/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2025/01/08/3i7n7KQkL1krbCIuLyPt.jpg)
ബ്രെഡ്
ഒരു ഇടത്തരം വലിപ്പമുള്ള മധുരക്കിഴങ്ങ് കഴുകി കഷ്ണങ്ങളാക്കി വെള്ളത്തിൽ പുഴുങ്ങിയെടുക്കുക. ചൂടാറിയതിനുശേഷം കിഴങ്ങിൻ്റെ തൊലി കളഞ്ഞ് നന്നായി ഉടയ്ക്കുക. ഇതിലേയ്ക്ക് മൂന്ന് ടീസ്പൂൺ തേൻ, രണ്ട് മുട്ട പൊട്ടിച്ചൊഴിച്ചത് എന്നിവ ചേർത്തിളക്കുക. ഒരു പാൻ അടുപ്പിൽ വെച്ച് അൽപം എണ്ണയൊഴിച്ചു ചൂടാക്കി തയ്യാറാക്കിയ മാവ് അതിലേയ്ക്ക് പകർന്ന് പരത്തി ഇരു വശങ്ങളും വേവിക്കുക. ശേഷം ഇഷ്ടാനുസരണം മറ്റൊരു പാത്രത്തിലേയ്ക്കു പകർന്ന് മുറിച്ചു കഴിക്കാം.
/indian-express-malayalam/media/media_files/2025/01/08/SkTX6mwJYBKYLvLJsSge.jpg)
ലഡ്ഡു
മധുരക്കിഴങ്ങ് ചെറുതായി അരിഞ്ഞതിലേയ്ക്ക് 30 ഗ്രാം പഞ്ചസാര ചേർത്ത് ആവിയിൽ വേവിച്ച് ഉടച്ചെടുക്കാം. ഇതിലേയ്ക്ക് മൈദ ചേർത്തിളക്കി ചെറിയ ഉരുളകളാക്കി മാറ്റി വെയ്ക്കാം. മധുരക്കിഴങ്ങ് ഉരുളകൾ വെളുത്ത എള്ളിൽ മുക്കിയെടുക്കുക. അടികട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കി ഇടത്തരം തീയിൽ ഉരുളകൾ വറുക്കാം. ചൂടോടെ തന്നെ കഴിച്ചു നോക്കൂ.
/indian-express-malayalam/media/media_files/2025/01/08/M14Gpj2PQlm2dCTqHT4f.jpg)
ചപ്പാത്തി
മധുരക്കിഴങ്ങ് പുഴുങ്ങി ഉടച്ചെടുക്കാം. അതിലേക്ക് ഒരു ടേബിൾസ്പൂൺ മുളകുപൊടി, ഒരു ടേബിൾസ്പൂൺ മല്ലിപ്പൊടി, ഒരു ടേബിൾസ്പൂൺ മല്ലി ചതച്ചത് എന്നിവ ചേർത്തിളക്കി യോജിപ്പിക്കാം. റാഗിപ്പൊടിയും ഉപ്പും ആവശ്യത്തിന് വെള്ളവും ചേർത്തിളക്കി മാവ് തയ്യാറാക്കാം. ഇതിൽ നിന്ന് ചെറിയ ഉരുളകളുണ്ടാക്കി ചപ്പാത്തി പരത്തുക. ഒരു പാൻ അടുപ്പിൽ വച്ച് അൽപ്പം നെയ്യ് പുരട്ടി മധുരക്കിഴങ്ങ് റാഗി ചപ്പാത്തി ചുട്ടെടുക്കുക.
/indian-express-malayalam/media/media_files/2025/01/08/tvJKVIGat8LIqqmaDLds.jpg)
ഇടിയപ്പം
ഉരുളക്കിഴങ്ങ് കഴുകി 10 മിനിറ്റ് വേവിച്ച് ഉടച്ചെടുക്കാം. ഇതിലേയ്ക്ക് അരിപ്പൊടിയും ഉപ്പും ചേർത്ത് ചൂടുവെള്ളവും ഒഴിച്ച് മാവ് തയ്യാറാക്കാം. സേവനാഴി ഉപയോഗിച്ച് മാവ് ഇഡ്ഡലി തട്ടിലേക്ക് മാറ്റാം. തുടർന്ന് ആവിയിൽ വേവിച്ച് ചൂടോടെ കഴിക്കാം.
/indian-express-malayalam/media/media_files/2025/01/08/JxR2r6ZCq0lUx9omApua.jpg)
ചിപ്സ്
സാമാന്യം വലിപ്പമുള്ള മധുരക്കിഴങ്ങ് തൊലി കളഞ്ഞ് കഴുകി ഒരേ കട്ടിയിൽ നീളത്തിൽ അരിഞ്ഞെടുക്കാം. ഇതിലേയ്ക്ക് ആവശ്യത്തിന് ഉപ്പ്, അര ടീസ്പൂൺ മഞ്ഞൾപ്പൊടി, അര ടേബിൾസ്പൂൺ മുളകുപൊടി, ഇഞ്ചിയും വെളുത്തുള്ളിയും അരച്ചത് അര ടേബിൾസ്പൂൺ, ഒരു ടേബിൾസ്പൂൺ വറ്റൽമുളക് അരച്ചത്, ഒരു ടേബിൾസ്പൂൺ കടലമാവ്, ഒരു ടേബിൾസ്പൂൺ കോൺഫ്ലോർ, അര ടേബിൾസ്പൂൺ അരിപ്പൊടി എന്നിവ ചേർത്തിളക്കി യോജിപ്പിച്ച് മുപ്പത് മിനിറ്റ് ഇത് മാറ്റി വയ്ക്കാം. അടികട്ടിയുള്ള ഒരു പാത്രം അടുപ്പിൽ വച്ച് വറുക്കാനാവശ്യത്തിന് വെളിച്ചെണ്ണ ഒഴിച്ചു ചൂടാക്കാം. അതിലേക്ക് മസാല പുരട്ടി മാറ്റി വച്ചിരിക്കുന്ന മധുരക്കിഴങ്ങ് ചേർത്തു വറുക്കാം.
Stay updated with the latest news headlines and all the latest Lifestyle news. Download Indian Express Malayalam App - Android or iOS.