മധുരമൂറുന്ന മാങ്ങ പുഡ്ഡിംഗ് തയ്യാറാക്കാം സിംപിളായി, ഈ 4 ചേരുവകൾ കൈയ്യിലുണ്ടോ?

വേനൽക്കാലത്ത് സമൃദ്ധമായി കിട്ടുന്ന പഴമാണ് മാമ്പഴം. നന്നായി പഴുത്ത മാമ്പഴം കഴിക്കാൻ കൊതിയില്ലാത്തവരായി ആരാണുള്ളത്? ചൂടുള്ള കാലാവസ്ഥയിൽ ശരീരം തണുപ്പിക്കാനും ദഹനവ്യവസ്ഥ മെച്ചപ്പെടുത്താനും ഇതുപോലെ നാരടങ്ങിയ പഴങ്ങൾ സഹായിക്കും. അവ വ്യത്യസ്ത രീതിയിൽ അടുക്കളയിൽ പ്രയോജനപ്പെടുത്താം. മാമ്പഴ പുളിശ്ശേരിയും, പായസവും അങ്ങനെ നീണ്ടു പോകുന്ന വിഭവങ്ങളുടെ പട്ടിക. ഇവക്കൊപ്പം ചില ഡെസേർട്ട് പരീക്ഷണങ്ങളും ആവാം. വളരെ കുറച്ച് ചേരുവകൾ ഉപയോഗിച്ച് സിംപിളായി തയ്യാറാക്കാൻ സാധിക്കുന്ന മാങ്ങ പുഡ്ഡിംഗ് ട്രൈ ചെയ്തു നോക്കൂ. ഷാൻ ജിയോയാണ് ഈ കിടില​ൻ ഡെസേർട്ട് പരിചയപ്പെടുത്തി തരുന്നത്. 

ചേരുവകൾ

• മാങ്ങ - 2
• പഞ്ചസാര - 1/2 കപ്പ്
• പാൽ - 1 1/4 + 1/4 കപ്പ്
• കോൺഫ്ലോർ  - 1/4 കപ്പ്
• ഉപ്പ്- 2 നുള്ള്

തയ്യാറാക്കുന്ന വിധം

• നന്നായി പഴുത്ത രണ്ട് മാങ്ങ ചെറിയ കഷ്ണങ്ങളാക്കിയെടുക്കാം.
• ഇതിലേയ്ക്ക് അര കപ്പ് പഞ്ചസാരയും, പാലും ചേർത്ത് നന്നായി അരച്ചെടുക്കാം.
• കാൽ കപ്പ് കോൺഫ്ലോറിലേയ്ക്ക് കുറച്ച് വെള്ളം ചേർത്തിളക്കി വയ്ക്കാം.
• ഒരു പാൻ അടുപ്പിൽ വച്ച് ഇതിലേയ്ക്ക് അരച്ചെടുത്ത മിശ്രിതം ചേർക്കാം.
• ഇടത്തരം തീയിൽ ഇളക്കി കൊടുക്കാം.
• വെള്ളം വറ്റി കട്ടിയായി വരുമ്പോൾ കോൺഫ്ലോർ കലക്കിയത് ഒഴിച്ചിളക്കാം. നിർത്താതെ ഇളക്കിയെടുക്കാം.
• ഇത് കട്ടിയായി വരുമ്പോൾ അടുപ്പണയ്ക്കാം.
• ഒരു ബൗളിൽ എണ്ണയോ വെണ്ണയോ പുരട്ടി കുറുക്കിയെടുത്ത മിശ്രിതം അതിലേയ്ക്ക് ഒഴിക്കാം.
• ശേഷം തണുക്കാൻ വയ്ക്കാം. ശേഷം ഫ്രിഡ്ജിൽ സൂക്ഷിക്കാം. കട്ടിയായി കഴിയുമ്പോൾ മുറിച്ചെടുത്ത് കഴിക്കാം. 

Read More

• അരിപ്പൊടി വേണ്ട, പൂ പോലുള്ള ഗോതമ്പ് പാലപ്പം ഇൻസ്റ്റൻ്റായി ചുട്ടെടുക്കാം
• കുറച്ച് എണ്ണയിൽ ക്രിസ്പിയായി പൂരി വറുക്കാൻ മാവിൽ ഇത് കൂടി ചേർക്കൂ
• ചുട്ടുപൊള്ളുന്ന ചൂടത്തും ഉന്മേഷം നേടാൻ റാഗി ജ്യൂസ് ശീലമാക്കൂ
• മൈദ വേണ്ട, ഒരു കപ്പ് തേങ്ങ ഉണ്ടെങ്കിൽ നാവിൽ അലിഞ്ഞു ചേരും ഹൽവ റെഡി
• പഴം കൈയ്യിലുണ്ടോ? എങ്കിൽ ഈ ഡെസേർട്ട് ട്രൈ ചെയ്യാം
• മാമ്പഴ ജ്യൂസ് ഈ രീതിയിൽ തയ്യാറാക്കി നോക്കൂ
• കറ പിടിച്ച കുക്കർ വൃത്തിയാക്കാൻ ഇവ ഉപയോഗിച്ചു നോക്കൂ
• ഇഡ്ഡലി പൂപോലെ സോഫ്റ്റായി കിട്ടാൻ ഇങ്ങനെ പരീക്ഷിച്ചു നോക്കൂ
• വളരെ കുറച്ച് എണ്ണയിൽ ക്രിസ്പിയായി പൂരി വറുത്തെടുക്കാം, ഇക്കാര്യങ്ങൾ ശ്രദ്ധിക്കൂ
• ചോറ് അമിതമായി വെന്തു പോയോ? ഇനി പാകം ചെയ്യുമ്പോൾ ഇക്കാര്യങ്ങൾ ശ്രദ്ധിക്കാം
• പഴം ഇങ്ങനെ ആവിയിൽ വേവിച്ചെടുക്കൂ, നാവിൽ കൊതിയൂറുന്ന പലഹാരം റെഡി
• മൈദ വേണ്ട, ഇനി ഇഷ്ട വിഭവങ്ങൾ ഇവയിൽ ഒന്ന് ഉപയോഗിച്ച് തയ്യാറാക്കാം
• ബാക്കി വന്ന ചോറ് കളയരുതേ...വൈകിട്ട് ചായക്കൊപ്പം കറുമുറു കഴിക്കാൻ സ്നാക്സ് തയ്യാറാക്കാം