മാവ് കൈകൊണ്ട് കുഴച്ചെടുക്കേണ്ട, ഇടിയപ്പം സോഫ്റ്റായി തയ്യാറാക്കാം ഇങ്ങനെ

ഇടിയപ്പവും മുട്ടക്കറിയും മലയാളികൾക്ക് ഏറെ പ്രിയമാണ്. എന്നാൽ മുട്ടക്കറിയ്ക്ക് ഒപ്പം മാത്രമല്ല, കടലക്കറി, ചിക്കൻ കറി, വെജിറ്റബിൾ കുറുമ എന്നിവയ്ക്ക് ഒപ്പവും ചേർന്നുപോവുന്ന ബ്രേക്ക്ഫാസ്റ്റ് വിഭവമാണ് ഇടിയപ്പം. പ്രഭാത ഭക്ഷണമായി പലരും വീടുകളിൽ ഇടിയപ്പം തയ്യാറാക്കാറുണ്ട്. അരിപ്പൊടി ഉപയോഗിച്ചാണ് പൊതുവേ ഇടിയപ്പം തയ്യാറാക്കാറുള്ളത്. അരിപ്പൊടി കൈ ഉപയോഗിച്ച് കുഴച്ചെടുത്ത് ഇനി സമയം കളയേണ്ട. ദീപ തൻ്റെ യൂട്യൂബ് ചാനലിലൂടെ അതിനൊരു നുറുങ്ങു വിദ്യ പരിചയപ്പെടുത്തുന്നുണ്ട്. 

ചേരുവകൾ

• അരിപ്പൊടി
• വെള്ളം 
• വെളിച്ചെണ്ണ
• ഉപ്പ്

തയ്യാറാക്കുന്ന വിധം

• ഒരു സോസ് പാനിലേയ്ക്ക് അരിപ്പൊടിയെടുക്കാം. പൊടിയുടെ പകുതി അളവിൽ തിളപ്പിച്ചാറിയ വെള്ളം ഒഴിച്ചിളക്കാം.
• ശേഷം കുറച്ച് വെളിച്ചെണ്ണയും ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• കട്ടകളൊന്നും ഇല്ലാതെ യോജിപ്പിച്ചെടുക്കാം.
• ഇത് അടുപ്പിലേയ്ക്കു മാറ്റി കുറഞ്ഞ തീയിൽ ഇളക്കി കുറുക്കിയെടുക്കാം.
• പാനിൽ നിന്ന് വിട്ടുപോരുന്ന അവസ്ഥയിൽ അടുപ്പണച്ച് തണുക്കാൻ വയ്ക്കാം.
• തണുത്തതിനു ശേഷം കുറച്ച വെളിച്ചെണ്ണ ഒഴിച്ചിളക്കി യോജിപ്പിക്കാം.
• മാവ് ചെറിയ ഉരുളകളാക്കി സേവനാഴിയിലെടുക്കാം. ഇത് ഇഡ്ഡലി തട്ടിലേയ്ക്കു വച്ച് ആവിയിൽ വേവിക്കാം. 

Read More:

• പച്ചക്കറികൾ തീർന്നു പോയോ? എങ്കിൽ ഉച്ചയൂണിന് ഈ നോർത്തിന്ത്യൻ റെസിപ്പി ട്രൈ ചെയ്യൂ
• ഒരു കപ്പ് ചെറുപയർ മതി, ഊർജ്ജവും ഉന്മേഷവും നേടാൻ ഒരു ഹെൽത്തി ഡ്രിങ്ക് തയ്യാറാക്കാം
• സൗത്തിന്ത്യൻ ബിരിയാണി മാത്രമല്ല ഈ ബണ്ണും സ്പെഷ്യലാണ്, കഴിച്ചു നോക്കൂ
• ചപ്പാത്തിയോ പാലപ്പമോ ഏതുമാകട്ടെ, ഇനി ഒരു തവണ​ ഈ ഗ്രീൻ ബീൻസ് കറി ട്രൈ ചെയ്തു നോക്കൂ
• തലശ്ശേരി മൊഞ്ചുള്ള മുട്ടസുർക്കയുടെ ചേരുവകൾ ഇവയാണ്
• ഇങ്ങനേം ബീഫ് റോസ്റ്റ് തയ്യാറാക്കാം, 4 ചേരുവകൾ മതി
• പച്ചരി വേണ്ട, ഇനി അപ്പം ചുട്ടെടുക്കാം അഞ്ച് മിനിറ്റിൽ
• വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ
• ഇത് ആരോഗ്യകരവും ഒപ്പം സ്വാദിഷ്ടവുമാണ്; ബ്രേക്ക്ഫാസ്റ്റ് റെസിപ്പി പങ്കുവച്ച് ശ്രുതി ഹാസൻ
• പുഡ്ഡിംഗുമല്ല പായസവുമല്ല, ഒരു മുറി ബീറ്റ്റൂട്ട് കൊണ്ട് കിടിലൻ ഡെസേർട്ട് തയ്യാറാക്കാം
• ഉരുളക്കിഴങ്ങും തൈരും മതി, 5 മിനിറ്റിൽ എളുപ്പത്തിൽ തയ്യാറാക്കാം ഈ നേപ്പാൾ സ്പെഷ്യൽ കറി