അരിപ്പൊടിയും ഗോതമ്പ് പൊടിയും നനച്ചെടുക്കേണ്ട, പുട്ട് സോഫ്റ്റും രുചികരവുമാക്കാൻ ഒരു വിദ്യയുണ്ട്

ആവിയിൽ വേവിച്ചെടുക്കുന്ന ചൂടൻ പുട്ടിന് ധാരാളം ആരാധകരുണ്ട്.  പുട്ടിൽ തന്നെ വ്യത്യസ്ത പരീക്ഷണങ്ങൾ നടത്താനും മലയാളികൾ മടിക്കാറില്ല. റാഗി, കപ്പ, ഗോതമ്പ്, മീൻ എന്നിങ്ങനെ വ്യത്യസ്ത രുചിക്കൂട്ടുകൾ സമ്മാനിക്കുന്ന പുട്ട് നമ്മുക്കിടയിൽ ഉണ്ട്.

മുളങ്കുറ്റിയിലും, ചിരട്ടയിലും അങ്ങനെ തയ്യാറാക്കുന്ന രീതിയിലും പുട്ടിന് വ്യത്യസ്തതയുണ്ട്. എന്നാൽ ഇതൊന്നുമല്ലാതെ പ്രത്യേകിച്ച് കറിയൊന്നും വേണ്ടാത്ത ഒരു പുട്ട് കൂടിയുണ്ട്. വില്ലേജ് സ്പൈസസ് എന്ന യൂട്യൂബ് ചാനലാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്. 

 Also Read: പുട്ട് ഇനി കൂടുതൽ സോഫ്റ്റാകും ഈ ചേരുവ ഉണ്ടെങ്കിൽ

ചേരുവകൾ

• കടലമാവ്- 1 കപ്പ്
• വെള്ളം
• ഉപ്പ്- ആവശ്യത്തിന്
• വെളിച്ചെണ്ണ- 2 ടീസ്പൂൺ
• കടുക്- ആവശ്യത്തിന്
• ഇഞ്ചി- 1
• പച്ചമുളക്- 1
• തക്കാളി- 1
• സവാള- 1
• മുളകുപൊടി- 1/2 ടീസ്പൂൺ
• മഞ്ഞൾപ്പൊടി- 1/4 ടീസ്പൂൺ
• മല്ലിപ്പൊടി- 3/4 ടീസ്പൂൺ
• പെരുജീരകം- 1/2 ടീസ്പൂൺ
• കുരുമുളകുപൊടി- 1/2 ടീസ്പൂൺ
• മുട്ട- 1
• മല്ലിയില- 1 പിടി
• തേങ്ങ- ആവശ്യത്തിന്

Also Read:തട്ടിക്കൂട്ടാണെങ്കിലും സംഗതി കിടിലനാണ്, ഒരു തക്കാളിയും സവാളയും മതിയാകും

തയ്യാറാക്കുന്ന വിധം

• ഒരു ബൗളിലേയ്ക്ക് ഒരു കപ്പ് കടലമാവെടുക്കാം. അതിലേയ്ക്ക് ആവശ്യത്തിന് ഉപ്പ് ചേർക്കാം.
• ചെറുചൂടുള്ള വെള്ളം ഇതിലേയ്ക്ക് അൽപം വീതം ചേർത്ത് പൊടി നനച്ചെടുക്കാം. നന്നായി നനച്ച പൊടി അടച്ച് മാറ്റി വയ്ക്കാം.
• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. വെളിച്ചെണ്ണ ചൂടാകുമ്പോൾ കുറച്ച് കടുക് ചേർത്തു പൊട്ടിക്കാം.
• ശേഷം ഒരു ഇഞ്ചി, പച്ചമുളക്, തക്കാളി, സവാള എന്നിവ ചെറുതായി അരിഞ്ഞതു ചേർത്തു വഴറ്റാം.
• പച്ചക്കറികൾ വഴന്നു വരുമ്പോൾ അര ടീസ്പൂൺ കാശ്മീരിമുളകുപൊടി, കാൽ ടീസ്പൂൺ മഞ്ഞൾപ്പൊടി, മുക്കാൽ ടീസ്പൂൺ മല്ലിപ്പൊടി, അര ടീസ്പൂൺ പെരുംജീരകപ്പൊടി, അര ടീസ്പൂൺ കുരുമുളകുപൊടി എന്നിവ ചേർത്തിളക്കി യോജിപ്പിക്കാം.
• മസാല പച്ചക്കറിയിൽ പിടിച്ചതിനു ശേഷം പുഴുങ്ങിയ മുട്ട ഗ്രേറ്റ് ചെയ്തു ചേർക്കാം.
• അൽപം മല്ലിയില ചേർത്ത് ഇത് അടുപ്പിൽ നിന്നും മാറ്റാം.
• പുട്ടു കുടത്തിൽ വെള്ളം നിറച്ച് അടുപ്പിൽ വച്ചു തിളപ്പിക്കാം. പുട്ടുകുറ്റിയൽ തേങ്ങ ചേർക്കാം.
• തുടർന്ന് കടലമാവ് നനച്ചു വച്ചതു ചേർക്കാം. ഇങ്ങനെ പല ലെയറുകളിലായി ചേർക്കാം.
• ഏറ്റവും മുകളിൽ തയ്യാറാക്കിയ മസാല വച്ച് അടയ്ക്കാം. ഇത് ആവിയിൽ വേവിച്ചെടുത്ത് ചൂടോടെ കഴിച്ചു നോക്കൂ. 

Read More:

• ബ്രേക്ക്ഫാസ്റ്റിന് ആവി പറക്കുന്ന സോഫ്റ്റ് അവൽ പുട്ട് ആയാലോ?
• റവ തികഞ്ഞില്ലെങ്കിൽ ഉപ്പുമാവ് ഇനി ഇങ്ങനെ തയ്യാറാക്കാം