രുചികരമായ ജാം ഇനി വീട്ടിൽ തയ്യാറാക്കാം, ഒരു ബീറ്റ്റൂട്ട് കൈയ്യിലുണ്ടെങ്കിൽ

കടയിൽ നിന്നും സ്ഥിരമായി ജാം വാങ്ങുന്നവരാണോ നിങ്ങൾ?. എന്നാൽ പാക്കറ്റുകളിൽ റെഡിയാക്കി വെച്ചിരിക്കുന്ന ഇത്തരം ജാമുകളിലെ ചേരുവകൾ ആരോഗ്യത്തിന് ഗുണകരമല്ല. അതിനാൽ വീട്ടിൽ തന്നെ ഇത് തയ്യാറാക്കി സൂക്ഷിക്കുന്നതാവും സുരക്ഷിതം. കടയിൽ കിട്ടുന്ന അതേ രുചിയിൽ പാകം ചെയ്തെടുക്കാൻ സാധിക്കില്ല എന്ന ചിന്തയും വേണ്ട.

ഒരു ബീറ്റ്റൂട്ട് മതി ഹെൽത്തിയും രുചികരവുമായ ജാം പത്ത് മിനിറ്റിൽ തയ്യാറാക്കാം. മായം കലർന്നിട്ടില്ല എന്നതിനാൽ അധിക നാൾ ഇത് സൂക്ഷിച്ചു വെയ്ക്കാനാവില്ല. വ്യത്യസ്തമായ രുചിയിൽ ഹെൽത്തിയായ ജാം തയ്യാറാക്കുന്ന വിധം ഷെഫ് അറ്റ് ഹോം എന്ന ഇൻസ്റ്റഗ്രാം പേജാണ് പരിചയപ്പെടുത്തി തരുന്നത്. 

ചേരുവകൾ

• ബീറ്റ്റൂട്ട്
• ഈന്തപ്പഴം
• വെള്ളം
• പഞ്ചസാര
• തക്കോലം
• ഗ്രാമ്പൂ 
• ഏലയ്ക്ക

View this post on Instagram

A post shared by Chef At Home (@chefathomeyt)

തയ്യാറാക്കുന്ന വിധം

• രണ്ട് ബീറ്റ്റൂട്ട്  തൊലി കളഞ്ഞ് ചെറിയ കഷ്ണങ്ങളാക്കിയതിലേയ്ക്ക് കുരുകളഞ്ഞ നാലോ
• അഞ്ചോ ഈന്തപ്പഴം ചേർത്ത് കുറച്ച് വെള്ളം ഒഴിച്ചു വേവിക്കുക.
• വേവിച്ചെടുത്ത ബീറ്റ്റൂട്ടും ഈന്തപ്പഴവും അരച്ചെടുക്കുക.
• ഒരു പാൻ അടുപ്പിൽ വെച്ച് 100 ഗ്രാം പഞ്ചസാരയിലേയ്ക്ക് അൽപ്പം വെള്ളം ഒഴിച്ച് അലിയിച്ചെടുക്കുക.
• പഞ്ചസാര അലിഞ്ഞു വരുമ്പോൾ തക്കോലം, ഗ്രാമ്പൂ, ഏലയ്ക്ക എന്നിവ ചേർത്തിളക്കുക.
• വെള്ളം വറ്റി തുടങ്ങുമ്പോൾ അരച്ചു വെച്ചിരിക്കുന്ന ബീറ്റ്റൂട്ട് ചേർത്തിളക്കി കുറക്കിയെടുക്കുക.
• നനവില്ലാത്ത വൃത്തിയുള്ള പാത്രത്തിൽ സൂക്ഷിക്കാം. 

Read More:

• ഇഡ്ഡലി മാവ് ബാക്കിയുണ്ടോ? എങ്കിൽ ഇങ്ങനെ ചെയ്തു നോക്കൂ
• ഒരു കപ്പ് കടല കുതിർത്തെടുത്താൽ അറബിക് സ്റ്റൈലിൽ ഫലാഫൽ തയ്യാറാക്കാം
• ചെറുപഴം ഒരെണ്ണം മതി, കിടിലൻ ഡെസേർട്ട് തയ്യാറാക്കാം 2 മിനിറ്റിൽ
• ചോറുണ്ണാൻ കൊതിക്കും ഈ അച്ചാറിൻ്റെ രുചി അറിഞ്ഞാൽ
• 5 മിനിറ്റിൽ പൊറോട്ട റെഡി, ഇനി തട്ടുകടയിൽ പോയി സമയം കളയേണ്ട
• അരിപ്പൊടിയും ഗോതമ്പ് പൊടിയും നനച്ചെടുക്കേണ്ട, പുട്ട് സോഫ്റ്റും രുചികരവുമാക്കാൻ ഒരു വിദ്യയുണ്ട്
• റവ തികഞ്ഞില്ലെങ്കിൽ ഉപ്പുമാവ് ഇനി ഇങ്ങനെ തയ്യാറാക്കാം
• അടുക്കളയിൽ ബാക്കി വന്ന കറികൾ കൊണ്ട് രുചികരമായി ബ്രേക്ക്ഫാസ്റ്റ് ഒരുക്കാം
• പഞ്ചസാര ചേർക്കാതെ കോൾഡ് കോഫി ഇങ്ങനെ തയ്യാറാക്കി നോക്കൂ
• കട്ലറ്റ് ക്രിസ്പിയായി വറുക്കാം, ഈ ഒരു ചേരുവ ഉപയോഗിക്കൂ
• തട്ടിക്കൂട്ടാണെങ്കിലും സംഗതി കിടിലനാണ്, ഒരു തക്കാളിയും സവാളയും മതിയാകും