ഈ പുഡ്ഡിംഗ് കുറച്ച് സിംപിളാണെങ്കിലും കിടിലൻ രുചിയാണ്

മധുര വിഭവങ്ങൾ ഇഷ്ടമല്ലാത്തവരുണ്ടോ? കുട്ടികളുടെ കാര്യം പ്രത്യേകം പറയേണ്ടതില്ല. സ്കൂൾ വിട്ടെത്തുന്ന കുട്ടികൾക്കു വേണ്ടി എന്തെങ്കിലും സ്പെഷ്യൽ ഉണ്ടാക്കാൻ ആഗ്രഹം ഉണ്ടോ? എങ്കിൽ ഒരു പുഡ്ഡിംഗ് തന്നെ ട്രൈ ചെയ്തോളൂ. അവർക്കേറ്റവും പ്രിയപ്പെട്ട കാരമലിൻ്റെ രുചിയിൽ അത് തയ്യാറാക്കാം. അതിന് ഒരുപാട് ചേരുവകളൊന്നും വേണ്ട. രണ്ട് ബ്രെഡും അൽപം പാലും മാറ്റി വച്ചാൽ മതി. പഞ്ചസാര ഉപയോഗിച്ച് കാരമൽ തയ്യാറാക്കാം. ഷെഫ്ന തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.  

ചേരുവകൾ

• പാൽ- 1 കപ്പ്
• കറുവാപ്പട്ട- 
• ഏലയ്ക്ക
• പഞ്ചസാര- 1 ടേബിൾസ്പൂൺ
• ബ്രെഡ്- 2
• പഞ്ചസാര- 1 ടേബിൾസ്പൂൺ

View this post on Instagram

A post shared by Shefna Hashim (@shefnahashim)

തയ്യാറാക്കുന്ന വിധം

• ഒരു പാൻ അടുപ്പിൽ വച്ച് ഒരു കപ്പ് പാൽ ഒഴിക്കാം.
• അതിലേയ്ക്ക് ഒരു ചെറിയ കഷ്ണം കറുവാപ്പട്ടയും ഏലയ്ക്ക പൊടിച്ചതും, അൽപം പഞ്ചസാരയും ചേർത്ത് കുറുക്കിയെടുക്കാം.
• അര കപ്പായി പാൽ കുറുകി വരുമ്പോൾ അടുപ്പണച്ച് തണുക്കാൻ മാറ്റി വയ്ക്കാം.
• പാൽ തണുത്ത് കഴിയുമ്പോൾ അരിച്ചെടുക്കാം. അരികുകൾ മുറിച്ച ബ്രെഡ് ഒരു പാത്രത്തിൽ വച്ച് മുകളിൽ പാൽ ഒഴിക്കാം.
• മറ്റൊരു പാൻ അടുപ്പിൽ വച്ച് അൽപം വെള്ളം ഒഴിച്ച് അതിലേയ്ക്ക് ചെറിയ സ്പൂൺ പഞ്ചസാര ചേർത്ത് അലിയിക്കാം.
• വെള്ളം വറ്റി പഞ്ചസാര അലിഞ്ഞു കഴിയുമ്പോൾ അതിലേയ്ക്ക് ബ്രെഡ് വയ്ക്കാം.
• ഇരുവശവും പഞ്ചസാര ലായനിയിൽ കുതിർത്തെടുക്കാം. ഇതൊരു പ്ലേറ്റിലേയ്ക്കു മാറ്റി മുകളിൽ വാനില ഐസ്ക്രീം വച്ച് കഴിച്ചു നോക്കൂ. 

Read More:

• ചേരുവകൾ രണ്ടെണ്ണം, ഈ പലഹാരം തയ്യാറാക്കാനും രണ്ട് മിനിറ്റ് മതി
• മാവ് അരച്ച് പുളിപ്പിക്കേണ്ട, പൂപോലെ സോഫ്റ്റ് ദോശ തയ്യാറാക്കാൻ അരിപ്പൊടിയിലേയ്ക്ക് ഇതു കൂടി ചേർക്കൂ
• ഗോതമ്പ് പൊടി ഉണ്ടോ? എങ്കിൽ ബേക്കറിയിൽ കിട്ടുന്ന മടക്ക് ഇനി വീട്ടിൽ തയ്യാറാക്കാം 5 മിനിറ്റിൽ
• ചീര മാത്രമല്ല ഈ ഇലയും തോരൻ തയ്യാറാക്കാൻ ബെസ്റ്റാണ്, ഇനി ഉച്ചയൂണ് പോഷകസമ്പുഷ്ടമാകും
• അരിപ്പൊടി മാത്രം പോര, പൂപോലുള്ള പുട്ടിന് ഇതു കൂടി ചേർക്കൂ
• മുട്ട വേണ്ട ബേക്ക് ചെയ്തെടുക്കേണ്ട, ഒരു മാമ്പഴം കിട്ടിയാൽ ഇനി ഉണ്ണിയപ്പ ചട്ടിയിലും കേക്ക് തയ്യാറാക്കാം
• പഞ്ഞി പോലെ സോഫ്റ്റ് റുമാലി റൊട്ടി ഇനി വീട്ടിൽ ചുട്ടെടുക്കാം
• രണ്ട് മിനിറ്റിൽ സ്നാക് റെഡി, മുട്ടയും ബ്രെഡും കൈയ്യിലുണ്ടോ?