വളരെ കുറച്ച് എണ്ണയിൽ ക്രിസ്പിയായി പൂരി വറുത്തെടുക്കാം, ഇക്കാര്യങ്ങൾ ശ്രദ്ധിക്കൂ

മാവ്

ഗോതമ്പ് പൊടി ഉപയോഗിച്ച് പൂരിക്കുള്ള മാവ് തയ്യാറാക്കാം. ഓരോ കപ്പ് ഗോതമ്പ് പൊടിക്കും 1 അല്ലെങ്കിൽ 2 ടേബിൾസ്പൂൺ റവ കൂടി ചേർത്തിളക്കി യോജിപ്പിക്കാം. ഇത് പൂരി അമിതമായി എണ്ണ വലിച്ചെടുക്കുന്നത് തടയും. കൂടാതെ ക്രിസ്പിയായി കിട്ടാൻ സഹായിക്കും.

മാവ് കുഴയ്ക്കുന്നത്

ഒരുപാട് വെള്ളം ഒഴിച്ച് വളരെ അയഞ്ഞ രീതിയിൽ മാവ് കുഴച്ചെടുക്കരുത്. അയഞ്ഞ രീതിയിലുള്ള മാവ് അതിവേഗം എണ്ണ വലിച്ചെടുക്കും.

മാവ് പരത്തിയെടുക്കുന്നത്

മാവ് കുഴച്ച് പരത്തുമ്പോൾ ഗോതമ്പ് പൊടി ചേർക്കാതിരിക്കാം. പകരം അൽപം എണ്ണ പുരട്ടി നോക്കൂ.

മാവ് കുഴച്ച് 15 മുതൽ 20 മിനിറ്റ് വരെ എങ്കിലും മാറ്റി വയ്ക്കാം.

പാൻ ചൂടാകാൻ കാത്തിരിക്കാം

അടുപ്പിൽ പാൻ വച്ച ഉടൻ എണ്ണ ഒഴിച്ച് പൂരി വറുക്കരുത്. അൽപം കൂടിയ തീയിൽ എണ്ണ തിളച്ചതിനു ശേഷം തീ കുറച്ചു വച്ച് പൂരി ഓരോന്നായി വറുത്തെടുക്കാം.