ഇലയട സോഫ്റ്റും രുചികരവുമാക്കാം ഈ ചേരുവകൾ ഉപയോഗിച്ചു നോക്കൂ: Rava Ada Recipe

Rava Ada Recipe: കേരളത്തിൻ്റെ തനതു നാടൻ പലഹാരം എക്കാലത്തും കൊതിപ്പിക്കുന്നവയാണ്. ആരോഗ്യ ഗുണത്തിൻ്റെ കാര്യത്തിലും അവ ഒട്ടും പിന്നില്ല. അത്തരത്തിൽ ഒന്നാണ് ഇല അട. സാധാരണ അരിപ്പൊടി അല്ലെങ്കിൽ ഗോതമ്പ് പൊടി ഉപയോഗിച്ചാണ് അത് തയ്യാറാക്കാറുള്ളത്. എന്നാൽ കൂടുതൽ രുചികരമായ വ്യത്യസ്ത റെസിപ്പികളുണ്ട്. കുറച്ച് റവയും നന്നായി പഴുത്ത നേന്ത്രപ്പഴവും ഉണ്ടെങ്കിൽ കൊതിച്ചു നിന്നു പോകുന്ന രുചിയിൽ വ്യത്യസ്തമായ ഇലയട ആവിയിൽ വേവിച്ചെടുക്കാം. വില്ലേജ് കുക്കിങ്സ് എന്ന ഇൻസ്റ്റഗ്രാം പേജാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ശർക്കര- 200ഗ്രാം
• വാഴയില- ആവശ്യത്തിന്
• തേങ്ങചിരകിയത്- 250 ഗ്രാം
• ഏലയ്ക്ക- 7
• ചെറുപഴം- 5
• കശുവണ്ടി- 100ഗ്രാം
• നെയ്യ്- 2 ടീസ്പൂൺ
• റവ- 1/2 കിലോ
• അരിപ്പൊടി-1  കപ്പ്
• ഉപ്പ്- 1 ടീസ്പൂൺ
• ഉണക്കമുന്തിരി- 100ഗ്രാം

View this post on Instagram

A post shared by Village Cookings (@villagecookings)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ച് രണ്ട് ടീസ്പൂൺ​ നെയ്യ് ഒഴിച്ചു ചൂടാക്കാം.
• അതിലേയ്ക്ക് ഉണക്കമുന്തിരിയും, കശുവണ്ടിയും ചേർത്ത് വറുത്തു മാറ്റാം.
• അതേ എണ്ണയിലേയ്ക്ക് ചെറുപഴം തൊലി കളഞ്ഞ് വട്ടത്തിൽ അരിഞ്ഞതു ചേർത്ത് വഴറ്റാം.
• പഴം വാടി വരുമ്പോൾ ശർക്കര അലിയിച്ചതു ചേർത്ത് തിളപ്പിക്കാം.
• കുറുകി വെള്ളം വറ്റി വരുമ്പോൾ തേങ്ങ ചിരകിയതു ചേർത്ത് ഇളക്കാം.
• വെള്ളം നന്നായി വറ്റി കഴിയുമ്പോൾ നെയ്യിൽ വറുത്ത ഉണക്കമുന്തിരിയും, കശുവണ്ടിയും ചേർത്തിളക്കി യോജിപ്പിക്കാം.
• ഇതിലേയ്ക്ക് ഏലയ്ക്ക പൊടിച്ചതും ആവശ്യത്തിന് ഉപ്പും ചേർക്കാം.
• അരകിലോ റവ, ഒരു കപ്പ് അരിപ്പൊടി എന്നിവ ചേർത്തിളക്കി യോജിപ്പിച്ച് മാവിൻ്റെ പരുവത്തിലാക്കിയെടുക്കാം. അടുപ്പിൽ നിന്നു മാറ്റാം.
• അൽപം ചൂടാറിയതിനു ശേഷം മാവിൽ നിന്നും കുറച്ചു വീതം എടുത്ത് ഇലയിൽ വെച്ച് അടയുടെ ആകൃതിയിൽ പരത്തി, ഇല മടക്കിയെടുക്കാം.
• ഇത് ഇഡ്ഡലി തട്ടിൽ വച്ച് ആവിയിൽ വേവിക്കാം. നന്നായി വെന്ത അട ചൂടോടെ കഴിച്ചു നോക്കൂ. 

Read More

• വൈകിട്ട് കഴിക്കാൻ ഒരു നാടൻ പലഹാരം, നേന്ത്രപ്പഴം മാത്രം മതി
• ന്യൂഡിൽസ് വീട്ടിൽ തന്നെ തയ്യാറാക്കാം, ഗോതമ്പ് പൊടി ഉണ്ടോ?
• ചായക്കൊപ്പം ക്രിസ്പി ചിക്കൻ ബോണ്ട കഴിച്ചാലോ?
• കൊതിപ്പിക്കും മണമാണ്, ഗാർലിക് പനീർ ഒരിക്കലെങ്കിലും കഴിച്ചു നോക്കൂ
• ദോശ മാവ് ബാക്കിയുണ്ടോ? എങ്കിൽ ചൂടൻ പനിയാരം കഴിക്കാം
• ചിക്കനും ബീഫും ഇല്ലെങ്കിലും ഇനി അതേ രുചിയിൽ കഴിക്കാം ഈ വിഭവങ്ങളും
• തക്കാളി സൂപ്പ് ചെട്ടിനാട് സ്റ്റൈലിൽ ട്രൈ ചെയ്താലോ?
• ദോശ വേണ്ടെന്ന് ഇനി ആരും പറയില്ല, രുചിയിൽ മാത്രമല്ല ഗുണത്തിലും അടിപൊളി
• Pulinkari recipe: എരിവും പുളിയും ചേർന്ന തനിനാടൻ പുളിങ്കറി, ഈ ചേരുവകൾ ഉപയോഗിച്ച് ട്രൈ ചെയ്യൂ
• ലഡ്ഡു ഹെൽത്തിയല്ലെന്ന് ഇനി ആരും പറയില്ല, പഞ്ചസാര ചേർക്കാതെ ഇങ്ങനെ തയ്യാറാക്കി നോക്കൂ
• കറിയിൽ ഉപ്പ് കൂടിപ്പോയോ? ഇതാ ചില ടിപ്സുകൾ
• ഇത്രയും രുചിയോടെ ഉപ്പുമാവ് കഴിച്ചിട്ടുണ്ടോ? ഇതിന് മറ്റൊരു കറി വേണ്ട