നിറം മങ്ങിയതും വരണ്ടതുമായ കാൽപ്പാദങ്ങളാണോ പ്രശ്നം? ഇതാ ഒരു പരിഹാരം

മഴക്കാലം ഏറ്റവും അധികം ബാധിക്കുന്നത് കാൽപ്പാദങ്ങളെയാണ്. അന്തരീക്ഷത്തിലെ ഈർപ്പവും, നനവും പാദങ്ങളെ ദുർഗന്ധപൂരിതവും, ചുളിവുകൾ ഉള്ളതുമാക്കി തീർക്കുന്നു. അതിനാൽ മഴക്കാലത്ത് അവ കൂടുതൽ പരിചരണം അർഹിക്കുന്നുണ്ട്. ഫംഗൽ ഇൻഫെക്ഷനുകളും, ചൊറിച്ചിലും, കാൽപ്പാദചർമ്മങ്ങളിലെ നിറം മങ്ങലുമാണ് ഈ സമയത്ത് പ്രധാനമായി നേരിടുന്ന പ്രശ്നങ്ങൾ. 

മഴക്കാലത്ത് കാൽപ്പാദങ്ങൾ മൂടിയിരിക്കുന്ന പാദരക്ഷകൾ ഒഴിവാക്കി കൂടുതൽ തുറന്ന വായു സഞ്ചാരമുള്ളവ ഉപയോഗിക്കാൻ ശ്രദ്ധിക്കണം. കെട്ടി കിടക്കുന്ന വെള്ളത്തിലും മറ്റും ചവിട്ടേണ്ടി വരുന്നതിനാൽ കഴിയുന്നത്ര വേഗത്തിൽ പാദങ്ങൾ കഴുകി വൃത്തിയാക്കാനും ഈർപ്പം ഇല്ലാതിരിക്കാനും ശ്രദ്ധിക്കുക. പാദരക്ഷകളില്ലാതെ ഒരു കാരണവശാലും പുറത്തിറങ്ങരുത്. 

ഇത്തരം ചെറിയ കാര്യങ്ങൾ ശ്രദ്ധിക്കുന്നതിനൊപ്പം വീട്ടിലെത്തിയാൽ വേണ്ട പരിചരണം കാൽപ്പാദ ചർമ്മങ്ങൾക്ക് നൽകേണ്ടതുണ്ട്. അതിനുചിതമായ ഒരു ഫീറ്റ് മാസ്ക് തിരഞ്ഞെടുക്കുക. മുൾട്ടാണി മിട്ടിയും, ആര്യവേപ്പിൻ്റെ ഇല പൊടിച്ചതുമൊക്കെ ചേർത്ത് പ്രകൃതിദത്തവും ഫലപ്രദവുമായ മാസ്ക് ആഴ്ച്ചയിൽ ഒരു തവണയെങ്കിലും ഉപയോഗിക്കുന്നത് ഗുണം ചെയ്യും. 

ചേരുവകൾ

• മുൾട്ടാണി മിട്ടി
• ആര്യവേപ്പ് പൊടി
• മഞ്ഞൾപ്പൊടി
• തേൻ

തയ്യാറാക്കുന്ന വിധം

• അൽപ്പം മുൾട്ടാണി മിട്ടിയിലേയ്ക്ക് ആര്യവേപ്പിൻ്റെ ഇല ഉണക്കി പൊടിച്ചതും, മഞ്ഞൾപ്പൊടിയും കുറച്ച് തേനും ചേർത്തിളക്കിയെടുക്കുക.
• നന്നായി കഴുകി ഈർപ്പമില്ലാത്ത കാൽപ്പാദങ്ങളിൽ ഇത് പുരട്ടുക.
• പത്ത് മുതൽ പതിനഞ്ച് മിനിറ്റിനു ശേഷം കഴുകി കളയുക.
• ശേഷം അൽപ്പം ഒലിവ് എണ്ണയോ അല്ലെങ്കിൽ വെളിച്ചെണ്ണയോ പാദങ്ങളിൽ പുരട്ടി മോയിശ്ചറൈസ് ചെയ്യുക. 

ഗുണങ്ങൾ 

• ചർമ്മത്തിലെ അഴുക്ക് നീക്കം ചെയ്യുവാനും, കറുത്ത പാടുകൾ കുറയ്ക്കാനും മുൾട്ടാണി മിട്ടി സഹായിക്കും.
• മുൾട്ടാണി മിട്ടിക്ക് ചർമ്മത്തിൻ്റെ സ്വഭാവിക നിറം നിലനിർത്താൻ സഹായിക്കുന്നു.
• ധാരാളം ആൻ്റി ഓക്സിഡൻ്റുകൾ ആര്യവേപ്പിൽ അടങ്ങിയിട്ടുണ്ട്. 
• കാൽപ്പാദ ചർമ്മങ്ങളിലെ പാടുകളും, ചുളിവുകളും അകറ്റി തിളക്കവും മൃദുലവുമാക്കാൻ ആര്യവേപ്പ് സഹായിക്കുന്നു.
• മഞ്ഞൾപ്പൊടിയ്ക്ക് ധാരാളം ആൻ്റി ഇൻഫ്ലമേറ്ററി സവിശേഷതകളുണ്ട്. ചുളിവുകൾ, കറുത്ത പാടുകൾ എന്നിവ കൂടാതെ ഇത് പാദങ്ങളിലെ മൃദചർമ്മങ്ങളെ അകറ്റി സ്വഭാവിക നിറം നിലനിർത്താൻ സഹായിക്കുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തലമുടി സംരക്ഷണത്തിന് ഒറ്റമൂലി, ഈ ഉലുവ ഹെയർ മാസ്ക് ഉപയോഗിച്ചു നോക്കൂ
• മുഖക്കുരുവിനു പരിഹാരം മഞ്ഞൾപ്പൊടിയും കടലമാവും ചേർന്ന ഈ ഫെയ്സ് മാസ്ക്
• മുഖത്തെ ചുളിവുകളും പാടുകളും അകറ്റാൻ ഒരു തക്കാളി ഫെയ്സ്മാസ്ക്
• മെൽബൺ ഫിലിം ഫെസ്റ്റിവലിൽ തിളങ്ങി പാർവ്വതി തിരുവോത്ത്
• വിൻ്റേജ് ക്യൂനായി സിൽക്ക് സാരിയിൽ സംയുക്ത മേനോൻ
• സൺസ്ക്രീനോ സൺബ്ലോക്കോ? ചർമ്മ സംരക്ഷണത്തിന് ഏതാണ് മികച്ചത്
• കറുത്ത പാടുകളകറ്റി ചർമ്മം തിളക്കമുള്ളതാക്കാം, ഇതാ ഒരുഗ്രൻ ഫെയ്സ്മാസ്ക്
• ഹെയർ മാസ്കും കണ്ടീഷ്ണറും ഉപയോഗിക്കേണ്ടത് എങ്ങനെ?
• വരണ്ട ചർമ്മത്തിനു പരിഹാരം: ഈ ഫെയ്സ് മാസ്ക് ട്രൈ ചെയതു നോക്കൂ
• ആരോഗ്യമുള്ള മുടിക്കായി ഈ വിത്തുകൾ കഴിച്ചു നോക്കൂ
• താരൻ അകറ്റാൻ ഒരു പൊടിക്കൈ, ഇങ്ങനെ ചെയ്തു നോക്കൂ
• ശിശുക്കളുടെ ചർമ്മ സംരക്ഷണ ഉത്പന്നങ്ങൾ മുതിർന്നവർ ഉപയോഗിച്ചാൽ എന്തു സംഭവിക്കും?
• മഴക്കാലത്തും തലമുടിയുടെ ആരോഗ്യം നിലനിർത്താം : ഇക്കാര്യങ്ങൾ അറിഞ്ഞിരിക്കൂ
• മുഖത്തെ ടാൻ അകറ്റാൻ ഒരുഗ്രൻ ഫെയ്സ് മാസ്ക്