അമ്പലത്തിലെ ലൗഡ്‌സ്പീക്കറിന്റെ ശബ്ദം കൊണ്ട് വീട്ടില്‍ ഇരിക്കാന്‍ വയ്യ;  വിമര്‍ശനവുമായി അഹാന കൃഷ്ണ

ചുറ്റുമുള്ളവരുടെ സമാധാനജീവിതത്തെ ഗൗനിക്കാതെ ഉച്ചഭാഷിണിയിൽ നിരന്തരം പാട്ട് വയ്ക്കുന്ന ക്ഷേത്രഭാരവാഹികളെ വിമർശിച്ച് നടി അഹാന കൃഷ്ണ. വീടിനടുത്തു സ്ഥിതി ചെയ്യുന്ന  ക്ഷേത്രത്തിൽ നിന്നുള്ള ലൗഡ്‌സ്പീക്കര്‍ ശബ്ദം കാരണം സഹികെട്ടെന്നാണ് ഇൻസ്റ്റഗ്രാം സ്റ്റോറിയിൽ അഹാന കുറിച്ചത്.

"ഉത്സവവേളകളില്‍ അമ്പലത്തിനുള്ളിലെ കാര്യങ്ങള്‍ എല്ലാവരും കേള്‍ക്കാന്‍ ആഗ്രഹിക്കുന്നു എന്ന് സംഘാടകര്‍ കരുതുന്നു. രാവിലെ ഒന്‍പതു മണിക്ക് ആരംഭിച്ച് രാത്രി പത്തോ പതിനൊന്നോ വരെ ഉച്ചത്തില്‍ പാട്ടും മറ്റും പ്ലേ ചെയ്യുകയാണ്. പലപ്പോഴും ഇത് സമീപത്തുള്ളവരുടെ സമാധാനം തകര്‍ക്കുന്ന നിലയിലേക്ക് മാറുന്നു. അമ്പലത്തിലെ പ്രാര്‍ത്ഥനയും മറ്റും കേള്‍ക്കാന്‍ ആഗ്രഹിക്കുന്നവര്‍ ക്ഷേത്ര പരിസരത്ത് പോയി കേള്‍ക്കും," എന്നാണ് അഹാന കുറിച്ചത്.

ക്ഷേത്രാന്തരീക്ഷവുമായി യോജിച്ചുപോവാത്ത തരത്തിലുള്ള പാട്ടുകൾ പ്ലേ ചെയ്യുന്നതിനെയും അഹാന വിമർശിക്കുന്നുണ്ട്. അഹാന ഷെയർ ചെയ്തൊരു വീഡിയോയുടെ പശ്ചാത്തലത്തിൽ  ‘സരക്ക് വച്ചിരുക്കാ’ എന്ന സിനിമാ ഗാനമാണ് കേൾക്കാനാവുക.  ‘അമ്പലത്തില്‍ ഇടാന്‍ പറ്റിയ സൂപ്പര്‍ പാട്ട്, ഹര ഹരോ ഹര ഹര’ എന്നാണ് വീഡിയോയ്ക്ക് അഹാന നൽകിയ അടിക്കുറിപ്പ്.

നിരവധി സ്റ്റോറികളിലൂടെയാണ് അഹാന ക്ഷേത്രത്തിലെ നിർത്താതെയുള്ള ഈ ലൗഡ് സ്പീക്കർ ഉപയോഗത്തെ വിമർശിക്കുന്നത്. രാവിലെ തന്നെ അമ്പലത്തിലെ പാട്ട് കച്ചേരി ആരംഭിച്ചതിനെ വിമര്‍ശിച്ചു കൊണ്ടുള്ള മറ്റൊരു വീഡിയോയും കാണാം.  ‘ഗുഡ് മോണിങ്, ഇതാണോ കാവിലെ പാട്ട് മത്സരം എന്ന് പറയുന്ന സാധനം?’ എന്നാണ് മറ്റൊരു വീഡിയോയിൽ അഹാന ചോദിക്കുന്നു.  ‘വയ്യ ഈ പാട്ടുകാരെക്കൊണ്ട്’ ശബ്ദകോലാഹലം കാരണം സഹിക്കെട്ടിരിക്കുന്ന സ്വന്തം ചിത്രവും അഹാന ഷെയർ ചെയ്തിട്ടുണ്ട്.

Read More

• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി
• ഞാൻ അഭിനയിക്കുന്നത് എന്റെ മക്കൾക്ക് നാണക്കേടാ എന്നു പറഞ്ഞവർ ഇതു കാണൂ: രേണു സുധി
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• കിമോണോ സുന്ദരികൾ ജപ്പാനിൽ; ചിത്രങ്ങളുമായി അഹാന കൃഷ്ണ
• സാമൂഹ്യ മാധ്യമങ്ങളിലൂടെ അശ്ലീല പരാമർശം; നടിമാരുടെ പരാതിയിൽ 'ആറാട്ടണ്ണൻ' കസ്റ്റഡിയിൽ
• മറവി‍ക്കെതിരെ ഓര്‍മയുടെ പോരാട്ടം, വൈകാരികമായ യാത്രയായിരുന്നു നരിവേട്ട: ടൊവിനോ തോമസ്
• അടുത്ത ബ്ലോക്ക്ബസ്റ്റർ? വീണ്ടും ഹിറ്റടിക്കാൻ ആസിഫ് അലി; 'സർക്കീട്ട്' ട്രെയിലർ
• തീപ്പൊരി സ്റ്റെപ്പുമായി ചാക്കോച്ചന്റെ ഇസഹാഖ്; മത്തൻ കുത്തിയാൽ കുമ്പളം മുളക്കില്ലെന്ന് ആരാധകർ
• അടുത്ത ജന്മത്തിൽ പ്രഭാസിനെ പോലെ ഒരു മകനെ വേണം: സറീന വഹാബ്
• ആ ചുംബന ഫോട്ടോ വിവാദം ഞങ്ങളെ തെല്ലും ഉലച്ചില്ല: മഹേഷ് ഭട്ടിന്റെ മകൻ പറയുന്നു