ഒരു കപ്പ് കടല കുതിർത്തെടുത്താൽ അറബിക് സ്റ്റൈലിൽ ഫലാഫൽ തയ്യാറാക്കാം

മിഡിൽ ഈസ്റ്റിൽ ഏറെ പ്രചാരത്തിലുള്ള ഒരു വെജിറ്റേറിയൻ സ്ട്രീറ്റ് ഫുഡാണ് ഫലാഫൽ. വെള്ളക്കടല ഉപയോഗിച്ചാണ് ഇത് തയ്യാറാക്കുന്നത്. പ്രോട്ടീൻ സമ്പുഷ്ടമായ ഒരു നാലു മണി പലഹാരമാണിത്. വളരെ കുറച്ച് ചേരുവകളിൽ ഫലാഫൽ വീട്ടിൽ തന്നെ പാകം ചെയ്യാം. വെള്ളക്കടല കുതിർത്തെടുത്താണ് ഉപയോഗിക്കേണ്ടത്. 

ചേരുവകൾ

• വെള്ളക്കടല- 1 കപ്പ്
• മൈദ- 1 ടേബിൾസ്പൂൺ
• സവാള- 1
• പച്ചമുളക്- 2
• മല്ലിയില- 1/2 കപ്പ്
• ഇഞ്ചി- 1
• വെളുത്തുള്ളി- 2
• ഉപ്പ്- ആവശ്യത്തിന്
• മുളകുപൊടി- 1/2 ടീസ്പൂൺ
• മല്ലിപ്പൊടി- 1 ടീസ്പൂൺ
• ജീരകപ്പൊടി- 1/2 ടീസ്പൂൺ
• മല്ലി- 3

Also Read:മയോണൈസിന് എതിരാളിയോ? ചക്കുരുമൂസ്, തയ്യാറാക്കാൻ വളരെ എളുപ്പം

തയ്യാറാക്കുന്ന വിധം

• ഒരു കപ്പ് കടല എട്ട് മണിക്കൂറെങ്കിലും വെള്ളത്തിൽ കുതിർത്തു വയ്ക്കാം.
• ശേഷം അതിലേയ്ക്ക് സവാള, പച്ചമുളക്, മല്ലിയില, ഇഞ്ചി, വെളുത്തുള്ളി എന്നിവ ചെറിയ കഷ്ണങ്ങളാക്കി ചേർത്ത് അരയ്ക്കാം.
• പച്ചക്കറികളും കടലയും അരഞ്ഞെന്ന് ഉറപ്പാക്കിയതിനു ശേഷം മുളകുപൊടി, മല്ലിപ്പൊടി, ജീരകപ്പൊടി, ആവശ്യത്തിന് ഉപ്പ് എന്നിവ ചേർക്കാം.
• ഇതിലേയ്ക്ക് അൽപം വെള്ളം കൂടി ഒഴിച്ച് അരച്ചെടുക്കാം.
• വെള്ളം അമിതമാകാതിരിക്കാൻ ശ്രദ്ധിക്കാം. ശേഷം മാവ് ഒരു ബൗളിലേയ്ക്കു മാറ്റാം.
• അടി കട്ടിയുള്ള ഒരു പാത്രം അടുപ്പിൽ വച്ചു ചൂടാക്കാം. അതിലേയ്ക്ക് എണ്ണ ഒഴിച്ചു തിളപ്പിക്കാം.
• എണ്ണ ചൂടായതിനു ശേഷം തീ കുറച്ച് അരച്ചെടുത്ത മാവിൽ നിന്നും കുറച്ചു വീതം പകർന്ന് വറുത്തെടുക്കാം. ഫലഫാൽ തയ്യാറായി, ഇത് ഹമ്മസ്, താഹിനി സോസ് തുടങ്ങിവയോടൊപ്പം കഴിച്ചു നോക്കൂ.

Read More:

• ചെറുപഴം ഒരെണ്ണം മതി, കിടിലൻ ഡെസേർട്ട് തയ്യാറാക്കാം 2 മിനിറ്റിൽ
• ചോറുണ്ണാൻ കൊതിക്കും ഈ അച്ചാറിൻ്റെ രുചി അറിഞ്ഞാൽ
• 5 മിനിറ്റിൽ പൊറോട്ട റെഡി, ഇനി തട്ടുകടയിൽ പോയി സമയം കളയേണ്ട
• അരിപ്പൊടിയും ഗോതമ്പ് പൊടിയും നനച്ചെടുക്കേണ്ട, പുട്ട് സോഫ്റ്റും രുചികരവുമാക്കാൻ ഒരു വിദ്യയുണ്ട്
• റവ തികഞ്ഞില്ലെങ്കിൽ ഉപ്പുമാവ് ഇനി ഇങ്ങനെ തയ്യാറാക്കാം
• അടുക്കളയിൽ ബാക്കി വന്ന കറികൾ കൊണ്ട് രുചികരമായി ബ്രേക്ക്ഫാസ്റ്റ് ഒരുക്കാം
• പഞ്ചസാര ചേർക്കാതെ കോൾഡ് കോഫി ഇങ്ങനെ തയ്യാറാക്കി നോക്കൂ
• കട്ലറ്റ് ക്രിസ്പിയായി വറുക്കാം, ഈ ഒരു ചേരുവ ഉപയോഗിക്കൂ
• തട്ടിക്കൂട്ടാണെങ്കിലും സംഗതി കിടിലനാണ്, ഒരു തക്കാളിയും സവാളയും മതിയാകും
• പുട്ട് ഇനി കൂടുതൽ സോഫ്റ്റാകും ഈ ചേരുവ ഉണ്ടെങ്കിൽ
• നാടൻ ചമ്മന്തിച്ചോറ് കഴിച്ചിട്ടുണ്ടോ? ഇനി ഊണിന് വേറെ കറികളൊന്നും വേണ്ട
• ഡയറ്റിലാണോ? എങ്കിൽ ട്രൈ ചെയ്യൂ ഈ പ്രോട്ടീൻ സാലഡ്