മുടിയുടെ കരുത്ത് വർദ്ധിപ്പിക്കാം, ഈ ഹെയർമാസ്ക് ട്രൈ ചെയ്യൂ

ചർമ്മ സംരക്ഷണം പോലെ തന്നെ മഴക്കാലത്ത് ഏറ്റവും അധികം കരുതൽ വേണ്ടത് തലമുടിക്കാണ്. അന്തരീക്ഷത്തിലെ ഈർപ്പം മൂലം അമിതമായ എണ്ണ മയം ഉണ്ടാവുകയും മുടി കൊഴിച്ചിലിലേയ്ക്ക് നയിക്കുകയും ചെയ്യും. ചിലരിൽ ഈർപ്പം  തലയോട്ടി വരണ്ടു പോകുന്നതിനും കാരണമായേക്കാം. ഇതു മൂലം ചൊറിച്ചിലും അസ്വസ്ഥകളും അനുഭവപ്പെടുന്നു.

 ഒരൽപ്പം കരുതൽ കൊടുത്താൽ ഇത്തരം സാഹചര്യങ്ങൾ ഒഴിവാക്കാൻ സാധിക്കും. അതിനുള്ള മികച്ച പരിഹാരമാണ് ഉലുവയും തൈരും ചേർത്തുള്ള ഹെയർമാസ്ക്. ആഴ്ച്ചയിൽ രണ്ടു തവണയെങ്കിലും ഇത് ഉപയോഗിക്കുന്നതിലൂടെ കഠിനമായ മുടി കൊഴിച്ചിൽ തടയാൻ സാധിക്കുമെന്നു മാത്രമല്ല വേരിൽ നിന്നു തന്നെ കരുത്തു പകരുകയും ചെയ്യും.

ചേരുവകൾ

• ഉലുവ
• തൈര് 

തയ്യാറാക്കുന്ന വിധം

• ഒരു കപ്പ് തൈരിൽ രണ്ട് ടേബിൾസ്പൂൺ ഉലുവ ചേർത്ത് തലേദിവസം തന്നെ കുതിർക്കാൻ വെയ്ക്കുക.
• പിറ്റേ ദിവസം അവ നന്നായി അരച്ചെടുക്കുക.
• അരച്ചെടുത്ത മിശ്രിതം തലമുടിയിൽ പുരട്ടുക.
•  നാൽപ്പത്തിയഞ്ച് മിനിറ്റു വരെയെങ്കിലും വിശ്രമിക്കുക.
• ശേഷം കഴുകി കളയുക.

ഗുണങ്ങൾ

• തലമുടി വേരുകൾക്ക് കരുത്തു പകരുന്നതിന് ഉലുവ സഹായിക്കും. ഫോളിക് ആസിഡ്, വിറ്റാമിൻ എ, വിറ്റാമിൻ സി എന്നിങ്ങനെ മുടിയുടെ ആരോഗ്യത്തിന് അവശ്യമായ ധാരാളം പോഷകങ്ങൾ ഇതിൽ അടങ്ങിയിരിക്കുന്നു. 
• തൈര് മുടിയിലെ ഈർപ്പം നഷ്ട്ടപ്പെടാതെ തിളക്കമുള്ളതാക്കി തീർക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ആഴ്ചയിൽ എത്ര തവണ മുടി കഴുകാറുണ്ട്? ഇക്കാര്യങ്ങൾ ശ്രദ്ധിക്കൂ
• Skin Home Remedies: മുഖകാന്തിക്ക് വീട്ടിൽ തന്നെയുണ്ട് പരിഹാരം
• കൈകളിലെ കരുവാളിപ്പ് മാറ്റാൻ ഇതാ ഒരു നുറുങ്ങു വിദ്യ
• മുടി കൊഴിച്ചിൽ തടയാൻ വെളിച്ചെണ്ണ ഹെയർ മാസ്ക്
• മുഖത്തെ രോമം കളയണോ? കടലമാവ് ഉപയോഗിക്കൂ
• ഒരു ഹെയർക്ലിപ്പിന്റെ വില ഇത്രയുമോ? ഷാരൂഖിന്റെ മകളല്ലേയെന്ന് ആരാധകർ
• മുടി തിളക്കമുള്ളതാക്കാം, വീട്ടിൽ ചെയ്യാവുന്ന ചില പൊടിക്കൈകൾ
• സ്റ്റണ്ണിങ് ബോൾഡ് ലുക്കെന്ന് ആരാധകർ; ലെമൺ ഗ്രീൻ സാരി ട്രെൻഡിലാക്കി സംയുക്ത മേനോൻ
• ഗോൾഡിൽ ഗ്ലാമറസായി പ്രിയാമണി: ഫിലിം ഫെയർ സ്പെഷ്യൽ ലുക്ക്