വരണ്ടതും കട്ടികുറഞ്ഞതുമായ മുടിയാണോ? ഈ ഹെയർമാസ്ക് ട്രൈ ചെയ്യൂ

ആഴ്ച്ചയിൽ ഒരു തവണയെങ്കിലും തലമുടിക്ക് ശരിയായ പരിചരണം ലഭ്യമാക്കണം. പ്രത്യേകിച്ച് കട്ടികുറഞ്ഞ വരണ്ട മുടിയുള്ളവർ. പ്രകൃതിദത്തമായ ചില ചേരുവകൾ ചേർത്താൽ ആരോഗ്യമുള്ള തലമുടിക്കുള്ള മികച്ച പ്രതിവിധിയായി മാറും. അതിൽ തന്നെ കറ്റാർ വാഴ, തൈര്, പഴം എന്നിവയൊക്കെ ഏറെക്കാലമായി ചർമ്മ, മുടി സംരക്ഷണത്തിൽ ഉപയോഗത്തിലിരിക്കുന്നവയാണ്. ഇവ ഉപയോഗിച്ചൊരു ഫലപ്രദമായ ഹെയർമാസ്ക് പരിചയപ്പെടാം.

ചേരുവകൾ

• തൈര്
• പഴം
• കറ്റാർവാഴ ജെൽ
• വിറ്റാമിൻ ഇ

തയ്യാറാക്കുന്ന വിധം

• നന്നായി പഴുത്ത രണ്ട് വാഴപ്പഴം ചെറുതായി അരിഞ്ഞതിലേയ്ക്ക് ഒരു ബൗൾ തൈര് ചേർക്കുക.
• ഇതിലേയ്ക്ക് ഒരു ടേബിൾസ്പൂൺ കറ്റാർവാഴ ജെല്ലും, രണ്ടോ മൂന്നോ വിറ്റാമിൻ ഇ ഗുളികയും ചേർത്ത് അരച്ചെടുക്കുക.
• തലമുടി പകുത്ത് ഈ മിശ്രിതം പുരട്ടുക.
• പത്ത് മിനിറ്റ് വിശ്രമിക്കുക.
• ശേഷം ഷാമ്പൂ ഉപയോഗിച്ച് കഴുകി കളയുക.
• കണ്ടീഷ്ണർ ഉപയോഗിക്കാൻ മറക്കരുത്. 

ഗുണങ്ങൾ

• വാഴപ്പഴം താരൻ അകറ്റാൻ മികച്ചതാണ്. കൂടാതെ തലയോട്ടി മോയിശ്ചറൈസ് ചെയ്യാനും ഇത് സഹായിക്കുന്നു.
• തലമുടിയുടെ ഇലാസ്തികത  മെച്ചപ്പെടുത്താൻ പഴം സഹായിക്കുന്നു.
• തൈരിൽ ധാരാളം പ്രോട്ടീൻ അടങ്ങിയിട്ടുണ്ട്.
• തൈര് തലമുടിയുടെ നശിച്ച ഫോളിക്കിളുകളെ പുനരുജ്ജീവിക്കുന്നു. 
• കറ്റാർ വാഴ ജെല്ലിന് ആൻ്റി ബാക്ടീരിയൽ, ആൻ്റി മൈക്രോബിയൽ സവിശേഷതളുണ്ട്.
• താരനകറ്റാനും മുടിയിലെ സ്വഭാവിക ഈർപ്പം നിലനിർത്താനും ഇത് സഹായിക്കുന്നു.
• തലയോട്ടിയിലെ മൃതകോശങ്ങളെ പുനരുജ്ജീവിപ്പിക്കാൻ സഹായിക്കുന്ന എൻസൈമുകൾ കറ്റാർവാഴ ജെല്ലിൽ അടങ്ങിയിട്ടുണ്ട്.
• വിറ്റാമിൻ ഇ തലയോട്ടിയിലെ എണ്ണയുടെ ഉത്പാദനം സന്തുലിതമാക്കുന്നു. കൂടാതെ പ്രകൃതിദത്തമായ തിളക്കം നിലനിർത്തുന്നു. 

Read More

• നിങ്ങളുടെ ഈ ശീലം മുഖക്കുരുവിന് കാരണമായേക്കാം?
• അഴകാർന്ന തലമുടിക്ക് ഒലിവ് എണ്ണ എങ്ങനെ ഗുണം ചെയ്യും?
• മുഖ സൗന്ദര്യം കൂട്ടണോ? കഞ്ഞി വെള്ളം ട്രൈ ചെയ്യൂ
• സൗന്ദര്യത്തിനു പിന്നിലെ പ്രധാന ചേരുവ വെളിപ്പെടുത്തി കൃതി സനോൻ
• കഴുത്തിനു ചുറ്റുമുള്ള കറുപ്പ് നിറം അകറ്റാൻ ഒരു പൊടിക്കൈ
• ചർമ്മ സംരക്ഷണത്തിന് പിങ്ക് ഹിമാലൻ സോൾട്ട്? ഇക്കാര്യങ്ങൾ അറിഞ്ഞിരിക്കൂ
• കണ്ണിനു ചുറ്റുമുള്ള കറുപ്പകറ്റാം, ഇക്കാര്യങ്ങൾ ശ്രദ്ധിച്ചോളൂ
• മുടി കൊഴിച്ചിലാണോ പ്രശ്നം? ഈ ഹെയർ മാസ്ക് ട്രൈ ചെയ്തു നോക്കൂ
• ഹെയർ പെർഫ്യൂമുകൾ മുടിക്ക് നല്ലതോ? ബദൽ മാർഗങ്ങൾ ഇതാ