New Release: വീര ധീര ശൂരനും എമ്പുരാനും ഒടിടിയിൽ എവിടെ കാണാം?

New Release, Veera Dheera Sooran & L2 Empuraan OTT Release Date and Platform: ചിയാൻ വിക്രം നായകനായ തമിഴ് ചിത്രം വീര ധീര ശൂരനും മലയാളം ഇതുവരെ കണ്ട ഏറ്റവും വലിയ ബ്രഹ്മാണ്ഡചിത്രം എമ്പുരാനും ഒടിടിയിലേക്ക്. തിയേറ്ററിലെത്തി ഒരു മാസം പിന്നിടും മുൻപെയാണ് ഇരു ചിത്രങ്ങളും ഒടിടിയിലേക്ക് എത്തുന്നത്. ഏറ്റവും കൗതുകകരമായ കാര്യം, തിയേറ്ററിൽ ഒന്നിച്ചെത്തിയ ഈ ചിത്രങ്ങൾ ഒടിടിയിൽ എത്തുന്നതും ഒരേ ദിവസമാണ് എന്നതാണ്. ചിത്രത്തിന്റെ ഒടിടി റിലീസ് തീയതി സ്ട്രീമിംഗ് പ്ലാറ്റ്ഫോമുകൾ ഔദ്യോഗികമായി സ്ഥിരീകരിച്ചിരിക്കുകയാണ്. 

Veera Dheera Sooran OTT: വീര ധീര ശൂരന്‍

ചിയാന്‍ വിക്രമിനെ നായകനാക്കി എസ്.യു. അരുണ്‍ കുമാർ സംവിധാനം ചെയ്ത ചിത്രമാണ്  'വീര ധീര ശൂരന്‍'. ‘വീര ധീര ശൂരൻ' പാർട്ട് 2 ആണ് ആദ്യം റിലീസ് ചെയ്തിരിക്കുന്നത്. സിനിമാചരിത്രത്തിൽ തന്നെ ഏറെ കൗതുകമുണർത്തുന്നൊരു കാര്യമാണ് ഒരു സിനിമയുടെ രണ്ടാം ഭാഗം ആദ്യം റിലീസ് ചെയ്യുക എന്നത്. മികച്ച പ്രതികരണം നേടാനും ചിത്രത്തിനു സാധിച്ചിരുന്നു. 

കാളി എന്ന പലചരക്കു കച്ചവടക്കാരന്റെ ജീവിതത്തിൽ ഒരു ദിവസം നടക്കുന്ന ചില സംഭവങ്ങളാണ് ഈ ചിത്രം പറയുന്നത്. ഈ ഗ്യാങ്സ്റ്റർ ചിത്രത്തിൽ ചിയാന്‍ വിക്രമിനൊപ്പം എസ്.ജെ. സൂര്യ, സുരാജ് വെഞ്ഞാറമ്മൂട്, ദുഷാര വിജയന്‍ തുടങ്ങിയവരും അഭിനയിച്ചിട്ടുണ്ട്. 

ചിത്രത്തിന്റെ  ഛായാഗ്രഹണം നിർവ്വഹിച്ചത് തേനി ഈശ്വര്‍ ആണ്. ജി.കെ. പ്രസന്ന എഡിറ്റിംഗും  സി.എസ്. ബാലചന്ദര്‍ കലാസംവിധാനവും നിർവ്വഹിച്ചു. എച്ച്.ആര്‍. പിക്ചേഴ്സിന്റെ ബാനറില്‍ റിയാ ഷിബുവാണ് ചിത്രം  നിർമ്മിച്ചത്.  ആമസോൺ പ്രൈം വീഡിയോ ആണ് വീര ധീര ശൂരൻ്റെ സ്ട്രീമിംഗ് അവകാശം സ്വന്തമാക്കിയത്. ഏപ്രിൽ 24 മുതൽ ചിത്രം ആമസോൺ പ്രൈം വീഡിയോയിൽ സ്ട്രീമിംഗ് ആരംഭിക്കും.  

L2 Empuraan OTT: എമ്പുരാൻ

മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത ബ്ലോക്ബസ്റ്റർ ചിത്രമാണ് 'എമ്പുരാൻ'. മലയാളത്തിലെ ഏറ്റവും കൂടുതൽ കളക്ഷൻ നേടിയ ചിത്രമായി എമ്പുരാൻ മാറികഴിഞ്ഞു. 250 കോടിയിലധികം രൂപയാണ് ചിത്രം  നേടിയത്. ശ്രീ ഗോകുലം മൂവീസ്, ആശീര്‍വാദ് സിനിമാസ്, ലൈക്ക പ്രൊഡക്ഷന്‍സ് എന്നിവയുടെ ബാനറില്‍ ഗോകുലം ഗോപാലന്‍, ആന്റണി പെരുമ്പാവൂര്‍, സുഭാസ്‌കരന്‍ എന്നിവര്‍ ചേര്‍ന്നാണ് എമ്പുരാൻ നിര്‍മിച്ചത്.  

എമ്പുരാനിൽ മോഹന്‍ലാലിനൊപ്പം പൃഥ്വിരാജ്, മഞ്ജു വാര്യര്‍, ടൊവിനോ തോമസ്, ഇന്ദ്രജിത് സുകുമാരന്‍, സുരാജ് വെഞ്ഞാറമൂട്, ജെറോം ഫ്ലിന്‍, ബൈജു, സായ്കുമാര്‍, ആന്‍ഡ്രിയ ടിവാടര്‍, അഭിമന്യു സിങ്, സാനിയ അയ്യപ്പന്‍ തുടങ്ങി വലിയ താരനിര തന്നെ അണിനിരക്കുന്നുണ്ട്. 

ജിയോ ഹോട്ട്സ്റ്റാറിലൂടെയാണ് എമ്പുരാൻ ഒടിടിയിലെത്തുന്നത്. ഏപ്രിൽ 24 മുതൽ എമ്പുരാൻ സ്ട്രീമിങ് ആരംഭിക്കും. മലയാളത്തിനു പുറമെ തമിഴ്, തെലുങ്ക് കന്നഡ ഭാഷകളിലും ചിത്രം കാണാം. 

Read More

• രണ്ടു തവണ ക്ഷയരോഗം വന്നു, ശരീരഭാരം 75ൽ നിന്നും 35ൽ എത്തി; അതിജീവനകഥ പങ്കുവച്ച് സുഹാസിനി
• 'മെസ്സി അണ്ണനു ആവാമെങ്കിൽ നമ്മടെ ചെക്കനുമാവാം'; സംഗീതിന്റെ പുരസ്കാരനേട്ടം ആഘോഷമാക്കി സുഹൃത്തുക്കൾ
• Empuraan OTT: തിയേറ്ററിലെത്തി ഒരു മാസം പിന്നിടും മുൻപെ എമ്പുരാൻ ഒടിടിയിലേക്ക്; എവിടെ കാണാം?
• മുറിച്ചു മാറ്റുന്നതിന് മുൻപ് ആള് കയറി, മുറിച്ച് മാറ്റിയത് കാണാൻ ആള് കേറി, എന്തായാലും സന്തോഷം; ഗണേഷ് കുമാർ
• മലയാളി ഡാ, തായ്‌വാൻ ഫിലിം ഫെസ്റ്റിവലിൽ മുണ്ടുടുത്ത് ടൊവിനോ: ചിത്രങ്ങൾ
• 10 ലക്ഷം പ്രതിഫലം കിട്ടുന്ന പരിപാടിയ്ക്ക് 400 രൂപയുടെ ടോപ്പുമിട്ട് വന്നയാളാണ്: മഞ്ജു വാര്യരെ കുറിച്ച് പിഷാരടി
• ചിത്ര ചേച്ചിയല്ലാതെ വേറെയാരും അങ്ങനെയൊന്നും ചെയ്യില്ല: ദിലീപ്
• സുന്ദരിയായ അമ്മയുടെ അതിസുന്ദരിയായ മകൾ; ഈ നടിയെ മനസ്സിലായോ?
• മമ്മൂട്ടിയുടെ മുതൽ രജനീകാന്തിന്റെ വരെ നായികയായ നടി; ആളെ മനസ്സിലായോ?
• സ്ഥലത്തെ പ്രധാന കുട്ടി ചട്ടമ്പി, വലിയ പൊക്കക്കാരി; ഈ സൂപ്പർസ്റ്റാറിനെ മനസ്സിലായോ?