അടുക്കളയിൽ ബാക്കി വന്ന കറികൾ കൊണ്ട് രുചികരമായി ബ്രേക്ക്ഫാസ്റ്റ് ഒരുക്കാം

ഭക്ഷണം പാഴാക്കാൻ അർക്കും താൽപര്യം ഉണ്ടാകില്ല. പെട്ടെന്ന് കേടാകുന്നവയല്ല എങ്കിൽ അത് പുനരുപയോഗിക്കാവുന്നതാണ്. പ്രത്യേകിച്ച് ചിക്കൻ കറിയോ ബീഫോ ആണ് തലേദിവസം ബാക്കി വന്നതെങ്കിൽ  അതുപയോഗിച്ച് രുചികരമായ ബ്രേക്ക്ഫാസ്റ്റ് റെഡിയാക്കാം, സ്നാക്സായും ഇത് മാറ്റിയെടുക്കാം. ചപ്പാത്തിയും മുട്ടയും ബാക്കി വന്ന കറിയും പ്രധാന ചേരുവകളായി ഉപയോഗിക്കാം. ഡോ. രുഷി സിജിൻ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• സവാള
• തക്കാളി 
• മുളകുപൊടി 
• ഉപ്പ്
• കുരുമുളകുപൊടി
• മുട്ട
• വെളിച്ചെണ്ണ
• ചപ്പാത്തി

View this post on Instagram

A post shared by Dr Rushie Sijin (@gardener_bed)

തയ്യാറാക്കുന്ന വിധം

• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം.
• വെളിച്ചെണ്ണ ചൂടായതിലേയ്ക്ക് സവാള കട്ടി കുറച്ച് അരിഞ്ഞതും തക്കാളി കഷ്ണങ്ങളാക്കിയതും ചേർത്തു വഴറ്റാം.
• സവാളയുടെ നിറം മാറി വരുമ്പോൾ ആവശ്യത്തിന് ഉപ്പും, എരിവിനനുസരിച്ച് മുളകുപൊടിയും ബാക്കി വന്ന ബീഫ് കറിയോ, ചിക്കൻ കറിയോ ചേർത്തിളക്കി യോജിപ്പിക്കാം. അടുപ്പണച്ച് മാറ്റി വയ്ക്കാം.
• ദോശ പാൻ അടുപ്പിൽ വച്ചു ചൂടാക്കാം. അതിലേയ്ക്ക് ചപ്പാത്തി വയ്ക്കാം.
• അതിനു മുകളിൽ ഒരു മുട്ട പൊട്ടിച്ചൊഴിച്ച് സ്പൂൺ ഉപയോഗിച്ച് സ്പ്രെഡ് ചെയ്യാം.
• മുട്ട വെന്തു കഴിയുമ്പോൾ മുകളിൽ കുരുമുളകുപൊടി ചേർക്കാം.
• ഇതിനു മുകളിൽ തയ്യാറാക്കിയ കറി സ്പൂൺ ഉപയോഗിച്ച് പുരട്ടാം.
• ശേഷം ചപ്പാത്തിചുരുട്ടിയെടുക്കാം, വശങ്ങൾ വേവിവക്കാം.
• ഇത് പാത്രത്തിലേയ്ക്കു മാറ്റി ചെറിയ കഷ്ണങ്ങളായി മുറിച്ചു കഴിക്കാം. 

Read More:

• പഞ്ചസാര ചേർക്കാതെ കോൾഡ് കോഫി ഇങ്ങനെ തയ്യാറാക്കി നോക്കൂ
• കട്ലറ്റ് ക്രിസ്പിയായി വറുക്കാം, ഈ ഒരു ചേരുവ ഉപയോഗിക്കൂ
• തട്ടിക്കൂട്ടാണെങ്കിലും സംഗതി കിടിലനാണ്, ഒരു തക്കാളിയും സവാളയും മതിയാകും
• പുട്ട് ഇനി കൂടുതൽ സോഫ്റ്റാകും ഈ ചേരുവ ഉണ്ടെങ്കിൽ
• നാടൻ ചമ്മന്തിച്ചോറ് കഴിച്ചിട്ടുണ്ടോ? ഇനി ഊണിന് വേറെ കറികളൊന്നും വേണ്ട
• ഡയറ്റിലാണോ? എങ്കിൽ ട്രൈ ചെയ്യൂ ഈ പ്രോട്ടീൻ സാലഡ്
• ഇപ്പോൾ നിങ്ങളുടെ മുന്നിലിരിക്കുന്നതാണ് സ്വാദിഷ്ടമായ ചിക്കൻ റോസ്റ്റ്, ലാലേട്ടൻ്റെ റെസിപ്പി ട്രൈ ചെയ്യൂ
• ഒരു ബൗൾ വേവിച്ച ചോറ് മാറ്റി വച്ചോളൂ, നീന ഗുപ്തയുടെ സ്പെഷ്യൽ ടിക്കി തയ്യാറാക്കാം
• ഹൽവ പൂപോലെ സോഫ്റ്റാകും ഈ ഒരു ചേരുവ മതി
• പാവയ്ക്ക കറി കയ്പില്ലാതെ കഴിക്കാം, ഇവ ചേർത്തു നോക്കൂ