ആവി പറക്കുന്ന എല്ലും കപ്പയും 10 മിനിറ്റിൽ വേവിച്ചെടുക്കാം, ഈ മസാലക്കൂട്ട് ഉപയോഗിക്കൂ

കപ്പ മലയാളികൾക്ക് അന്യമല്ല?. വ്യത്യസ്ത കോമ്പിനേഷനുകളോടു കൂടി ഇന്നും കേരളീയ വിഭവങ്ങളിൽ കപ്പ മുൻപന്തിയിൽ തന്നെയുണ്ട്. അതിൽ തന്നെ പഴയകാല ക്രിസ്ത്യൻ കല്ല്യാണ വീടുകളിലെ ഒരു സ്ഥിരം വിഭവമായിരുന്നു എല്ലും കപ്പയും. നന്നായി വരട്ടിയെടുത്ത കപ്പയോടൊപ്പം എല്ലോടു കൂടിയ ബീഫും കൂടി ചേർത്തെടുക്കുന്നതാണ് വിഭവം. ബീഫിൻ്റെ കൊഴുപ്പും മസാല കൂട്ടുകളും വേവിച്ച കപ്പിയിലേക്ക് ചേരുമ്പോൾ കണ്ടു നിൽക്കുന്നവർ വരെ കൊതിച്ചു പോകും. ബിൻസി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ബീഫ്
• ഇഞ്ചി
• വെളുത്തുള്ളി
• ചുവന്നുള്ളി
• കുരുമുളക്
• മഞ്ഞൾപ്പൊടി
• ഗരംമസാല
• ഉപ്പ്
• കപ്പ 
• വെളിച്ചെണ്ണ
• പെരുംജീരകം
• സവാള
• പച്ചമുളക്
• കറിവേപ്പില
• മുളകുപൊടി
• മല്ലിപ്പൊടി

View this post on Instagram

A post shared by bincyskitchen (@bincyskitchen)

തയ്യാറാക്കുന്ന വിധം

• എല്ലോടു കൂടി ബീഫ് ഒരു കിലോ വൃത്തിയായി കഴുകിയെടുക്കാം.
• അതിലേക്ക് മഞ്ഞൾപ്പൊടി, ഗരംമസാല, ഇഞ്ചി വെളുത്തുള്ളി ചുവന്നുള്ളി കുരുമുളക് എന്നിവ ചതച്ചതും, ആവശ്യത്തിന് ഉപ്പും ചേർത്ത് അൽപ സമയം മാറ്റി വയ്ക്കാം.
  ശേഷം അടുപ്പിൽ വച്ച് വേവിക്കാം.
• അതേ സമയം കപ്പ വൃത്തിയായി കഴുകി ചെറിയ കഷ്ണങ്ങളാക്കിയതിലേക്ക് കുറച്ച് മഞ്ഞൾപ്പൊടിയും, ഉപ്പും, ചേർത്ത് വെള്ളം ഒഴിച്ചു വേവിക്കാൻ വയ്ക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് എണ്ണ ഒഴിച്ചു ചൂടാക്കി പെരുംജീരകം ചേർത്തു വറുക്കാം.
• അതിലേക്ക് പച്ചമുളക്, ചുവന്നുള്ളിയും, സവാളയും ചെറുതായി അരിഞ്ഞതു ചേർത്തു വഴറ്റാം.  
• ഒരുപിടി കറിവേപ്പില, ആവശ്യത്തിന് ഉപ്പ്, എരിവിനനുസരിച്ച് മുളകുപൊടി, ഗരംമസാല, മഞ്ഞൾപ്പൊടി, മല്ലിപ്പൊടി എന്നിവ ചേർത്ത് ഇളക്കി യോജിപ്പിക്കാം.
• മസാലയുടെ പച്ച മണം മാറി വരുമ്പോൾ വേവിച്ച ബീഫ് ചേർത്ത് തിളപ്പിക്കാം.
• വെള്ളം വറ്റി തുടങ്ങുമ്പോൾ പകുതി വെന്ത കപ്പ ചേർത്തിളക്കി യോജിപ്പിക്കാം.
• കപ്പയും ബീഫും നന്നായി വെന്തു കഴിയുമ്പോൾ കുറച്ച് സവാള മുകളിലായി അരിഞ്ഞു ചേർത്ത് അടുപ്പിൽ നിന്നും മാറ്റാം. എല്ലും കപ്പയും തയ്യാറായിരിക്കുന്നു. 

Read More:

• ഒരു കപ്പ് കടലമാവ് ഉണ്ടെങ്കിൽ മുട്ടയില്ലാതെ ബ്രെഡ് ഓംലെറ്റ് തയ്യാറാക്കാം
• ഗോതമ്പ് പൊടിയും മുട്ടയും കൈയ്യിലുണ്ടോ, 5 മിനിറ്റിൽ ബ്രേക്ക്ഫാസ്റ്റ് റെഡിയാക്കാം
• ദോശ മാവ് പുളിക്കുന്നില്ലേ? എങ്കിൽ ഇങ്ങനെ ചെയ്തു സൂക്ഷിക്കൂ
• ചോറ് ബാക്കിയുണ്ടോ? എങ്കിൽ അരി പൊടിച്ചെടുക്കാതെ തന്നെ സോഫ്റ്റ് അപ്പം തയ്യാറാക്കാം
• രുചികരമായ ജാം ഇനി വീട്ടിൽ തയ്യാറാക്കാം, ഒരു ബീറ്റ്റൂട്ട് കൈയ്യിലുണ്ടെങ്കിൽ
• ഇഡ്ഡലി മാവ് ബാക്കിയുണ്ടോ? എങ്കിൽ ഇങ്ങനെ ചെയ്തു നോക്കൂ
• ഒരു കപ്പ് കടല കുതിർത്തെടുത്താൽ അറബിക് സ്റ്റൈലിൽ ഫലാഫൽ തയ്യാറാക്കാം
• ചെറുപഴം ഒരെണ്ണം മതി, കിടിലൻ ഡെസേർട്ട് തയ്യാറാക്കാം 2 മിനിറ്റിൽ
• ചോറുണ്ണാൻ കൊതിക്കും ഈ അച്ചാറിൻ്റെ രുചി അറിഞ്ഞാൽ
• 5 മിനിറ്റിൽ പൊറോട്ട റെഡി, ഇനി തട്ടുകടയിൽ പോയി സമയം കളയേണ്ട
• അരിപ്പൊടിയും ഗോതമ്പ് പൊടിയും നനച്ചെടുക്കേണ്ട, പുട്ട് സോഫ്റ്റും രുചികരവുമാക്കാൻ ഒരു വിദ്യയുണ്ട്
• റവ തികഞ്ഞില്ലെങ്കിൽ ഉപ്പുമാവ് ഇനി ഇങ്ങനെ തയ്യാറാക്കാം