മുടി കൊഴിച്ചിൽ തടയാൻ വെളിച്ചെണ്ണ ഹെയർ മാസ്ക്

മഴക്കാലത്തെ മുടിയുടെ സംരക്ഷണം ഏറെ പ്രായാസകരമാണ്. എല്ലായ്പ്പോഴും അന്തരീക്ഷത്തിൽ ഈർപ്പം നിലനിൽക്കുന്നതിനാൽ താരൻ, ദുർഗന്ധം എന്നിവ ഉണ്ടായേക്കാം. കൃത്യ സമയത്ത് ഇതിനു പരിഹാരം കണ്ടില്ലെങ്കിൽ മുടിയുടെ ആരോഗ്യം നഷ്ടപ്പെട്ടു പോകും.

സ്ത്രീകളും പുരുഷൻമാരും നേരിടുന്ന മറ്റൊരു പ്രശ്നമാണ് അകാലനരയും, മുടികൊഴിച്ചിലും. വെളിച്ചെണ്ണ തലമുടിയുടെ ആരോഗ്യത്തിന് പറ്റിയ മികച്ച ഔഷധം തന്നെയാണ്. തലമുടിക്ക് എന്നതു പോലെ തന്നെ ശരീരത്തിനും എണ്ണ പുരട്ടി കുളിക്കുന്നത് നല്ലതാണ്.  ഈ മഴക്കാലത്ത് തലമുടി സംരക്ഷണത്തിനായി വെളിച്ചെണ്ണ ഉപയോഗിച്ച് വീട്ടിൽ തയ്യാറാക്കാൻ സാധിക്കുന്ന ഒരു ഹെയർ മാസ്കക് പരിചയപ്പെടാം.

ചേരുവകൾ

• കറിവേപ്പില
• വെളിച്ചെണ്ണ

തയ്യാറാക്കുന്ന വിധം

• ഒരു കപ്പ് വെളിച്ചെണ്ണ ചൂടാക്കുക.
• ഇതിലേയ്ക്ക് ഒരു പിടി കറിവേപ്പില ചേർക്കുക.
• കറിവേപ്പില ബ്രൗൺ നിറം ആയതിനു ശേഷം തണുക്കാൻ വെയ്ക്കുക.
• തണുത്തതിനു ശേഷം തലയോട്ടിയിലും, മുടിയിഴകളിലും എണ്ണ പുരട്ടി മസാജ് ചെയ്യുക.
• പത്ത് പതിനഞ്ച് മിനിറ്റിനു ശേഷം ഷാമ്പൂ ഉപയോഗിച്ച് കഴുകി കളയുക.

ഗുണങ്ങൾ

വെളിച്ചെണ്ണ: തലയോട്ടി വരണ്ടു പോകുന്നത് തടയുകയും മുടിയിഴകൾ തിളക്കമുള്ളതാക്കി തീർക്കുകയും ചെയ്യുന്നതിന് വെളിച്ചെണ്ണയ്ക്ക് കഴിയും. മുടിയുടെ സ്വഭാവിക നിറം നിലർനിർത്തുന്നതിന് സഹായിക്കും.

കറിവേപ്പില: കറിവേപ്പിലയിൽ ധാരാളം ആൻ്റിഓക്സിഡൻ്റുകൾ അടങ്ങിയിട്ടുണ്ട്. ഇത് തലമുടി കൊഴിച്ചിൽ കുറയ്ക്കുകയും, പുതിയ മുടി വളരുന്നതിന് സഹായിക്കുകയും ചെയ്യും.

Read More

• മുഖത്തെ രോമം കളയണോ? കടലമാവ് ഉപയോഗിക്കൂ
• ഒരു ഹെയർക്ലിപ്പിന്റെ വില ഇത്രയുമോ? ഷാരൂഖിന്റെ മകളല്ലേയെന്ന് ആരാധകർ
• മുടി തിളക്കമുള്ളതാക്കാം, വീട്ടിൽ ചെയ്യാവുന്ന ചില പൊടിക്കൈകൾ
• സ്റ്റണ്ണിങ് ബോൾഡ് ലുക്കെന്ന് ആരാധകർ; ലെമൺ ഗ്രീൻ സാരി ട്രെൻഡിലാക്കി സംയുക്ത മേനോൻ
• ഗോൾഡിൽ ഗ്ലാമറസായി പ്രിയാമണി: ഫിലിം ഫെയർ സ്പെഷ്യൽ ലുക്ക്