ലക്കി ഭാസ്കറിൽ തിളങ്ങി ദുൽഖറിന്റെ വിന്റേജ് കാർ

മമ്മൂട്ടിയെ പോലെ തന്നെ വാഹനങ്ങളോടും വലിയ ഭ്രമമുള്ള വ്യക്തിയാണ് മകൻ ദുൽഖർ സൽമാനും. ആരും കൊതിക്കുന്ന നിരവധി വാഹനങ്ങളും ദുൽഖറിന്റെ വാഹന ശേഖരത്തിലുണ്ട്. വലിയൊരു കാർ ശേഖരം തന്നെ ദുൽഖറിനുണ്ട്. അതിൽ തന്നെ,  വിന്റേജ് കാറുകളുടെ പ്രത്യേക കളക്ഷനുമുണ്ട്. 

ദുൽഖറിന്റെ പുതിയ ചിത്രം ലക്കി ഭാസ്കർ വിജയകരമായി തിയേറ്ററുകളിൽ പ്രദർശനം തുടരുമ്പോൾ, ദുൽഖറിനൊപ്പം ചിത്രത്തിൽ തിളങ്ങുകയാണ് റെഡ് നിറത്തിലുള്ള  നിസ്സാൻ പട്രോൾ എന്ന വിന്റേജ് കാർ. തന്റെ സ്വകാര്യശേഖരത്തിൽ നിന്നുള്ള കാറാണത് എന്നാണ് ദുൽഖർ ഒരു അഭിമുഖത്തിൽ വെളിപ്പെടുത്തിയത്. 

1980കളിൽ നടക്കുന്ന കഥയാണ് ചിത്രം പറയുന്നത്. അതിനാൽ തന്നെ ചിത്രത്തിൽ ധാരാളം വിന്റേജ് കാറുകൾ ഉപയോഗിച്ചിട്ടുണ്ട്. ചിത്രത്തിനു വേണ്ടി വിന്റേജ് കാറുകൾ കണ്ടെത്താനും റീസ്റ്റോർ ചെയ്യാനും അണിയറപ്രവർത്തകർ ഏറെ സമയമെടുത്തെന്നാണ് ദുൽഖർ പറയുന്നത്. "സംവിധായകൻ വെങ്കി അത്‍ലൂരി, സാറിന്റെ കാറുകൾ എന്തെങ്കിലും ഉപയോഗിക്കാനാവുമോ? എന്നു ചോദിച്ചപ്പോൾ ഞാൻ യെസ് പറഞ്ഞു,.പക്ഷേ ആ കാർ അപ്പോൾ അണ്ടർ റിസ്റ്റോറേഷനിൽ ആയിരുന്നു. പക്ഷേ സിനിമയ്ക്കു മുൻപെ എനിക്ക് അതു ഫിനിഷ് ചെയ്യാൻ പറ്റി," ദുൽഖർ പറയുന്നു. 

View this post on Instagram

A post shared by Basil Elias (@basil4u)

മുൻപ്, ടോപ്പ് ഗിയർ ഇന്ത്യയുടെ അഭിമുഖത്തിൽ, എത്ര കാറുകളുണ്ട് സ്വകാര്യ ശേഖരത്തിൽ എന്ന ചോദ്യത്തിന്  “ഇത് എന്നെ കുഴപ്പത്തിലാക്കിയേക്കാം. എന്റെ കയ്യിൽ ധാരാളം യൂസ്ഡ് കാറുകൾ ഉണ്ട്, ഞാൻ കാറുകൾ റീസ്റ്റോർ ചെയ്യുന്നു,” എന്നായിരുന്നു ദുൽഖറിന്റെ മറുപടി.

അതേസമയം, ദുൽഖറിന്റെ കാർ പ്രേമത്തെ കുറിച്ച് പൃഥ്വിരാജ് മാഷബിൾ ഇന്ത്യയുടെ ദി ബോംബെ ജേർണിയിൽ  പറഞ്ഞ വാക്കുകളും ശ്രദ്ധേയമാണ്.  "ശരിക്കും ഒരു കാർ കളക്ടറാണ് ദുൽഖർ. ഏതാണ്ട് 50-60 കാറുകൾ കാണും ദുൽഖറിന്റെ കളക്ഷനിൽ. അങ്ങനെ കാറുകൾ കളക്റ്റ് ചെയ്യുന്നതിൽ അയാൾ സന്തോഷം കണ്ടെത്തുന്നു. ഞാൻ പക്ഷേ കാറുകൾ ഡ്രൈവ് ചെയ്യുന്നതിലാണ് സന്തോഷം കണ്ടെത്തുന്നത്, അതിന് അത്രയും കാറുകൾ വേണ്ടല്ലോ. എന്നെ സംബന്ധിച്ച് കാറുകൾ ഗാരേജിൽ സൂക്ഷിക്കുന്നതല്ല, അതു ഉപയോഗിക്കുന്നതിലാണ് താൽപ്പര്യം. ദുൽഖറിനും ഡ്രൈവ് ചെയ്യാൻ ഇഷ്ടമാണ്, പക്ഷേ അതിലേറെ സന്തോഷം കളക്ടർ എന്ന രീതിയിലുണ്ട്. ദുൽഖർ ഒരു പ്രോപ്പർ കാർ പ്രേമിയാണ്. ദുൽഖറിന്റെ കാർ ശേഖരത്തെക്കുറിച്ച് ഒരു ഡോക്യുമെൻ്ററി ചെയ്യാൻ ഞാൻ ആഗ്രഹിക്കുന്നു. അത്രയും നല്ലതാണത്," എന്നായിരുന്നു പൃഥ്വിരാജിന്റെ മറുപടി. 

Read More

• എന്നും 16, ഞങ്ങളുടെ കുടുംബത്തിലെ ഏറ്റവും ഇളയ അംഗത്തിന് പിറന്നാൾ: ആശംസകളുമായി പൃഥ്വിരാജ്
• തെലുങ്ക് സിനിമയിലെ സൂപ്പർസ്റ്റാറായി മാറുന്ന ദുൽഖർ
• പ്രശസ്തനും ധനികനുമായ നടനാവാൻ ആഗ്രഹിച്ചു, ആയി: ഇതൊക്കെയാണ് മാനിഫെസ്റ്റേഷൻ!
• Lubber Pandhu OTT: സർപ്രൈസ് ഹിറ്റടിച്ച 'ലബ്ബര്‍ പന്ത്' ഒടിടിയിൽ
• ദുൽഖറിന്റെ ഗംഭീര തിരിച്ചുവരവ്; ബോക്സ് ഓഫീസ് തകർത്തുവാരി ലക്കി ഭാസ്കർ
• ഞാനൊരു ബഡഗയെ വിവാഹം കഴിക്കണമെന്നാണ് അവരെന്നോട് പറഞ്ഞത്: സായ് പല്ലവി: Sai Pallavi marriage statement
• Sushin Shyam Wedding: സംഗീത സംവിധായകന്‍ സുഷിന്‍ ശ്യാം വിവാഹിതനായി
• നടി ദിവ്യ ശ്രീധരും നടൻ ക്രിസ് വേണുഗോപാലും വിവാഹിതരായി; വീഡിയോ
• വിവാദങ്ങൾ സൃഷ്ടിച്ച ആ പ്രണയവും ബ്രേക്കപ്പിലേക്ക്; മലൈകയുമായി പിരിഞ്ഞെന്ന് അർജുൻ
• ARM OTT: കാത്തിരിപ്പിനൊടുവില്‍ എആർഎം ഒടിടിയിലേക്ക്
• Kishkindha Kaandam OTT: കിഷ്‌കിന്ധാകാണ്ഡം ഒടിടിയിലേക്ക്, റിലീസ് തീയതി പ്രഖ്യാപിച്ചു