ലാലേട്ടന് പ്രിയപ്പെട്ട ഈ ഡെസേർട്ട് തയ്യാറാക്കാൻ ഒരു നേന്ത്രപ്പഴം മതി

പഴം വല്ലാതെ പഴുത്ത് പോയാൽ നിങ്ങൾ എന്ത് ചെയ്യും? ആവിയിൽ വേവിച്ചു കഴിക്കാം അല്ലെങ്കിൽ കൊഴുക്കട്ട, പഴംപൊരി, അട എന്നിങ്ങനെ വ്യത്യസ്ത പലഹാരങ്ങളും തയ്യാറാക്കാം. ഇതൊക്കെ സ്ഥിരം വിഭവങ്ങൾ തന്നെയാണ്. ഇനി ഒരു തവണയെങ്കിലും 'ബനാന ഫ്ലാംബെ' (Banana Flamb'e) ട്രൈ ചെയ്തു നോക്കൂ. സ്വൽപം വിദേശി ടച്ചുള്ള കിടിൻ ഡെസേർട്ടാണിത്. മാത്രമല്ല ലാലേട്ടൻ്റെ ഇഷ്ട ഭക്ഷണം കൂടിയാണ്.

മദ്യം ഉപയോഗിച്ചുള്ള പാചകത്തിനാണ് 'ഫ്ലാംബെ' എന്ന് പറയുന്നത്. പത്തൊമ്പതാം നൂറ്റാണ്ടു മുതൽ പ്രചാരത്തിലുള്ള ഒരു പാചക രീതിയാണിത്. 40 ശതമാനം ആൽക്കഹോൾ അടങ്ങിയ മദ്യമാണ് ഉപയോഗിക്കുന്നത്. ലാലേട്ടൻ്റെ  ഈ പ്രിയ വിഭവം ഇനി നമുക്കും തയ്യാറാക്കാം. മറിയം തൻ്റെ ഇൻസ്റ്റഗ്രാം പേജിലൂടെയാണ് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• പഴം- 1
• ബ്രൗൺഷുഗർ- 1/2 കപ്പ്
• നെയ്യ്- 1 ടേബിൾസ്പൂൺ
• ഐസ്ക്രീം- ആവശ്യത്തിന്
• തേങ്ങ ചിരകിയത്- 1 പിടി
• റം

View this post on Instagram

A post shared by Mariam Kallivayalil (@mariam_mkii)

തയ്യാറാക്കുന്ന വിധം

• ഒരു പാൻ ചൂടാക്കി നെയ്യ് ചേർക്കാം.
• ഇതിലേയ്ക്ക് നന്നായി പഴുത്ത പഴം നീളത്തിൽ അരിഞ്ഞതു ചേർക്കാം.
• ഗോൾഡൻ ബ്രൗൺനിറമാകുന്നതു വരെ വേവിക്കാം.
• ഇതിലേയ്ക്ക് അര കപ്പ് ബ്രൗൺഷുഗർ ചേർത്ത് അലിയിക്കാം.
• പഞ്ചസാര അലിഞ്ഞു വരുമ്പോൾ ഒരു പിടി തേങ്ങ ചിരകിയതും അൽപം റമ്മും ചേർത്തിളക്കി യോജിപ്പിക്കാം.
• ശേഷം അടുപ്പണച്ച് പഴം മറ്റൊരു പാത്രത്തിലേയ്ക്കു മാറ്റാം.
• ഇതിനു മുകളിലായി ഒരു സ്കൂപ്പ് ഐസ്ക്രീം ചേർക്കാം. അൽപം തേൻ കൂടി ഒഴിച്ച് കഴിച്ചു നോക്കൂ.

Read More:

• ക്രിസ്പിയായി സമൂസ വറുത്തെടുക്കാം, ഈ 7 ചേരുവകൾ മതി
• ഇനി കറി തയ്യാറാക്കി സമയം കളയേണ്ട, മസാല ചപ്പാത്തി ചുട്ടെടുത്തോളൂ
• കറുമുറു കഴിക്കാൻ ചക്കക്കുരു വറുത്തെടുക്കാം
• കോഴിക്കറി മാറി നിൽക്കും, പപ്പായ ഇങ്ങനെ തയ്യാറാക്കിയാൽ
• വേനൽക്കാലത്ത് ചൂടിനെ നേരിടാൻ സ്മൂത്തി ബൗളുകൾ ശീലമാക്കാം
• ഡയറ്റിലാണോ? എങ്കിൽ ബ്രേക്ക്ഫാസ്റ്റ് ഹെൽത്തിയാക്കാൻ ഈ സ്പെഷ്യൽ ഇഡ്ഡലി ട്രൈ ചെയ്യൂ
• പൊള്ളുന്ന ചൂടിൽ കൂളായിരിക്കാൻ അവൽ മിൽക്ക് കുടിക്കൂ
• വണ്ണം കുറയ്ക്കാനുള്ള തയ്യാറെടുപ്പിലാണോ? ഭക്ഷണത്തിനൊപ്പം ഈ സാലഡ് കൂടി ശീലമാക്കൂ
• തട്ടുകട സ്റ്റൈലിലൊരു തക്കാളി റോസ്റ്റ് തയ്യാറാക്കാം 5 മിനിറ്റിൽ
• അരിപ്പൊടിയും ഗോതമ്പ് പൊടിയും ഉപയോഗിക്കാതെ ഇലയട രുചികരമാക്കാൻ ഇത് ചേർക്കൂ
• അരിപ്പൊടിയും തേങ്ങയും ഉണ്ടെങ്കിൽ ഈ കൂർഗ് വിഭവം തയ്യാറാക്കാം