തക്കാളി സൂപ്പ് ചെട്ടിനാട് സ്റ്റൈലിൽ ട്രൈ ചെയ്താലോ?

ഭക്ഷണക്രമത്തിൽ സൂപ്പ് ഉൾപ്പെടുത്തുന്ന പതിവ് മലയാളികൾക്കിടയിൽ അധികം പ്രചാരത്തിലില്ല. എന്നാൽ അത് ഇഷ്ട്ടപ്പെടുന്നവരുമുണ്ട്. അത്ര നിസ്സാരക്കാരനല്ല ഈ ഐറ്റം. ഉപയോഗിക്കുന്ന ചേരുവകളനുസരിച്ച് സൂപ്പിൻ്റെ ഗുണവും വർധിക്കും. പച്ചക്കറികൾ മാത്രം ഉപയോഗിച്ചും ചിക്കനും മറ്റും ചേർത്തും വ്യത്യസ്തമായി ഇത് തയ്യാറാക്കാൻ സാധിക്കും. അടുക്കളയിൽ സ്ഥിരം ലഭ്യമായ തക്കാളി മാത്രം എടുത്താലും രുചികരമായി സൂപ്പ് തയ്യാറാക്കാം. 

ചേരുവകൾ

• തുവര പരിപ്പ്- 2 ടേബിൾസ്പൂൺ
• തക്കാളി- 4
• പച്ചമുളക്- 1
• സവാള- 1
• നെയ്യ്- 2 ടേബിൾസ്പൂൺ
• പെരുംജീരകം- 3/4 ടീസ്പൂൺ
• ഉപ്പ്- ആവശ്യത്തിന്
• മല്ലിയില- 1 ടേബിൾസ്പൂൺ
• മല്ലി- 2 ടീസ്പൂൺ
• കുരുമുളക്-1/2 ടീസ്പൂൺ
• ജീരകം- 3/4 ടീസ്പൂൺ
• കറുവാപ്പട്ട- 1
• വെളുത്തുള്ളി- 6

തയ്യാറാക്കുന്ന വിധം

• തുവര പരിപ്പ് നന്നായി കഴുകി വേവിച്ചെടുക്കാം.
• ഒരു പാൻ അടുപ്പിൽ വച്ച് മല്ലി, ജീരകം, കറുവാപ്പട്ട എന്നിവ വറുത്തെടുക്കാം.
• ചൂടാറിയതിനു ശേഷം അത് പൊടിക്കാം.
• അതേ പാനിലേയ്ക്ക് കുറച്ച് എണ്ണ ഒഴിച്ച് സവാള ചെറുതായി അരിഞ്ഞതു ചേർത്ത് രണ്ട് മിനിറ്റ് വേവിക്കാം.
• ഇതിലേയ്ക്ക് തക്കാളി, പച്ചമുളക് എന്നിവ ചെറുതായി അരിഞ്ഞതും ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• കുറഞ്ഞ തീയിൽ ഇത് വേവിക്കാം. പച്ചക്കറികൾ നന്നായി വെന്തതിനു ശേഷം അത് അരച്ചെടുക്കാം.
• ഒരു പാൻ അടുപ്പിൽ വച്ച് നെയ്യ് ഒഴിച്ചു ചൂടാക്കാം.
• അതിലേയ്ക്ക് പെരും ജീരകം ചേർത്തു വറുക്കാം.
• ശേഷം അരപ്പും വേവിച്ച പരിപ്പും ചേർത്ത് ആവശ്യത്തിന് വെള്ളവും ഒഴിച്ച് ഉപ്പ് ചേർത്ത് രണ്ട് മിനിറ്റ് വേവിക്കാം.
• പൊടിച്ചെടുത്ത മസാല ചേർത്തു നന്നായി തിളപ്പിക്കാം.
• അടുപ്പണച്ച് ചെറുതായി അരിഞ്ഞ മല്ലിയില ചേർത്തു ചൂടോടെ വിളമ്പാം. 

Read More

• ദോശ വേണ്ടെന്ന് ഇനി ആരും പറയില്ല, രുചിയിൽ മാത്രമല്ല ഗുണത്തിലും അടിപൊളി
• Pulinkari recipe: എരിവും പുളിയും ചേർന്ന തനിനാടൻ പുളിങ്കറി, ഈ ചേരുവകൾ ഉപയോഗിച്ച് ട്രൈ ചെയ്യൂ
• ലഡ്ഡു ഹെൽത്തിയല്ലെന്ന് ഇനി ആരും പറയില്ല, പഞ്ചസാര ചേർക്കാതെ ഇങ്ങനെ തയ്യാറാക്കി നോക്കൂ
• കറിയിൽ ഉപ്പ് കൂടിപ്പോയോ? ഇതാ ചില ടിപ്സുകൾ
• ഇത്രയും രുചിയോടെ ഉപ്പുമാവ് കഴിച്ചിട്ടുണ്ടോ? ഇതിന് മറ്റൊരു കറി വേണ്ട
• പുട്ട് സോഫ്റ്റ് മാത്രമല്ല ഹെൽത്തിയുമാക്കാം, ഓട്സ് മാത്രം മതി
• മധുരക്കിഴങ്ങ് മതിവരുവോളം കഴിക്കാം, ഇവയിലൊന്ന് ട്രൈ ചെയ്യൂ
• ചപ്പാത്തിയെ വെല്ലാൻ കുബ്ബൂസ്, ഗോതമ്പ് പൊടി ഉണ്ടെങ്കിൽ വീട്ടിൽ തയ്യാറാക്കാം
• കൊതിതീരുവോളം കഴിച്ചോളൂ കിടിലൻ പാലട പായസം: Palada Payasam Recipe
• തിരക്കാണോ? എങ്കിൽ ഒരു സിംപിൾ ചിക്കൻ കറി തയ്യാറാക്കാം
• ചപ്പാത്തിയെ വെല്ലാൻ കുബ്ബൂസ്, ഗോതമ്പ് പൊടി ഉണ്ടെങ്കിൽ വീട്ടിൽ തയ്യാറാക്കാം
• ബാക്കി വന്ന ഉരുളക്കിഴങ്ങ് കൊണ്ട് ഈസി സ്നാക്സ്