മഴക്കാലത്തും തലമുടിയുടെ ആരോഗ്യം നിലനിർത്താം : ഇക്കാര്യങ്ങൾ അറിഞ്ഞിരിക്കൂ

വേനൽ ചൂടിൽ നിന്നും ആശ്വാസം പകരാൻ മഴക്കാലമെത്താൻ ആരും കൊതിച്ചു പോകും. എന്നാൽ അതിനൊപ്പം എത്തുന്ന പകർച്ച വ്യാധികൾക്കും, ചർമ്മത്തിനേയും മുടിയേയും ബാധിക്കുന്ന പ്രശ്നങ്ങളെയും ചെറുക്കാൻ മുൻകരുതലുകൾ സ്വീകരിക്കേണ്ടതുണ്ട്. 

മഴക്കാലം അന്തരീക്ഷത്തെ ഈർപ്പ മയമുള്ളതാക്കി തീർക്കുന്നു. ഇത് തലയോട്ടിയുടെ പിഎച്ച് നിയന്ത്രണത്തിൽ തടസ്സം ഉണ്ടാക്കുന്നു. അങ്ങനെ തലയോട്ടിയിൽ ഇൻഫെക്ഷൻ, താരൻ, മുടി കൊഴിച്ചിൽ എന്നിങ്ങനെയുള്ള പ്രശ്നങ്ങൾ ഉണ്ടാകുന്നു. മഴക്കാലത്ത് മുടി കൊഴിച്ചിൽ 30 ശതമാനം വരെ വർധിക്കുമെന്ന് ഡെർമറ്റോളജിസ്റ്റായ ഡോ.റിങ്കി പറയുന്നു.

അൽപ്പം ശ്രദ്ധയും വീട്ടിൽ തന്നെ ചെയ്യാവുന്ന പൊടിക്കൈകളും തലയോട്ടിയുടെയും മുടിയുടെയും പ്രശ്നങ്ങൾ അകറ്റാൻ സഹായിക്കും.

എണ്ണയുടെ ഉപയോഗം: ആഴ്ച്ചയിൽ രണ്ട് ദിവസം തലയോട്ടിയിലും മുടിയിലും എണ്ണ പുരട്ടുക. കുറച്ച് എണ്ണയെടുത്ത് തലയോട്ടി മസാജ് ചെയ്യുക. പതിനഞ്ച് മുതൽ ഇരുപത് മിനിറ്റിനു ശേഷം ഷാമ്പൂ ഉപയോഗിച്ച് കഴുകി കളയുക. 

ഷാമ്പുവിൻ്റെ ഉപയോഗം: അധിക നേരം മഴ നനഞ്ഞാൽ ഉറപ്പായും മുടി ഷാമ്പൂ ഉപയോഗിച്ച് കഴുകണം. തണുത്തവെള്ളത്തിൽ മുടി കഴുകിയതിനു ശേഷം മാത്രം ഷാമ്പു ഉപയോഗിക്കുക. സൾഫേറ്റ് രഹിതമായ ഷാമ്പൂ തിരഞ്ഞെടുക്കുവാൻ ശ്രദ്ധിക്കുക.

കണ്ടീഷ്ണർ: ഷാമ്പുവിനൊപ്പം നിർബന്ധമായും കണ്ടീഷ്ണറും ഉപയോഗിക്കണം. മുടി വരണ്ടു പോകുന്നതും ഒട്ടിപിടിക്കുന്നതും ഇത് തടയും. എന്നാൽ തലയോട്ടിയിൽ ഒരു കാരണവശാലും ഇത് ഉപയോഗിക്കരുത്. കണ്ടീഷ്ണർ മുടിയിഴകളിൽ പുരട്ടി പത്ത് മുതൽ പതിനഞ്ച് മിനിറ്റിനു ശേഷം കഴുകി കളയുക. 

തലമുടി ഉണക്കുക: കണ്ടീഷ്ണർ കഴുകി കളഞ്ഞതിനു ശേഷം ടവ്വൽ ഉപയോഗിച്ച് പതിയെ അമർത്തി മുടിയിലെ നനവ് കളയാം. ശേഷം സ്വഭാവികമായി മുടി ഉണങ്ങാൻ വിടുക. 

ഭക്ഷണം: നിങ്ങളുടെ ഭക്ഷണക്രമം നിയന്ത്രിതമാണെന്ന് ഉറപ്പു വരുത്തുക. വെള്ളം കുടിക്കാൻ മറക്കാതിരിക്കുക.

Read More

• മുഖത്തെ ടാൻ അകറ്റാൻ ഒരുഗ്രൻ ഫെയ്സ് മാസ്ക്
• നിറം മങ്ങിയ പല്ലുകളാണോ പ്രശ്നം? ഇവ ഭക്ഷണക്രമത്തിൽ ഉൾപ്പെടുത്തൂ
• കൈകളിലെ ഇരുണ്ട ചർമ്മം അകറ്റാം: ഇങ്ങനെ ചെയ്തു നോക്കൂ
• ആരോഗ്യമുള്ള ചർമ്മത്തിന് ഈ പഴം കഴിച്ചോളൂ
• കറുവാപ്പട്ടയും, ആപ്പിൾ സിഡർ വിനാഗിരിയും താരൻ അകറ്റാൻ നല്ലതോ?
• മുടി വളർച്ച കൂട്ടും, താരൻ കുറയ്ക്കും; കറ്റാർവാഴ ജെൽ പുരട്ടുന്നതിന്റെ ഗുണങ്ങൾ
• മുടിയുടെ കരുത്ത് വർദ്ധിപ്പിക്കാം, ഈ ഹെയർമാസ്ക് ട്രൈ ചെയ്യൂ
• ആഴ്ചയിൽ എത്ര തവണ മുടി കഴുകാറുണ്ട്? ഇക്കാര്യങ്ങൾ ശ്രദ്ധിക്കൂ
• Skin Home Remedies: മുഖകാന്തിക്ക് വീട്ടിൽ തന്നെയുണ്ട് പരിഹാരം
• കൈകളിലെ കരുവാളിപ്പ് മാറ്റാൻ ഇതാ ഒരു നുറുങ്ങു വിദ്യ
• മുടി കൊഴിച്ചിൽ തടയാൻ വെളിച്ചെണ്ണ ഹെയർ മാസ്ക്