ചിക്കൻ 65 ഇതിലും രുചിയിൽ കഴിച്ചിട്ടുണ്ടാകില്ല

ചേരുവകൾ

ചിക്കൻ- 250 ഗ്രാം, തൈര്- 1/4 കപ്പ്, ഇഞ്ചി വെളുത്തുള്ളി പേസ്റ്റ്- 1 ടേബിൾസ്പൂൺ, കറിവേപ്പില- 1 ടേബിൾസ്പൂൺ, കുരുമുളകുപൊടി- 1 ടീസ്പൂൺ, ജീരകപ്പൊടി- 1 ടീസ്പൂൺ, മുളകുപൊടി- 2 ടീസ്പൂൺ, അരിപ്പൊടി- 2 ടേബിൾസ്പൂൺ, വെളിച്ചെണ്ണ- ആവശ്യത്തിന്, പച്ചമുളക്- 2, മുട്ട- 1, വെളുത്തുള്ളി- 1 ടേബിൾസ്പൂൺ

ചിക്കൻ ചെറിയ കഷ്ണങ്ങളായി അരിഞ്ഞ് വൃത്തിയായി കഴുകിയെടുക്കാം.

ഒരു ബൗളിലേയ്ക്ക് തൈര്, അരിപ്പൊടി, ഇഞ്ചി വെളുത്തുള്ളി പേസ്റ്റ്, മുട്ട, കറിവേപ്പില, കുരുമുളകുപൊടി, ജീരകപ്പൊടി, ഉപ്പ്, മുളകുപൊടി എന്നിവ ചേർത്തിളക്കി യോജിപ്പിച്ചെടുക്കാം.

അതിലേയ്ക്ക് ചിക്കൻ കഷ്ണങ്ങൾ ചേർത്തിളക്കി 30 മിനിറ്റ് മാറ്റി വയ്ക്കാം.

അടി കട്ടിയുള്ള പാത്രത്തിൽ എണ്ണ ഒഴിച്ചു ചൂടാക്കാം. അതിലേയ്ക്ക് ചിക്കൻ കഷ്ണങ്ങൾ ചേർത്ത് ക്രിസ്പിയായി വറുക്കാം. ഒരു പാനിൽ എണ്ണ ചൂടാക്കി പച്ചമുളകും, വെളുത്തുള്ളിയും കറിവേപ്പിലയും ചേർത്ത് വറുക്കാം. ഇതിലേയ്ക്ക് വറുത്ത ചിക്കൻ ചേർക്കാം.

ആവശ്യത്തിന് കുരുമുളകുപൊടി ചേർത്ത് നന്നായി ഇളക്കിയെടുക്കാം. സൗത്തിന്ത്യൻ ചിക്കൻ 65 റെഡി.