മൈദയോ ഗോതമ്പ് പൊടിയോ വേണ്ട, ഒരു കപ്പ് റവയിൽ സിംപിളായി ബ്രേക്ക്ഫാസ്റ്റ് റെഡിയാക്കാം

ഏറ്റവും പ്രധാനപ്പെട്ടതും എന്നാൽ തിരക്കുമൂലം പലപ്പോഴും ഒഴിവാക്കപ്പടുന്നതുമായ ഒന്നാണ് പ്രഭാത ഭക്ഷണം. സ്ഥിരമായി ഒരേ ഭക്ഷണം തന്നെ കഴിക്കേണ്ടി വരുന്നതും ഇത്തരം ഒഴിവാക്കലുകൾക്ക് കാരണമായേക്കാം. അങ്ങനെയെങ്കിൽ ഇനി രുചികരവും വ്യത്യസ്തവുമായ ഭക്ഷണങ്ങൾ പരീക്ഷിക്കൂ, അതിന് സിംപിളായ റെസിപ്പികളാണ് നിങ്ങൾ അന്വേഷിക്കുന്നതെങ്കിൽ ഇത് ട്രൈ ചെയ്യൂ. 

കുറച്ച് റവ ഉണ്ടെങ്കിൽ മാവ് അരച്ച് പുളിപ്പിക്കാതെ, പ്രത്യേകം കറി തയ്യാറാക്കാതെ അടിപൊളി ബ്രേക്ക്ഫാസ്റ്റ് പാകം ചെയ്തെടുക്കാം. മജീദ തൻ്റെ ഇൻസ്റ്റഗ്രാം പേജിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്.  

ചേരുവകൾ

• റവ- 1 കപ്പ്
• അരിപ്പൊടി- 2 ടേബിൾസ്പൂൺ
• തൈര്- 2 ടേബിൾസ്പൂൺ
• പച്ചമുളക്- 2
• സവാള- 1/2 
• ഉപ്പ്- ആവശ്യത്തിന്
• ബേക്കിങ് സോഡ- ഒരു നുള്ള്
• ഇഞ്ചി- ചെറിയ കഷ്ണം

View this post on Instagram

A post shared by Pepper hut (@pepper_huut)

തയ്യാറാക്കുന്ന വിധം

• ഒരു കപ്പ് റവ വറുത്തെടുക്കാം.
• ചൂടാറിയതിനു ശേഷം രണ്ട് ടേബിൾസ്പൂൺ അരിപ്പൊടി, രണ്ട് ടേബിൾസ്പൂൺ തൈര്, രണ്ട് പച്ചമുളക്, ചെറിയ കഷ്ണം സവാള അരിഞ്ഞത്, ചെറിയ കഷ്ണം ഇഞ്ചി എന്നിവ ചേർത്ത് അരച്ചെടുക്കാം.
• അതിലേയ്ക്ക് ഒരു നുള്ള് ബേക്കിങ് സോഡ ചേർത്തിളക്കി യോജിപ്പിക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം.
• അരച്ചെടുത്ത മാവിൽ നിന്നും അൽപ്പം ചൂടായ എണ്ണയിലേയ്ക്ക് ഒഴിച്ച് വറുത്തെടുക്കാം.

Read More:

• രാവിലത്തെ ഇഡ്ഡലി വൈകിട്ടത്തെ സ്പെഷ്യൽ വിഭവമാക്കാം, ഇതാ ഒരു ഉഗ്രൻ വിദ്യ
• ഒരു കപ്പ് വേവിച്ച ചോറ് കൊണ്ട് ചൂടൻ കലത്തപ്പം 5 മിനിറ്റിൽ തയ്യാറാക്കാം
• അരിക്കും ഉഴുന്നിനും ഒപ്പം ഇത് കൂടി ചേർത്ത് മാവ് അരച്ചെടുക്കൂ, രുചികരവും ഹെൽത്തിയുമായ ദോശ ചുട്ടെടുക്കാം
• ഉഴുന്ന് ചേർത്ത് അരയ്‌‌‌‌‌‌‌‌‌‌‌‌‌‌‌ക്കേണ്ട, ആഴ്ചകളോളം ഉപയോഗിക്കാം ഈ ദോശ മാവ്
• ആവി പറക്കുന്ന എല്ലും കപ്പയും 10 മിനിറ്റിൽ വേവിച്ചെടുക്കാം, ഈ മസാലക്കൂട്ട് ഉപയോഗിക്കൂ
• ഒരു കപ്പ് കടലമാവ് ഉണ്ടെങ്കിൽ മുട്ടയില്ലാതെ ബ്രെഡ് ഓംലെറ്റ് തയ്യാറാക്കാം
• ഗോതമ്പ് പൊടിയും മുട്ടയും കൈയ്യിലുണ്ടോ, 5 മിനിറ്റിൽ ബ്രേക്ക്ഫാസ്റ്റ് റെഡിയാക്കാം
• ദോശ മാവ് പുളിക്കുന്നില്ലേ? എങ്കിൽ ഇങ്ങനെ ചെയ്തു സൂക്ഷിക്കൂ
• ചോറ് ബാക്കിയുണ്ടോ? എങ്കിൽ അരി പൊടിച്ചെടുക്കാതെ തന്നെ സോഫ്റ്റ് അപ്പം തയ്യാറാക്കാം
• രുചികരമായ ജാം ഇനി വീട്ടിൽ തയ്യാറാക്കാം, ഒരു ബീറ്റ്റൂട്ട് കൈയ്യിലുണ്ടെങ്കിൽ
• ഇഡ്ഡലി മാവ് ബാക്കിയുണ്ടോ? എങ്കിൽ ഇങ്ങനെ ചെയ്തു നോക്കൂ