Pulinkari recipe: എരിവും പുളിയും ചേർന്ന തനിനാടൻ പുളിങ്കറി, ഈ ചേരുവകൾ ഉപയോഗിച്ച് ട്രൈ ചെയ്യൂ

Pulinkari Kerala recipe: തേങ്ങ അരച്ച നാടൻ പുളിങ്കറി ചൂടോടെ ചോറിനൊപ്പം കഴിച്ചിട്ടുണ്ടോ?. ഇനിയും വൈകിയിട്ടില്ല, ട്രൈ ചെയ്യാം. ഒരോ പ്രദേശങ്ങളിലും വ്യത്യസ്ത രീതിയിൽ ആണ് പുളിങ്കറി തയ്യാറാക്കാറുള്ളത്. പച്ചക്കറികൾ ചേർത്തും, തേങ്ങ വറുത്തരച്ചും, മധ്യ തിരുവിതാംകൂറിലെ പോലെ ഇവയൊന്നും ചേർക്കാതെയും പാകം ചെയ്യാം. സാധാരണ വാളൻപുളിയാണ് പ്രധാന ചേരുവയായി ഉപയോഗിക്കാറുള്ളത്. അത് ലഭ്യമല്ലെങ്കിൽ ഇരുമ്പൻപുളി ചേർക്കാവുന്നതാണ്. വ്യത്യസ്തമായ രുചി ഭേദങ്ങളാണ് ഒരു കറിക്കു തന്നെയുള്ളത്.  ഈ റെസിപ്പി ഒന്ന് ട്രൈ ചെയ്തു നോക്കൂ. 

ചേരുവകൾ

• ഇരുമ്പൻ പുളി- 2 കപ്പ്
• ചുവന്നുള്ളി- 1/2 കപ്പ്
• പച്ചമുളക്- 2 എണ്ണം
• തേങ്ങ ചിരകിയത്- 1 കപ്പ്
• മഞ്ഞൾപ്പൊടി- 1/4 ടീസ്പൂൺ
• മുളകുപൊടി- 1/2 ടീസ്പൂൺ
• മല്ലിപ്പൊടി- 1 ടീസ്പൂൺ
• കുരുമുളക്- 1 ടീസ്പൂൺ
• വെള്ളം- ആവശ്യത്തിന്
• ഉപ്പ്- ആവശ്യത്തിന്
• കായപ്പൊടി- 1/2 ടീസ്പൂൺ
• ഉലുവപ്പൊടി- 1/4 ടീസ്പൂൺ

തയ്യാറാക്കുന്ന വിധം

• ഒരു ചീനച്ചട്ടിയിൽ ഒരു കപ്പ് തേങ്ങ ചിരകിയതു ചേർത്ത് വറുക്കാം.
• അതിലേയ്ക്ക് മഞ്ഞൾപ്പൊടി, മുളകുപൊടി, മല്ലിപ്പൊടി, കുരുമുളക് എന്നിവ ചേർത്തിളക്കി യോജിപ്പിക്കാം.
• ചൂടാറിയതിനു ശേഷം അത് അരച്ചെടുക്കാം.
• അടി കട്ടിയുള്ള ഒരു പാത്രത്തിൽ എണ്ണ ഒഴിച്ചു ചൂടാക്കാം.
• അതിലേയ്ക്ക് ഇരുമ്പൻ പുളി, ചുവന്നുള്ളി, പച്ചമുളക് എന്നിവ ചേർത്തു വഴറ്റാം.
• ഇവ വെന്തതിനു ശേഷം വെള്ളം ഒഴിച്ച് ഉപ്പ് ചേർത്തു തിളപ്പിക്കാം.
• ഇതിലേയ്ക്ക് തേങ്ങ ചിരകിയതും ചേർത്ത് അടച്ചു വച്ച് തിളപ്പിക്കാം.
• തിളച്ചു കഴിഞ്ഞ് എണ്ണയിൽ വറുത്തെടുത്ത കടുക്, കറിവേപ്പില, വറ്റൽമുളക് എന്നിവ ചേർത്ത് അടുപ്പിൽ നിന്നും മാറ്റാം. ഇത് ചൂടോടെ വിളമ്പാം. 

Read More

• ലഡ്ഡു ഹെൽത്തിയല്ലെന്ന് ഇനി ആരും പറയില്ല, പഞ്ചസാര ചേർക്കാതെ ഇങ്ങനെ തയ്യാറാക്കി നോക്കൂ
• കറിയിൽ ഉപ്പ് കൂടിപ്പോയോ? ഇതാ ചില ടിപ്സുകൾ
• ഇത്രയും രുചിയോടെ ഉപ്പുമാവ് കഴിച്ചിട്ടുണ്ടോ? ഇതിന് മറ്റൊരു കറി വേണ്ട
• പുട്ട് സോഫ്റ്റ് മാത്രമല്ല ഹെൽത്തിയുമാക്കാം, ഓട്സ് മാത്രം മതി
• മധുരക്കിഴങ്ങ് മതിവരുവോളം കഴിക്കാം, ഇവയിലൊന്ന് ട്രൈ ചെയ്യൂ
• ചപ്പാത്തിയെ വെല്ലാൻ കുബ്ബൂസ്, ഗോതമ്പ് പൊടി ഉണ്ടെങ്കിൽ വീട്ടിൽ തയ്യാറാക്കാം
• കൊതിതീരുവോളം കഴിച്ചോളൂ കിടിലൻ പാലട പായസം: Palada Payasam Recipe
• തിരക്കാണോ? എങ്കിൽ ഒരു സിംപിൾ ചിക്കൻ കറി തയ്യാറാക്കാം
• ചപ്പാത്തിയെ വെല്ലാൻ കുബ്ബൂസ്, ഗോതമ്പ് പൊടി ഉണ്ടെങ്കിൽ വീട്ടിൽ തയ്യാറാക്കാം
• ബാക്കി വന്ന ഉരുളക്കിഴങ്ങ് കൊണ്ട് ഈസി സ്നാക്സ്
• കുമ്പളങ്ങ പുളിശ്ശേരി കൂടി ഉണ്ടെങ്കിൽ ഊണ് കുശാൽ
• ദോശ മാവ് ഇനി ഇങ്ങനെ തയ്യാറാക്കി നോക്കൂ, ബ്രേക്ക്ഫാസ്റ്റ് കൂടുതൽ രുചികരമാകും