ദോശമാവ് ഇങ്ങനെ തയ്യാറാക്കൂ, ബ്രേക്ക്ഫാസ്റ്റ് രുചികരവും ഹെൽത്തിയുമാക്കാം

അരിയും ഉഴുന്നും അരച്ച് സ്ഥിരം തയ്യാറാക്കുന്ന ദോശ കഴിച്ചു മടുത്തോ. എന്നാൽ ബ്രേക്ക്ഫാസ്റ്റിന് ദോശ ഒഴിവാക്കാൻ സാധിക്കുന്നില്ലേ? കുഴപ്പമില്ല അരച്ചെടുക്കുന്ന ദോശമാവിൽ ചില മാറ്റങ്ങൾ വരുത്തിയാൽ മതി. കാണാനും ചേലാണ് കഴിക്കാൻ രുചികരമാണ്, ആരോഗ്യത്തിന് ഗുണകരമാണ്. സൗത്തിന്ത്യൻ സ്പെഷ്യൽ മുട്ട ദോശയാണ് ഇനി അടുക്കളയിലെ താരം.

ചേരുവകൾ

• ഉഴുന്നു പരിപ്പ്- 1/2 കപ്പ്
• ഉലുവ- 1 ടേബിൾസ്പൂൺ
• അരി- 1 കപ്പ്
• ചോറ്- 1 കപ്പ്
• വെള്ളം- ആവശ്യത്തിന്
• മുട്ട- 4
• സവാള- 1/2 കപ്പ്
• മല്ലിയില- 1/4 കപ്പ്
• പച്ചമുളക്- 2
• മുളകുപൊടി- 1 ടീസ്പൂൺ
• എണ്ണ- 4 ടേബിൾസ്പൂൺ
• ഉപ്പ്- ആവശ്യത്തിന്

തയ്യാറാക്കുന്ന വിധം

• ഉഴുന്ന് പരിപ്പ്, പച്ചരി, ഉലുവ എന്നിവ വെള്ളത്തിൽ നാല് മുതൽ ആറ് മണിക്കൂർ വരെ കുതിർത്തു വയ്ക്കാം.
• ഇതിലേയ്ക്ക് വേവിച്ച ചോറ് ഒരു കപ്പ് ചേർത്തു നന്നായി അരച്ചെടുത്ത് പുളിക്കാൻ മാറ്റി വയ്ക്കാം.
• ഇൻസ്റ്റൻ്റായി ദോശ തയ്യാറാക്കാൻ ബോക്കിങ് സോഡ ചേർത്ത് 20 മിനിറ്റ് മാറ്റി വച്ചു നോക്കൂ.
• ഒരു ബൗളിൽ നാല് മുട്ട പൊട്ടിച്ചൊഴിക്കാം. അതിലേയ്ക്ക് ആവശ്യത്തിന് ഉപ്പും കുരുമുളകുപൊടിയും ചേർത്തു നന്നായി ഇളക്കി യോജിപ്പിക്കാം.
• ഒരു പാൻ അടുപ്പിൽ വച്ച് പുളിച്ചു വന്ന മാവിൽ നിന്നും ആവശ്യത്തിനെടുത്തു പാനിൽ ഒഴിക്കാം.
• ഉടച്ചു വച്ചിരിക്കുന്ന മുട്ടയിൽ നിന്നും അൽപം അതിനു മുകളിൽ ഒഴിക്കാം.
• സവാള, മല്ലിയില എന്നിവ മുകളിൽ ചേർക്കാം. ഇരുവശങ്ങളും ചുട്ടെടുത്ത് ചൂടോടെ ചമ്മന്തിക്കൊപ്പം കഴിക്കാം. 

Read More

• സൗത്തിന്ത്യൻ സ്റ്റൈലിലൊരു ശർക്കര പൊങ്കൽ
• ഇലയട സോഫ്റ്റും രുചികരവുമാക്കാം ഈ ചേരുവകൾ ഉപയോഗിച്ചു നോക്കൂ
• വൈകിട്ട് കഴിക്കാൻ ഒരു നാടൻ പലഹാരം, നേന്ത്രപ്പഴം മാത്രം മതി
• ന്യൂഡിൽസ് വീട്ടിൽ തന്നെ തയ്യാറാക്കാം, ഗോതമ്പ് പൊടി ഉണ്ടോ?
• ചായക്കൊപ്പം ക്രിസ്പി ചിക്കൻ ബോണ്ട കഴിച്ചാലോ?
• കൊതിപ്പിക്കും മണമാണ്, ഗാർലിക് പനീർ ഒരിക്കലെങ്കിലും കഴിച്ചു നോക്കൂ
• ദോശ മാവ് ബാക്കിയുണ്ടോ? എങ്കിൽ ചൂടൻ പനിയാരം കഴിക്കാം
• ചിക്കനും ബീഫും ഇല്ലെങ്കിലും ഇനി അതേ രുചിയിൽ കഴിക്കാം ഈ വിഭവങ്ങളും
• തക്കാളി സൂപ്പ് ചെട്ടിനാട് സ്റ്റൈലിൽ ട്രൈ ചെയ്താലോ?
• ദോശ വേണ്ടെന്ന് ഇനി ആരും പറയില്ല, രുചിയിൽ മാത്രമല്ല ഗുണത്തിലും അടിപൊളി
• Pulinkari recipe: എരിവും പുളിയും ചേർന്ന തനിനാടൻ പുളിങ്കറി, ഈ ചേരുവകൾ ഉപയോഗിച്ച് ട്രൈ ചെയ്യൂ