ബാക്കി വന്ന ചോറ് കളയരുതേ...സൂക്ഷിച്ചു വച്ചാൽ കിടിലൻ സ്നാക് തയ്യാറാക്കാം

അടുക്കളയിൽ ഏറ്റവും അധികം ബാക്കി വരുന്നത് ചോറായിരിക്കാം. ചെറിയ നുറുങ്ങു വിദ്യകൾ ഉപയോഗിച്ചാൽ ഇങ്ങനെ വരുന്ന ചോറ് മറ്റൊരു വിഭവമാക്കാൻ സാധിക്കും. ചോറ് അരച്ച് ആവിയിൽ വേവിച്ച് കടുകും, വറ്റൽമുളക് ചതച്ചത് വറുത്ത് ഇതിനൊപ്പം ചേർത്താൽ മതിയാകും. നൂപുർ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ചോറ്
• കടലമാവ്
• റവ
• തൈര്
• ഇഞ്ചി
• പച്ചമുളക്
• വെള്ളം
• ജീരകം
• കായം
• ഉപ്പ്
• ബേക്കിങ് സോഡ
• എണ്ണ
• കടുക്
• എള്ള്
• വറ്റൽമുളക്
• മല്ലി

View this post on Instagram

A post shared by Nupur (@my_kitchenn_diaries)

തയ്യാറാക്കുന്ന വിധം

• ബാക്കി വന്ന രണ്ട് കപ്പ് ചോറിലേയ്ക്ക് അര കപ്പ് കടലമാവ്, അര കപ്പ് റവ, അര കപ്പ് തൈര്, ചെറിയ കഷ്ണം ഇഞ്ചി, രണ്ട് പച്ചമുളക് ഒപ്പം ഒരു കപ്പ് വെള്ളം ഒഴിച്ച് മാവ് അരച്ചെടുക്കുക.
• അരച്ചെടുത്ത മാവിലേയ്ക്ക്  ഒരു ടീസ്പൂൺ ജീരകം, അര ടീസ്പൂൺ കായപ്പൊടി, ആവശ്യത്തിന് ഉപ്പ് എന്നിവ ചേർത്ത് അൽപ സമയം അടച്ചു വെയ്ക്കുക.
• ശേഷം തുറന്ന് അര ടീസ്പൂൺ ബേക്കിങ് സോഡ കൂടി ചേർത്തിളക്കാം.
• ഒരു പരന്ന പാത്രത്തിൽ അൽപം നെയ്യ് പുരട്ടി ഈ മാവ് ഒഴിച്ച് ആവിയിൽ വേവിച്ചെടുക്കുക.
• ശേഷം ചെറിയ കഷ്ണങ്ങളായി മുറിച്ചു വെയ്ക്കാം.
• ഒരു പാൻ അടുപ്പിൽ വെച്ച് രണ്ട് ടേബിൾസ്പൂൺ എണ്ണയൊഴിച്ചു ചൂടാക്കി, ഒരു ടീസ്പൂൺ​ കടുക്, ഒരു ടീസ്പൂൺ എള്ള് , അര ടീസ്പൂൺ വറ്റൽമുളക് ചതച്ചത് എന്നിവ വറുത്തതിലേയ്ക്ക് മുറിച്ചു വച്ച കഷ്ണങ്ങൾ ചേർത്തിളക്കുക.
  ഒരു പിടി മല്ലിയില കൂടി ചേർത്ത് അടുപ്പിൽ നിന്നും മാറ്റാം, ആവശ്യാനുസരണം വിളമ്പാം. 

Read More

• തണുപ്പ് കാലത്ത് ഈ ശർക്കര വിഭവം കഴിച്ചോളൂ, രുചികരമാണ് ആരോഗ്യത്തിന് ഗുണകരവും: Jaggery Recipes
• തട്ടുകടയിൽ മാത്രമല്ല ഇനി വീട്ടിലും തയ്യാറാക്കാം രുചികരമായ ഗ്രീൻപീസ് മുട്ട മസാല
• പച്ചമാങ്ങ വറുത്തത് ഇങ്ങനെ ചെയ്തു സൂക്ഷിച്ചോളൂ? കൊതിപ്പിക്കും രുചിയാണ്
• രുചിയേറും മീൻ പത്തിൽ മലബാർ റെസിപ്പിയിൽ
• പരിപ്പ് ബാക്കിയുണ്ടോ? ചപ്പാത്തി മുതൽ പരിപ്പുവട വരെ രുചിയേറും വിഭവങ്ങൾ തയ്യാറാക്കാൻ അതു മതി
• ബാക്കി വന്ന ഭക്ഷണങ്ങൾക്ക് കിടിലൻ മേക്കോവർ നൽകാം; ഇതാ ചില വിദ്യകൾ
• കട്ലറ്റ് കൂടുതൽ രുചികരമാക്കാം, ഈ ചേരുവ ഉപയോഗിക്കൂ
• ഹോട്ടൽ സ്റ്റൈൽ ചിക്കൻ സൂപ്പ് തയ്യാറാക്കാം 5 മിനിറ്റിൽ
• ഓവൻ വേണ്ട? കുക്കറിൽ തയ്യാറാക്കാം ഈ 5 മധുരങ്ങൾ
• ബ്രെഡ് ഇനി ടോസ്റ്റ് ചെയ്യാതെ ഇങ്ങനെ കഴിച്ചു നോക്കൂ
• ഡിന്നർ സ്പെഷ്യലായി ചിക്കൻ മലായ് തയ്യാറാക്കിയാലോ?