ഇത്രയും രുചിയോടെ ഉപ്പുമാവ് കഴിച്ചിട്ടുണ്ടോ? ഇതിന് മറ്റൊരു കറി വേണ്ട

ബ്രേക്ക്ഫാസ്റ്റിന് ദോശ വിട്ടൊരു കളിയില്ല എന്നാണോ? അരിയും ഉഴുന്നും അരച്ചെടുത്ത് വച്ചാൽ മാത്രമല്ലേ ദോശ തയ്യാറാക്കാൻ സാധിക്കൂ. അതൊന്നുമില്ലെങ്കിൽ പിന്നെ ഗോതമ്പ് പൊടി വേണം. സ്ഥിരം ഇത് തന്നെ മാറി മാറി കഴിച്ച് മടുത്തിട്ടുണ്ടാകില്ലേ? ശരീരഭാരം നിയന്ത്രണമൊക്കെ ശ്രദ്ധിക്കുന്നവരാണെങ്കിൽ കഴിക്കുന്ന ഭക്ഷണവും അത്ര തന്നെ കരുതലോടെ ആയിരിക്കുമെല്ലോ? അങ്ങനെയെങ്കിൽ ഈ ഉപ്പുമാവ് ഒന്ന് ട്രൈ ചെയ്തു നോക്കൂ. റവ ഇല്ലെങ്കിലും തയ്യാറാക്കാവുന്ന ഒരു സിംപിൾ ഹെൽത്തി ബ്രേക്ക്ഫാസ്റ്റ് റെസിപ്പിയാണിത്. 

ചേരുവകൾ

• സേമിയ
• വെള്ളം
• ചുവന്നുള്ളി
• പച്ചമുളക്
• ഇഞ്ചി
• തക്കാളി
• പച്ചക്കറികൾ
• മഞ്ഞൾപ്പൊടി
• മുളകുപൊടി
• കായപ്പൊടി
• തേങ്ങ
• കടുക്
• ഉഴുന്നു പരിപ്പ്
• കടലപരിപ്പ്
• വറ്റൽമുളക്
• വെളിച്ചെണ്ണ
• ഉപ്പ്
• മല്ലിയില
• കറിവേപ്പില

തയ്യാറാക്കുന്ന വിധം

• അടികട്ടിയുള്ള ഒരു പാത്രം അടുപ്പിൽ വച്ച് ചൂടാക്കി എണ്ണ ഒഴിക്കാം.
• അതിലേയ്ക്ക് കടുക് ചേർത്തു പൊട്ടിക്കാം.
• കടലപരിപ്പ്, ഉഴുന്നു പരിപ്പ്, വറ്റൽമുളക്, എന്നിവ വറുക്കാം.
• ചുവന്നുള്ളി, പച്ചമുളക്, കറിവേപ്പില, ഇഞ്ചി, തക്കാളി എന്നിവ ചെറുതായി അരിഞ്ഞതു ചേർത്തു വഴറ്റാം. ഇവയ്‌ക്കൊപ്പം ലഭ്യമായ മറ്റ് പച്ചക്കറികളും ചേർക്കാവുന്നതാണ്.
• അവ വെന്തതിനു ശേഷം മുളകുപൊടി, മഞ്ഞൾപ്പൊടി, കായപ്പൊടി എന്നിവ ചേർത്തിളക്കി യോജിപ്പിക്കാം.
• ഇതിലേയ്ക്ക് ആവശ്യത്തിന് വെള്ളം ഒഴിച്ച് ഉപ്പ് ചേർക്കാം.
• വറുത്ത സേമിയ ഇതിലേയ്ക്കു ചേർത്ത് അടച്ചു വച്ച് വേവിക്കാം.
• വെള്ളം വറ്റി, സേമിയ വെന്തതിനു ശേഷം കുറച്ച് തേങ്ങ ചിരകിയതും അൽപം നെയ്യും ചേർക്കാം. ഇനി ചൂടോടെ തന്നെ കഴിച്ചു നോക്കൂ.
   

Read More

• പുട്ട് സോഫ്റ്റ് മാത്രമല്ല ഹെൽത്തിയുമാക്കാം, ഓട്സ് മാത്രം മതി
• മധുരക്കിഴങ്ങ് മതിവരുവോളം കഴിക്കാം, ഇവയിലൊന്ന് ട്രൈ ചെയ്യൂ
• ചപ്പാത്തിയെ വെല്ലാൻ കുബ്ബൂസ്, ഗോതമ്പ് പൊടി ഉണ്ടെങ്കിൽ വീട്ടിൽ തയ്യാറാക്കാം
• കൊതിതീരുവോളം കഴിച്ചോളൂ കിടിലൻ പാലട പായസം: Palada Payasam Recipe
• തിരക്കാണോ? എങ്കിൽ ഒരു സിംപിൾ ചിക്കൻ കറി തയ്യാറാക്കാം
• ചപ്പാത്തിയെ വെല്ലാൻ കുബ്ബൂസ്, ഗോതമ്പ് പൊടി ഉണ്ടെങ്കിൽ വീട്ടിൽ തയ്യാറാക്കാം
• ബാക്കി വന്ന ഉരുളക്കിഴങ്ങ് കൊണ്ട് ഈസി സ്നാക്സ്
• കുമ്പളങ്ങ പുളിശ്ശേരി കൂടി ഉണ്ടെങ്കിൽ ഊണ് കുശാൽ
• ദോശ മാവ് ഇനി ഇങ്ങനെ തയ്യാറാക്കി നോക്കൂ, ബ്രേക്ക്ഫാസ്റ്റ് കൂടുതൽ രുചികരമാകും