രുചിയേറും മീൻ പത്തിൽ മലബാർ റെസിപ്പിയിൽ

ഇലയട എന്നാൽ മലയാളിയുടെ പ്രിയപ്പെട്ട രുചിക്കൂട്ടിൽ ഒന്നാണ്. അരച്ചെടുത്ത അരി മാവ് ഇലയിൽ വച്ച് പരത്തി ഉള്ളിൽ ശർക്കരയും തേങ്ങയും വച്ച് ആവിയിൽ വേവിച്ചെടുക്കുന്നത് കണ്ടു നിന്നാൽ തന്നെ കൊതി തോന്നും. എന്നാൽ ഇലയിൽ തന്നെ വച്ചു തയ്യാറാക്കുന്ന മീൻ പത്തിൽ കഴിച്ചിട്ടുണ്ടോ? പുഴിങ്ങപത്തിൽ അല്ലെങ്കിൽ പുഴിങ്ങലൊറോട്ടി എന്നൊക്കെ ഇത് അറിയപ്പെടാറുണ്ട്. മലബാറിൽ അതും കണ്ണൂരുകാരുടെ സ്പെഷ്യൽ വിഭവമാണിത്. വീട്ടിലെ സ്പെഷ്യൽ വിഭവങ്ങളുടെ ലിസ്റ്റിലേയ്ക്ക് ഈ മലബാർ റെസിപ്പിയും ചേർത്തോളൂ. ഫാത്തിമ തൻ്റെ ഇൻസ്റ്റഗ്രാം പേജിലൂടെയാണ് മീൻ പത്തിൽ തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ഉപ്പ്- ആവശ്യത്തിന്
• നെയ്മീൻ- 8 കഷ്ണം
• കാശ്മീരിമുളകുപൊടി- 1 ടേബിൾസ്പൂൺ
• മഞ്ഞൾപ്പൊടി- 1/2 ടീസ്പൂൺ
• തക്കാളി- 2
• പച്ചമുളക്- 8
• ഇഞ്ചി അരച്ചത്- 1 ടേബിൾസ്പൂൺ
• വെളുത്തുള്ളി അരച്ചത്- 1 ടേബിൾസ്പൂൺ
• കറിവേപ്പില- ആവശ്യത്തിന്
• മല്ലിയില- ആവശ്യത്തിന്
• വെള്ളം- 1/2 കപ്പ്

View this post on Instagram

A post shared by Fathima (@taste_of_foodiesss)

തയ്യാറാക്കുന്ന വിധം

• രണ്ട് കപ്പ് പൊന്നിയരിയിൽ വെള്ളം ഒഴിച്ച് ഒരു മണിക്കൂർ കുതിർക്കാൻ വയ്ക്കാം.
• ശേഷം അതിലേയ്ക്ക് ഒന്നര കപ്പ് തേങ്ങ ചിരകിയതും, മൂന്ന് സവാള ചെറുതായി അരിഞ്ഞതും, ഒന്നര ടേബിൾസ്പൂൺ​ പെരുംജീരകവും, ഒരു ടേബിൾസ്പൂൺ ജീരകവും, ആവശ്യത്തിന് ഉപ്പും ചേർത്ത് അരയ്ക്കാം.
• നെയ്മീൻ ചെറിയ കഷ്ണങ്ങളായി മുറിച്ച് കാശ്മീരിമുളകുപൊടി ഒരു ടേബിൾസ്പൂൺ, മഞ്ഞൾപ്പൊടി അര ടീസ്പൂൺ ആവശ്യത്തിന് ഉപ്പ് എന്നിവ ചേർത്തിളക്കി മസാല പിടിക്കാനായി അൽപ സമയം മാറ്റി വയ്ക്കാം.
• ഒരു പാൻ അടുപ്പിൽ വച്ച് വറുക്കാനാവശ്യത്തിന് എണ്ണ ഒഴിച്ച് മീൻ വറുത്ത് മാറ്റാം.
• അതേ എണ്ണയിലേയ്ക്ക് സവാള ചെറുതായി അരിഞ്ഞതു ചേർത്തു  വഴറ്റാം.
• സവാളയുടെ നിറം മാറി വരുമ്പോൾ രണ്ട് തക്കാളി, എട്ട് പച്ചമുളക്, ഒരു ടേബിൾസ്പൂൺ ഇഞ്ചി അരച്ചത്, ഒരു ടേബിൾസ്പൂൺ വെളുത്തുള്ളി അരച്ചത്, വറുത്ത മീൻ മുള്ള് കളഞ്ഞ് പൊടിച്ചത്, ആവശ്യത്തിന് ഉപ്പ് കറിവേപ്പില എന്നിവ ചേർക്കാം.
• ഇതിലേയ്ക്ക് തേങ്ങ ചിരകിയതും മസാലകളും ചേർത്ത് അരച്ചെടുത്തതും ചേർത്തിളക്കി യോജിപ്പിക്കാം.
• അര കപ്പ് വെള്ളം കൂടി ഒഴിക്കാം.
• തയ്യാറാക്കി വച്ചിരിക്കുന്ന മാവിൽ നിന്നും അൽപം വീതം എടുത്ത് രണ്ട് ഇലകളിലായി അട പോലെ പരത്താം.
• ശേഷം അതിലൊന്നിൻ്റെ നടുക്ക് തയ്യാറാക്കിയ അരപ്പും ഒരു കഷ്ണം വറുത്ത മീനും വയ്ക്കാം.
• മറ്റേ ഇല അതിനു മുകളിലായി വയ്ക്കുക. ഇത് ആവിയിൽ വേവിച്ചെടുത്ത് കഴിക്കാം. 

Read More

• പരിപ്പ് ബാക്കിയുണ്ടോ? ചപ്പാത്തി മുതൽ പരിപ്പുവട വരെ രുചിയേറും വിഭവങ്ങൾ തയ്യാറാക്കാൻ അതു മതി
• ബാക്കി വന്ന ഭക്ഷണങ്ങൾക്ക് കിടിലൻ മേക്കോവർ നൽകാം; ഇതാ ചില വിദ്യകൾ
• കട്ലറ്റ് കൂടുതൽ രുചികരമാക്കാം, ഈ ചേരുവ ഉപയോഗിക്കൂ
• ഹോട്ടൽ സ്റ്റൈൽ ചിക്കൻ സൂപ്പ് തയ്യാറാക്കാം 5 മിനിറ്റിൽ
• ഓവൻ വേണ്ട? കുക്കറിൽ തയ്യാറാക്കാം ഈ 5 മധുരങ്ങൾ
• ബ്രെഡ് ഇനി ടോസ്റ്റ് ചെയ്യാതെ ഇങ്ങനെ കഴിച്ചു നോക്കൂ
• ഡിന്നർ സ്പെഷ്യലായി ചിക്കൻ മലായ് തയ്യാറാക്കിയാലോ?
• വയറും മനസും നിറയ്ക്കാൻ ഗാർലിക് റൈസ്, കിടിലൻ റെസിപ്പി
• 1 മിനിറ്റു കൊണ്ട് കേക്ക് തയ്യാറാക്കാമോ? ഇങ്ങനെ ചെയ്തു നോക്കൂ
• ഈ ഇത്തിരി കുഞ്ഞൻ ബീറ്റ്റൂട്ട് ഉരുളകൾ നിസാരക്കാരല്ല
• മാവ് പുളിക്കാൻ കാത്തിരിക്കുന്നതെന്തിന്? ഇങ്ങനൊരു വിദ്യ ട്രൈ ചെയ്യൂ
• ശരീരം തണുപ്പിക്കാം ആരോഗ്യം നിലനിർത്താം, കാരറ്റ് മിൽക്ക് ഷേക്ക് ഇങ്ങനെ തയ്യാറാക്കി കുടിക്കൂ