പുഡ്ഡിംഗുമല്ല പായസവുമല്ല, ഒരു മുറി ബീറ്റ്റൂട്ട് കൊണ്ട് കിടിലൻ ഡെസേർട്ട് തയ്യാറാക്കാം

ഒരു മുറി ബീറ്റ്റൂട്ട് കൈയ്യിലുണ്ടെങ്കിൽ എന്തൊക്കെ ചെയ്യാൻ സാധിക്കും? ഉച്ചയൂണിന് കറി തയ്യാറാക്കാൻ മാത്രമല് അതു കൊണ്ട് വ്യത്യസ്തമായ പലഹാരങ്ങളം ഡെസേർട്ടും റെഡിയാക്കാം. 

ബീറ്റ്റൂട്ട് അരച്ചെടുത്തു വച്ചാൽ നാവിൽ കൊതിയൂറുന്ന ഡെസേർട്ട് 5 മിനിറ്റിൽ റെഡിയാക്കാം. ജെലാറ്റിനോ പ്രത്യേകം ക്രീമോ ഇതിന് ആവശ്യമില്ല. ഹെന്ന തൻ്റെ ഇൻസ്റ്റഗ്രാം പേജിലൂടെയാണ് ഈ ബീറ്റ്റൂട്ട് ഡെസേർട്ട് റെസിപ്പി പരിചയപ്പെടുത്തി തരുന്നത്. 

ചേരുവകൾ

• പാൽ
• നെയ്യ്
• ബീറ്റ്റൂട്ട്
• പഞ്ചസാര
• കണ്ടൻസ്ട് മിൽക്ക്
• ഏലയ്ക്കപ്പൊടി
• റവ
• പാൽപ്പൊടി
• കോൺഫ്ലോർ
• നട്സ്

View this post on Instagram

A post shared by Henna Sagar (@_food_dine_cook_)

തയ്യാറാക്കുന്ന വിധം

• ബീറ്റ്റൂട്ട് തൊലി കളഞ്ഞ് ചെറിയ കഷ്ണങ്ങളാക്കാം.
• അതിലേയ്ക്ക് പാൽ ഒഴിച്ച് നന്നായി അരച്ചെടുക്കാം.
• ഒരു പാൻ അടുപ്പിൽ വച്ച് ചൂടാകുമ്പോൾ നെയ്യ് ചേർക്കാം. ഇതിലേയ്ക്ക് ബീറ്റ്റൂട്ട് അരച്ചത് ഒഴിക്കാം.
• ആവശ്യത്തിന് പഞ്ചസാരയും ഏലയ്ക്ക പൊടിച്ചതും, കണ്ടൻസ്ട് മിൽക്കും, റവയും ചേർത്തിളക്കി യോജിപ്പിക്കാം. ഇത് നന്നായി ഇളക്കി കുറുക്കിയെടുക്കാം.
• ശേഷം അടുപ്പണച്ച് തണുക്കാൻ മാറ്റി വയ്ക്കാം. ഇത് ചെറുചൂടോടെ ചെറിയ ഉരുളകളാക്കിയെടുക്കാം.  ഇതേ സമയം മറ്റൊരു പാനിൽ പാലൊഴിച്ച് തിളപ്പിക്കാം.
• ഇതിലേയ്ക്ക് ആവശ്യത്തിന് പഞ്ചസാരയും മിൽക്ക് മെയ്ഡും ചേർക്കാം.
• പാൽ തിളച്ചു കഴിയുമ്പോൾ അടുപ്പണയ്ക്കാം. ഇതിലേയ്ക്ക് ഉരുളകൾ ചേർക്കാം. ഇത് ആവശ്യാനുസരണം വിളമ്പി കഴിച്ചു നോക്കൂ.

Read More:

• ഉരുളക്കിഴങ്ങും തൈരും മതി, 5 മിനിറ്റിൽ എളുപ്പത്തിൽ തയ്യാറാക്കാം ഈ നേപ്പാൾ സ്പെഷ്യൽ കറി
• വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ
• മീൻ കിട്ടിയില്ലെങ്കിലും കുഴപ്പമില്ല, ഇനി അതേ രുചിയിൽ ഒരു കിടിലൻ വെജ് ഫ്രൈ കഴിക്കാം
• മാവ് അരച്ചെടുക്കാതെ അര മണിക്കൂറിൽ അപ്പം റെഡി, ഇതാ ഒരു നുറുങ്ങു വിദ്യ
• ഇനി അരിയും ഉഴുന്നും ഉപയോഗിക്കാതെ മാവ് ഇങ്ങനെ അരയ്ക്കൂ, ദോശ ക്രിസ്പിയായി ചുട്ടെടുക്കാം
• ഓംലെറ്റ് ഇത്ര രുചികരമായി കഴിച്ചിട്ടുണ്ടാകില്ല, തക്കാളി കൂടി ചേർത്ത് ഇങ്ങനെ വേവിച്ചെടുക്കൂ
• ഹോട്ടൽ സ്റ്റൈലിൽ വീട്ടിലൊരുക്കാം ഗോപി മഞ്ചൂരിയൻ, ഈ മസാലകൾ ഉപയോഗിച്ചു നോക്കൂ
• ഈ പുഡ്ഡിംഗ് കുറച്ച് സിംപിളാണെങ്കിലും കിടിലൻ രുചിയാണ്
• ചേരുവകൾ രണ്ടെണ്ണം, ഈ പലഹാരം തയ്യാറാക്കാനും രണ്ട് മിനിറ്റ് മതി