

• ഇടത്തരം വലിപ്പമുള്ള ഒരു മധുരക്കിഴങ്ങ് കഴുകിയെടുക്കാം.
• അത് വട്ടത്തിൽ അരിഞ്ഞ് വെള്ളത്തിൽ ചേർത്തു നന്നായി പുഴുങ്ങാം.
• ചൂടാറിയതിനു ശേഷം തൊലി കളഞ്ഞ് ഉടച്ചെടുക്കുക.
• ഇതിലേയ്ക്ക് മൂന്ന് ടീസ്പൂൺ​ തേൻ, രണ്ട് മുട്ട പൊട്ടിച്ചൊഴിച്ചത് എന്നിവ ചേർത്തു നന്നായി ഇളക്കാം.
• ഒരു പാൻ അടുപ്പിൽ വച്ച് ചൂടാക്കാം.
• അതിൽ അൽപം എണ്ണയോ നെയ്യോ പുരട്ടാം.
• ഇതിലേയ്ക്ക് മാവ് ഒഴിച്ച് അടച്ചു വയ്ക്കാം. ഇരുവശങ്ങളും വേവിക്കാം.
• അടുപ്പണച്ച് ചൂടാറാൻ മാറ്റി വയ്ക്കാം.
• ശേഷം ഇഷ്ടാനുസരണം മുറിച്ചു കഴിച്ചു നോക്കൂ

Read More

• പഴുത്ത പഴം ഉണ്ടെങ്കിൽ തയ്യാറാക്കാം ഈ 10 വിഭവങ്ങൾ
• ഈ ഒരു ചമ്മന്തി ഉണ്ടെങ്കിൽ ചോറുണ്ണാൻ മറ്റൊരു കറി വേണ്ട
• ചിക്കൻ കട്ലറ്റ് ബേക്കറിയിൽ കിട്ടുന്ന അതേ രുചിയിൽ ഇനി വീട്ടിൽ തയ്യാറാക്കാം
• ചായ തിളക്കുന്ന സമയം കൊണ്ട് ബ്രെഡ് റോൾ റെഡി: Bread Roll Recipe
• അരിപ്പൊടിയും തേങ്ങാപ്പാലും വേണ്ട, പൂ പോലെ സോഫ്റ്റ് വട്ടയപ്പം തയ്യാറാക്കാൻ റവ മതി
• ബാക്കി വന്ന ചോറ് കളയരുതേ...സൂക്ഷിച്ചു വച്ചാൽ കിടിലൻ സ്നാക് തയ്യാറാക്കാം
• തണുപ്പ് കാലത്ത് ഈ ശർക്കര വിഭവം കഴിച്ചോളൂ, രുചികരമാണ് ആരോഗ്യത്തിന് ഗുണകരവും: Jaggery Recipes
• തട്ടുകടയിൽ മാത്രമല്ല ഇനി വീട്ടിലും തയ്യാറാക്കാം രുചികരമായ ഗ്രീൻപീസ് മുട്ട മസാല
• പച്ചമാങ്ങ വറുത്തത് ഇങ്ങനെ ചെയ്തു സൂക്ഷിച്ചോളൂ? കൊതിപ്പിക്കും രുചിയാണ്
• രുചിയേറും മീൻ പത്തിൽ മലബാർ റെസിപ്പിയിൽ
• പരിപ്പ് ബാക്കിയുണ്ടോ? ചപ്പാത്തി മുതൽ പരിപ്പുവട വരെ രുചിയേറും വിഭവങ്ങൾ തയ്യാറാക്കാൻ അതു മതി
• പഞ്ഞി പോലെ സോഫ്റ്റ് ഇടിയപ്പം ഇനി മധുരിക്കും
• ചിക്കൻ 65 ഇതിലും രുചിയിൽ കഴിച്ചിട്ടുണ്ടാകില്ല
• കൂട്ടുപായസം കഴിച്ചാലോ? ഉണക്കലരി ഉണ്ടെങ്കിൽ എളുപ്പത്തിൽ തയ്യാറാക്കാം

.