Jailer OTT: ധ്യാൻ ശ്രീനിവാസന്റെ ജയിലർ ഒടിടിയിൽ എവിടെ കാണാം?

Jailer OTT Release Date & Platform: ധ്യാൻ ശ്രീനിവാസനെ നായകനാക്കി  സക്കീര്‍ മഠത്തില്‍ സംവിധാനം ചെയ്ത ജയിലർ ഒടിടിയിലേക്ക്. 2023 ഓഗസ്റ്റ് 18നു തിയേറ്ററുകളിലെത്തിയ ചിത്രം ഏതാണ്ട് ഒന്നര വർഷങ്ങൾക്കിപ്പുറമാണ് ഒടിടി റിലീസിനെത്തുന്നത്.  

സക്കീര്‍ മഠത്തില്‍ സംവിധാനം ചെയ്ത ജയിലര്‍ ഒരു പിരീഡ് ത്രില്ലര്‍ ചിത്രമാണ്.  1956-57 കാലഘട്ടത്തിൽ നടന്ന ഒരു സംഭവകഥയാണ് ചിത്രം പറഞ്ഞത്. വ്യത്യസ്ത കുറ്റകൃത്യങ്ങളിൽ പ്രതികളായ അഞ്ച് കുറ്റവാളികളുമായി ഗാന്ധിഗ്രാം എന്ന ഗ്രാമത്തിലെ ഒരു ബംഗ്ലാവിൽ താമസിക്കുന്ന ഒരു ജയിൽ ഉദ്യോഗസ്ഥന്റെ കഥയാണ് പറയുന്നത്. ചിത്രത്തിൽ ജയിലറുടെ വേഷമാണ് ധ്യാന്‍ ശ്രീനിവാസന്. 

ദിവ്യ പിള്ള ആണ് നായിക. മനോജ് കെ. ജയൻ, ശ്രീജിത്ത് രവി, ബിനു അടിമാലി, നവാസ് വള്ളിക്കുന്ന്, ഉണ്ണി രാജ എന്നിവരാണ് മറ്റു പ്രധാന അഭിനേതാക്കൾ. നിധീഷ് നടേരിയുടെ വരികൾക്ക് റിയാസ് പയ്യോളി ആണ് സംഗീതം പകർന്നത്.

നെൽസൺ ദിലീപ് കുമാർ സംവിധാനം ചെയ്‌ത രജനികാന്തിന്റെ ജയിലർ എന്ന തമിഴ് ചിത്രത്തിന്റെ തലക്കെട്ടുമായുള്ള സാമ്യത മൂലം നേരത്തെ തന്നെ ചിത്രം ചില വിവാദങ്ങളിൽ ഇടം പിടിച്ചിരുന്നു. 2023 ഓഗസ്റ്റ് 10ന് ജയിലർ തിയേറ്ററിൽ എത്തുമെന്നായിരുന്നു ആദ്യം അനൗൺസ് ചെയ്തത്. എന്നാൽ, അതേ തീയതിയിൽ തന്നെയായിരുന്നു രജനീകാന്ത് ചിത്രം ജയിലറിന്റെ റിലീസും. വിവാദം ഉയർന്നതോടെ, ചിത്രത്തിന്റെ റിലീസ് ഒരാഴ്ച കൂടി നീക്കിവയ്ക്കുകയായിരുന്നു.

View this post on Instagram

A post shared by manoramaMAX (@manoramamax)

മനോരമ മാക്സ് ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയിരിക്കുന്നത്. ഏപ്രിൽ നാലിന് ചിത്രം മനോരമ മാക്സിൽ സ്ട്രീമിംഗ് ആരംഭിക്കും. 

Read More

• പെണ്ണേ നീ തീയാകുന്നു; ചിരി മുഹൂർത്തങ്ങളുമായി മരണമാസ്സ് ട്രെയ്‌ലർ
• സൗബിനും കുടുംബത്തിനുമൊപ്പം പെരുന്നാൾ ആഘോഷിച്ച് മഞ്ജു വാര്യർ; ചിത്രങ്ങൾ
• സുന്ദരിയായ അമ്മയുടെ അതിസുന്ദരിയായ മകൾ; ഈ നടിയെ മനസ്സിലായോ?
• മമ്മൂട്ടിയുടെ മുതൽ രജനീകാന്തിന്റെ വരെ നായികയായ നടി; ആളെ മനസ്സിലായോ?
• സിനിമ സെൻസർ ചെയ്താണല്ലോ വന്നത്, അപ്പോഴൊന്നും ഒരു പ്രശ്നവും ഇല്ലായിരുന്നു: ഗോകുലം ഗോപാലൻ
• സ്ഥലത്തെ പ്രധാന കുട്ടി ചട്ടമ്പി, വലിയ പൊക്കക്കാരി; ഈ സൂപ്പർസ്റ്റാറിനെ മനസ്സിലായോ?
• New OTT Releases: ഈ ആഴ്ച ഒടിടിയിൽ എത്തിയ ചിത്രങ്ങൾ
• സ്റ്റീഫനും ജതിനും കൈയ്യടിക്കുന്നവർ പ്രിയദർശിനിയ്ക്ക് കൈയ്യടിക്കാത്തതെന്ത്?
• Machante Maalakha & Painkili OTT: മച്ചാൻ്റെ മാലാഖയും പൈങ്കിളിയും ഒടിടിയിൽ എവിടെ കാണാം?
• പ്രിയപ്പെട്ടവർക്ക് ഉണ്ടായ മനോവിഷമത്തിൽ ഖേദിക്കുന്നു; എമ്പുരാനിൽ നിന്നും ചില രംഗങ്ങൾ നീക്കം ചെയ്യും: മോഹൻലാൽ
• അങ്ങനെ ആ റെക്കോർഡും തൂക്കി; ഇന്ത്യയിലെ ഏറ്റവും വലിയ ഓപ്പണറായി എമ്പുരാൻ
• 'നിങ്ങൾ വാളോങ്ങുന്നത് രാജാവിനെയാണ്, മലയാളികൾ കിരീടം ചാർത്തിക്കൊടുത്ത ഒരേ ഒരു രാജാവിനെ': നടൻ അപ്പാനി ശരത്