ഇനി അരിയും ഉഴുന്നും ഉപയോഗിക്കാതെ മാവ് ഇങ്ങനെ അരയ്ക്കൂ, ദോശ ക്രിസ്പിയായി ചുട്ടെടുക്കാം

ബ്രേക്ക്ഫാസ്റ്റ് വളരെ പ്രധാനമാണ്. ഒരു ദിവസത്തേയ്ക്കു വേണ്ട ഊർജ്ജവും ഉന്മേഷവുമാണ് അത് പ്രദാനം ചെയ്യുന്നത്. മലയാളിക്ക് ബ്രേക്ക്ഫാസ്റ്റ് എന്നാൽ ദോശയും ഇഡ്ഡലിയും വിട്ടൊരു കളിയില്ല. അവ ആരോഗ്യത്തിന് ഏറെ ഗുണപ്രദമാണ്. തലേദിവസം തന്നെ മാവ് അരച്ച് അത് പുളിപ്പിച്ചെടുത്താണ് സാധാരണ ദോശ ചുട്ടെടുക്കാറുള്ളത്. എന്നാൽ ഇതൊന്നുമില്ലാതെ പോഷകസമ്പന്നമായ ഒരു ബ്രേക്ക്ഫാസ്റ്റ് ദോശയൊരുക്കാം. ഒരു കപ്പ് ചെറുപയർ കുതിർത്തെടുത്താൽ മതിയാകും. പ്രോട്ടീൻ സമ്പന്നമായ ചെറുപയർ ദഹനാരോഗ്യവും പ്രതിരോധ ശേഷിയും വർധിക്കും. ഈ ദോശ റെസിപ്പി ട്രൈ ചെയ്തു നോക്കൂ. ബിൻസി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ചെറുപയർ 
• പച്ചമുളക്
• ഇഞ്ചി
• വെളുത്തുള്ളി
• മല്ലിയില അല്ലെങ്കിൽ പച്ചചീര
• ഉപ്പ്

View this post on Instagram

A post shared by bincyskitchen (@bincyskitchen)

തയ്യാറാക്കുന്ന വിധം

തലേദിവസം വെള്ളത്തിൽ കുതിർത്തു വെച്ച ചെറുപയറിലേയ്ക്ക്, മൂന്ന് പച്ചമുളക്, രണ്ടല്ലി വെളുത്തുള്ളി, ചെറിയ ഒരു കഷ്ണം ഇഞ്ചി, ഒരു ടീസ്പൂൺ ചെറിയ ജീരകം, അൽപ്പം മല്ലിയിലയോ പച്ചചീരയോ, അൽപ്പം വെള്ളം എന്നിവയും ചേർത്ത് അരച്ചെടുക്കുക. ആവശ്യത്തിന് ഉപ്പ് ചേർത്തിളക്കുക. ഒരു പാൻ അടുപ്പിൽ വെച്ച് ആവശ്യത്തിനു മാവ് ഒഴിച്ച് ഹെൽത്തി ദോശ ചുട്ടെടുക്കാം.

Read More:

• ഓംലെറ്റ് ഇത്ര രുചികരമായി കഴിച്ചിട്ടുണ്ടാകില്ല, തക്കാളി കൂടി ചേർത്ത് ഇങ്ങനെ വേവിച്ചെടുക്കൂ
• ഹോട്ടൽ സ്റ്റൈലിൽ വീട്ടിലൊരുക്കാം ഗോപി മഞ്ചൂരിയൻ, ഈ മസാലകൾ ഉപയോഗിച്ചു നോക്കൂ
• ഈ പുഡ്ഡിംഗ് കുറച്ച് സിംപിളാണെങ്കിലും കിടിലൻ രുചിയാണ്
• ചേരുവകൾ രണ്ടെണ്ണം, ഈ പലഹാരം തയ്യാറാക്കാനും രണ്ട് മിനിറ്റ് മതി
• മാവ് അരച്ച് പുളിപ്പിക്കേണ്ട, പൂപോലെ സോഫ്റ്റ് ദോശ തയ്യാറാക്കാൻ അരിപ്പൊടിയിലേയ്ക്ക് ഇതു കൂടി ചേർക്കൂ
• ഗോതമ്പ് പൊടി ഉണ്ടോ? എങ്കിൽ ബേക്കറിയിൽ കിട്ടുന്ന മടക്ക് ഇനി വീട്ടിൽ തയ്യാറാക്കാം 5 മിനിറ്റിൽ
• ചീര മാത്രമല്ല ഈ ഇലയും തോരൻ തയ്യാറാക്കാൻ ബെസ്റ്റാണ്, ഇനി ഉച്ചയൂണ് പോഷകസമ്പുഷ്ടമാകും
• അരിപ്പൊടി മാത്രം പോര, പൂപോലുള്ള പുട്ടിന് ഇതു കൂടി ചേർക്കൂ
• മുട്ട വേണ്ട ബേക്ക് ചെയ്തെടുക്കേണ്ട, ഒരു മാമ്പഴം കിട്ടിയാൽ ഇനി ഉണ്ണിയപ്പ ചട്ടിയിലും കേക്ക് തയ്യാറാക്കാം