ചിക്കൻ കട്ലറ്റ് ബേക്കറിയിൽ കിട്ടുന്ന അതേ രുചിയിൽ ഇനി വീട്ടിൽ തയ്യാറാക്കാം

ബേക്കറിയിൽ നിന്നും കിട്ടുന്ന ചിക്കൻ കട്ലറ്റിൽ അധികവും ഉരുളക്കിഴങ്ങ് മാത്രമാണെല്ലോ എന്ന് എപ്പോഴെങ്കിലും ചിന്തിച്ചിട്ടുണ്ടോ? രുചികരമാണെങ്കിലും അതിൽ ചിക്കൻ ഇല്ലാ എന്ന് ഓർത്ത് വിഷമിക്കേണ്ട. കറി തയ്യാറാക്കാൻ വാങ്ങുന്ന ചിക്കനിൽ നിന്നും അൽപം മാറ്റി വച്ചോളൂ. ഇൻസ്റ്റൻ്റായി ഒരു കിടിലൻ കട്ലറ്റ് വറുത്തെടുക്കാം. വളരെ കുറച്ച് ചേരുവകൾ മതി. ഷാൻ ജിയോ തൻ്റെ യൂട്യൂബ് ചാനലിലൂടെ അത് എങ്ങനെ തയ്യാറാക്കാം എന്ന് പരിചയപ്പെടുത്തുന്നുമുണ്ട്. 

ചേരുവകൾ

• ചിക്കൻ- 500ഗ്രാം
• സവാള- 2 എണ്ണം
• ഉപ്പ്- ആവശ്യത്തിന്
• പച്ചമുളക്- 4 എണ്ണം
• ഇഞ്ചി- 1
• വെളുത്തുള്ളി- 4 എണ്ണം
• കോഴിമുട്ട- 2എണ്ണം
• ഗരംമസാല- 1 ടീസ്പൂൺ
• കുരുമുളകുപൊടി- 11/2 ടീസ്പൂൺ
• ഉരുഴക്കിഴങ്ങ്- 3 എണ്ണം
• വെളിച്ചെണ്ണ- 4 ടേബിൾസ്പൂൺ
• ബ്രെഡ്പൊടിച്ചത്- 1 കപ്പ്

തയ്യാറാക്കുന്ന വിധം

• ചിക്കൻ വൃത്തിയായി കഴുകി ചെറിയ കഷ്ണങ്ങളാക്കിയെടുക്കാം.
• അതിലേയ്ക്ക് ആവശ്യത്തിന് ഉപ്പ് ചേർത്തു വേവിക്കാം.
• കുരുമുളകുപൊടിയും മഞ്ഞൾപ്പൊടിയും ചേർത്തു നന്നായി ഇളക്കാം.
• ഉരുളക്കിഴങ്ങ് തൊലി കളഞ്ഞ് ആവിയിൽ വേവിച്ചെടുത്ത് ഉടയ്ക്കാം.
• വേവിച്ചെടുത്ത ചിക്കൻ ചൂടാറിയ ശേഷം മിക്സിയൽ ഇട്ട് അരച്ചെടുക്കാം.
• ഒരു പാൻ അടുപ്പിൽ വച്ച് സവാള ചെറുതായി അരിഞ്ഞു വഴറ്റാം.
• അതിലേയ്ക്ക് വെളുത്തുള്ളി, ഇഞ്ചി, പച്ചമുളക് എന്നിവ ചെറുതായി അരിഞ്ഞതു ചേർക്കാം.
• മഞ്ഞൾപ്പൊടി, കുരുമുളകുപൊടി, ഗരംമസാല, പെരുംജീരകപ്പൊടി, ചിക്കൻ മസാല എന്നിവ ചേർത്തിളക്കി യോജിപ്പിക്കാം.
• ഉടച്ചെടുത്ത ഉരുളക്കിഴങ്ങും, ചിക്കനും ചേർത്തിളക്കി യോജിപ്പിക്കാം.
• ഒരു ബൗളിലേയ്ക്ക് മുട്ട പൊട്ടിച്ചൊഴിക്കാം.
• മറ്റൊരു ബൗളിൽ ബ്രെഡ് പൊടിച്ചു വയ്ക്കാം.
• തയ്യാറാക്കിയ മാവിൽ നിന്നും അൽപം വീതം എടുത്ത് ചെറിയ ഉരുകളാക്കാം.​
• അത് മുട്ടയിലും ബ്രെഡ് പൊടിച്ചതിലും മുക്കി ചൂടാക്കിയ എണ്ണയിൽ ചേർത്തു വറുക്കാം. 

Read More

• ചായ തിളക്കുന്ന സമയം കൊണ്ട് ബ്രെഡ് റോൾ റെഡി: Bread Roll Recipe
• അരിപ്പൊടിയും തേങ്ങാപ്പാലും വേണ്ട, പൂ പോലെ സോഫ്റ്റ് വട്ടയപ്പം തയ്യാറാക്കാൻ റവ മതി
• ബാക്കി വന്ന ചോറ് കളയരുതേ...സൂക്ഷിച്ചു വച്ചാൽ കിടിലൻ സ്നാക് തയ്യാറാക്കാം
• തണുപ്പ് കാലത്ത് ഈ ശർക്കര വിഭവം കഴിച്ചോളൂ, രുചികരമാണ് ആരോഗ്യത്തിന് ഗുണകരവും: Jaggery Recipes
• തട്ടുകടയിൽ മാത്രമല്ല ഇനി വീട്ടിലും തയ്യാറാക്കാം രുചികരമായ ഗ്രീൻപീസ് മുട്ട മസാല
• പച്ചമാങ്ങ വറുത്തത് ഇങ്ങനെ ചെയ്തു സൂക്ഷിച്ചോളൂ? കൊതിപ്പിക്കും രുചിയാണ്
• രുചിയേറും മീൻ പത്തിൽ മലബാർ റെസിപ്പിയിൽ
• പരിപ്പ് ബാക്കിയുണ്ടോ? ചപ്പാത്തി മുതൽ പരിപ്പുവട വരെ രുചിയേറും വിഭവങ്ങൾ തയ്യാറാക്കാൻ അതു മതി
• ബാക്കി വന്ന ഭക്ഷണങ്ങൾക്ക് കിടിലൻ മേക്കോവർ നൽകാം; ഇതാ ചില വിദ്യകൾ