ആഴ്ചയിൽ എത്ര തവണ മുടി കഴുകാറുണ്ട്? ഇക്കാര്യങ്ങൾ ശ്രദ്ധിക്കൂ

മഴക്കാലത്തെ മുടിയുടെ സംരക്ഷണം ഏറെ പ്രയാസകരമാണ്. എല്ലായ്പ്പോഴും അന്തരീക്ഷത്തിൽ ഈർപ്പം നിലനിൽക്കുന്നതിനാൽ താരൻ, ദുർഗന്ധം എന്നിവ ഉണ്ടായേക്കാം. മഴക്കാലത്ത് മുടി കഴുകുന്നതിനാണ് ഏറെ ബുദ്ധിമുട്ട് അനുഭവപ്പെടുക. കഴുകിയ മുടി ഉണങ്ങി കിട്ടാൻ ഈർപ്പമുള്ള അന്തരീക്ഷത്തിൽ വളരെ പ്രയാസമാണ്. 

എങ്കിലും ദിവസവും തലമുടി കഴുന്നത് ശീലമാക്കിയവരുണ്ട്. പുറത്തു നിന്നും ഉണ്ടാകുന്ന പൊടിയും, അഴുക്കും, വിയർപ്പും മറ്റും കളയുന്നതിനാണ് ഇങ്ങനെ ചെയ്യുന്നത്. എന്നാൽ ദിവസവും ഇങ്ങനെ മുടി കഴുകുമ്പോൾ കൊഴിച്ചിൽ ഉണ്ടാകുന്നതായി എപ്പോഴെങ്കിലും ശ്രദ്ധയിൽപ്പെട്ടിട്ടുണ്ടോ?. എങ്കിൽ കരുതൽ വേണം. 

വ്യക്തി ശുചിത്വത്തിന്റെയും സൗന്ദര്യത്തിന്റെയും ഭാഗമാണ് മുടി. അതിനാൽ വൃത്തിയാക്കി വെയ്ക്കുക എന്നത് നല്ല ശീലമാണ്. നനഞ്ഞു കഴിയുമ്പോൾ മുടി തീരെ ബലമില്ലാതായി തീരുന്നു. ഇത് കൊഴിച്ചിലിനു കാരണമാകും. അങ്ങനെയെങ്കിൽ സ്ഥിരമായി കഴുകുമ്പോൾ മുടി കൊഴിച്ചിൽ വർധിച്ചു കൊണ്ടേയിരിക്കും. ഇതിനൊപ്പം നനവ് കളയാൻ സ്വീകരിക്കുന്ന വ്യത്യസ്തമായ മാർഗങ്ങളും, സ്റ്റൈൽ ചെയ്യുന്ന രീതിയും, ഉചിതമല്ലാത്ത ചീപ്പ് ഉപയോഗിച്ചു ചീകുന്നതും മുടിയുടെ ആരോഗ്യം നഷ്ടപ്പെടുത്തുന്നു. 

View this post on Instagram

A post shared by Dr Hasia | London & Dubai Skin, Aesthetics & Wellness (@doctorhasia)

ആഴ്ചയിൽ രണ്ട് ദിവസം മുടി കഴുകുന്നതാണ് എപ്പോഴും നല്ലതെന്ന് ഡെർമറ്റോളജിസ്റ്റായ ഡോ, ഹാസിയ പറുന്നു. കഴുകിയതിനു ശേഷവും കരുതലോടെ വേണം തലമുടി കൈകാര്യം ചെയ്യാൻ.

• കഴുകിയ ഉടനെ മുടിയിൽ നിന്നും എങ്ങനെ വെള്ളം കളയുന്നുവെന്നതിൽ കാര്യമുണ്ട്. നേരിട്ട് ടവ്വൽ ഉപയോഗിച്ച് റബ് ചെയ്യുന്നതിനു പകരം കൈകൾ ഉപയോഗിച്ച് മുടിയിൽ നിന്നു വെള്ളം ഞെക്കി പിഴിഞ്ഞു കളയുക. ഇതിനുശേഷം മാത്രം ടവ്വൽ ഉപയോഗിച്ച് അധികം ശക്തി കൊടുക്കാതെ മുടി അമർത്തി വെള്ളത്തിൻ്റെ അംശം കളയുക.
• വരണ്ട മുടിയുള്ളവരാണെങ്കിൽ മുടിയിൽ നിന്നും വെള്ളം കളഞ്ഞതിനു ശേഷം എണ്ണയോ സിലിക്കണോ അടിസ്ഥാനമാക്കിയുള്ള ഹെയർ സെറം സ്ഥിരമായി ഉപയോഗിക്കുന്ന ഹെയർക്രീമിൽ മിക്സ് ചെയ്ത് പതിയെ മുടിയിൽ പുരട്ടുക. ചർമ്മത്തിനു വേണ്ടതു പോലെ തന്നെ മുടിക്കും ഹെയർക്രീമും, എണ്ണയും ആവശ്യമാണ്.
• മുടി ഉണക്കുന്നതിനായി പലപ്പോഴും ഹെയർ ഡ്രൈയർ ചൂട് താപനിലയിലായിരിക്കും ഉപയോഗിക്കുന്നത്. എന്നാൽ ഇത്തരത്തിൽ കഠിനമായ ചൂട് മുടിയുടെ ആരോഗ്യത്തെ എന്നന്നേക്കുമായി നശിപ്പിക്കും. ബ്ലാസ്റ്റ് ഡ്രൈ; തണുത്ത താപനിലയിൽ ക്രമീകരിച്ച് മുടി ഉണക്കുക. 

Read More

• Skin Home Remedies: മുഖകാന്തിക്ക് വീട്ടിൽ തന്നെയുണ്ട് പരിഹാരം
• കൈകളിലെ കരുവാളിപ്പ് മാറ്റാൻ ഇതാ ഒരു നുറുങ്ങു വിദ്യ
• മുടി കൊഴിച്ചിൽ തടയാൻ വെളിച്ചെണ്ണ ഹെയർ മാസ്ക്
• മുഖത്തെ രോമം കളയണോ? കടലമാവ് ഉപയോഗിക്കൂ
• ഒരു ഹെയർക്ലിപ്പിന്റെ വില ഇത്രയുമോ? ഷാരൂഖിന്റെ മകളല്ലേയെന്ന് ആരാധകർ
• മുടി തിളക്കമുള്ളതാക്കാം, വീട്ടിൽ ചെയ്യാവുന്ന ചില പൊടിക്കൈകൾ
• സ്റ്റണ്ണിങ് ബോൾഡ് ലുക്കെന്ന് ആരാധകർ; ലെമൺ ഗ്രീൻ സാരി ട്രെൻഡിലാക്കി സംയുക്ത മേനോൻ
• ഗോൾഡിൽ ഗ്ലാമറസായി പ്രിയാമണി: ഫിലിം ഫെയർ സ്പെഷ്യൽ ലുക്ക്