തട്ടുകടയിൽ മാത്രമല്ല ഇനി വീട്ടിലും തയ്യാറാക്കാം രുചികരമായ ഗ്രീൻപീസ് മുട്ട മസാല

നിങ്ങൾ സാധാരണ  ഗ്രീൻപീസ് കൊണ്ട് എന്തൊക്കെ കറികളാണ് തയ്യാറാക്കാറുള്ളത്?. വെബിറ്റബിൾ കറി, സാലഡ് പോലെയുള്ള  കറികളിലാണ് ഇത് അധികവും ഉപയോഗിക്കാറുള്ളത്. ഇതു കൂടാതെ ബീച്ചിൽ സ്ഥിരമായി കാണാറുള്ള ഗ്രീൻപീസ് മസാല കഴിച്ചു നോക്കിയിട്ടുണ്ടോ?. അതിൻ്റെ രുചി അറിയാൻ ഇനി ബീച്ചിൽ തന്നെ പോകണം എന്നില്ല. 

വെള്ളത്തിൽ കുതിർത്ത ഗ്രീൻപീസിനൊപ്പം രണ്ട് മുട്ട കൂടി പൊട്ടിച്ചു ചേർത്തോളൂ മിനിറ്റുകൾക്കുള്ളിൽ വെറൈറ്റി ഗ്രീൻപീസ് മസാല റോസ്റ്റ് തയ്യാറാക്കാം. അപർണ ജീവൻ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ഗ്രീൻപീസ്
• സവാള
• മുട്ട
• ഉപ്പ്
• പച്ചമുളക്
• തക്കാളി
• കറിവേപ്പില
• മഞ്ഞൾപ്പൊടി
• ഗരംമസാല
• എണ്ണ
• കുരുമുളകുപൊടി

View this post on Instagram

A post shared by Photographer ✨Reels (@inji_pennu)

തയ്യാറാക്കുന്ന വിധം

• തലേദിവസം വെള്ളത്തിൽ കുതിർത്തു വെച്ച ഗ്രീൻപീസ് അൽപ്പം ഉപ്പ് കൂടി ചേർത്ത് വേവിച്ച് മാറ്റി വെയ്ക്കാം.
• ഒരു പാൻ അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കി സവാള ചെറുതായി അരിഞ്ഞതു ചേർത്തു വഴറ്റാം.
• ഇതിലേയ്ക്ക് പച്ചമുളക് അരിഞ്ഞത്, അൽപ്പം മഞ്ഞൾപ്പൊടി, ആവശ്യത്തിന് ഉപ്പ്, ഗരംമസാല, രണ്ടോ മൂന്നോ മുട്ട എന്നിവ ചേർത്ത് ഇളക്കുക.
• വേവിച്ച ഗ്രീൻപീസ്, അൽപ്പം കുരുമുളകുപൊടി എന്നിവ ചേർത്ത് ഇളക്കി ഇടത്തരം തീയിൽ അൽപ നേരം വേവിക്കാം.
• തുടർന്ന് അടുപ്പണച്ച് കുറച്ച് സവാള, തക്കാളി, കറിവേപ്പില എന്നിവ അരിഞ്ഞത് മുകളിലായി ചേർക്കാം.
• ഇനി ചൂടോടെ വിളമ്പി കഴിച്ചു നോക്കൂ.

Read More

• പച്ചമാങ്ങ വറുത്തത് ഇങ്ങനെ ചെയ്തു സൂക്ഷിച്ചോളൂ? കൊതിപ്പിക്കും രുചിയാണ്
• രുചിയേറും മീൻ പത്തിൽ മലബാർ റെസിപ്പിയിൽ
• പരിപ്പ് ബാക്കിയുണ്ടോ? ചപ്പാത്തി മുതൽ പരിപ്പുവട വരെ രുചിയേറും വിഭവങ്ങൾ തയ്യാറാക്കാൻ അതു മതി
• ബാക്കി വന്ന ഭക്ഷണങ്ങൾക്ക് കിടിലൻ മേക്കോവർ നൽകാം; ഇതാ ചില വിദ്യകൾ
• കട്ലറ്റ് കൂടുതൽ രുചികരമാക്കാം, ഈ ചേരുവ ഉപയോഗിക്കൂ
• ഹോട്ടൽ സ്റ്റൈൽ ചിക്കൻ സൂപ്പ് തയ്യാറാക്കാം 5 മിനിറ്റിൽ
• ഓവൻ വേണ്ട? കുക്കറിൽ തയ്യാറാക്കാം ഈ 5 മധുരങ്ങൾ
• ബ്രെഡ് ഇനി ടോസ്റ്റ് ചെയ്യാതെ ഇങ്ങനെ കഴിച്ചു നോക്കൂ
• ഡിന്നർ സ്പെഷ്യലായി ചിക്കൻ മലായ് തയ്യാറാക്കിയാലോ?
• വയറും മനസും നിറയ്ക്കാൻ ഗാർലിക് റൈസ്, കിടിലൻ റെസിപ്പി
• 1 മിനിറ്റു കൊണ്ട് കേക്ക് തയ്യാറാക്കാമോ? ഇങ്ങനെ ചെയ്തു നോക്കൂ
• ഈ ഇത്തിരി കുഞ്ഞൻ ബീറ്റ്റൂട്ട് ഉരുളകൾ നിസാരക്കാരല്ല