ഒരു കപ്പ് വേവിച്ച ചോറ് കൊണ്ട് ചൂടൻ കലത്തപ്പം 5 മിനിറ്റിൽ തയ്യാറാക്കാം

എത്ര ശ്രദ്ധിച്ചാലും അടുക്കളയിൽ ഭക്ഷണം ബാക്കിയാകുന്നത് പുതുമയല്ല. മിക്കപ്പോഴും ചോറാണ് ഇങ്ങനെ മിച്ചം വരാറുള്ളത്.  ഭക്ഷണം വെറുതെ പാഴാക്കി കളയാതെ അവയെ പരമാവധി പുനരുപയോഗിക്കാൻ ശ്രമിച്ചു നോക്കൂ. മിച്ചം വരുന്ന ചില ഭക്ഷണങ്ങൾ മറ്റൊരു വിഭവമാക്കി മാറ്റാൻ സാധിക്കും. ചോറ് അധികം ഉണ്ടെങ്കിലോ അല്ലെങ്കിൽ ബാക്കി വരുകയോ ചെയതാൽ ഇഷ്ടം പോലെ കഴിക്കാൻ കലത്തപ്പം തയ്യാറാക്കാം. വൈകിട്ടത്തേയ്ക്കുള്ള പലഹാരമായോ കുട്ടികൾക്കുള്ള ലഘുഭക്ഷണമായോ ഇത് വിളമ്പാം. മൻസൂ തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ചോറ്
• അരിപ്പൊടി
• ഉപ്പ്
• പഞ്ചസാര
• ജീരകം
• വെള്ളം
• തേങ്ങ
• ചുവന്നുള്ളി
• ബേക്കിങ് പൗഡർ
• ശർക്കര
• വെള്ളം

തയ്യാറാക്കുന്ന വിധം

• അര കപ്പ് വേവിച്ച അരിയിലേയ്ക്ക് ഒരു കപ്പ് അരിപ്പൊടിയും ആവശ്യത്തിന് ഉപ്പ്, ഒരു ടീസ്പൂൺ പഞ്ചസാര, അര ടീസ്പൂൺ ജീരകം എന്നിവ ചേർത്ത് അര കപ്പ് വെള്ളം ഒഴിച്ച് അരച്ചെടുക്കാം.
• ഒരു പാൻ അടുപ്പിൽ വെച്ച് അൽപ്പം നെയ്യോ എണ്ണയോ ഒഴിച്ച് അര കപ്പ് തേങ്ങ കഷ്ണങ്ങൾ വറുത്തു മാറ്റാം.
• ഇതേ പാനിലേയ്ക്ക് ചെറുതായി അരിഞ്ഞ ചുവന്നുള്ളി ചേർത്ത് വഴറ്റിയെടുക്കാം.
• മറ്റൊരു പാൻ അടുപ്പിൽ വെച്ച് രണ്ട് കപ്പ് ശർക്കര പൊടിച്ചതിലേയ്ക്ക് അര കപ്പ് വെള്ളം ചേർത്ത് അലിയിച്ചെടുക്കാം.
• ശർക്കര ലായനി തയ്യാറാക്കി വെച്ചിരിക്കുന്ന മാവിലേയ്ക്കു ചേർക്കാം.
• ഒപ്പം തേങ്ങ കഷ്ണങ്ങളും, ചുവന്നുള്ളിയും ചേർത്തിളക്കാം.
• കാൽ ടീസ്പൂൺ ബേക്കിങ് പൗഡർ കൂടി ചേർത്തിളക്കി അഞ്ച് മിനിറ്റ് മാറ്റി വെയ്ക്കാം.
• ശേഷം ഒരു പാൻ അടപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി തയ്യാറാക്കിയ മാവ് ഒഴിച്ച് അടച്ചു വെച്ച് വേിക്കാം. 

Read More:

• അരിക്കും ഉഴുന്നിനും ഒപ്പം ഇത് കൂടി ചേർത്ത് മാവ് അരച്ചെടുക്കൂ, രുചികരവും ഹെൽത്തിയുമായ ദോശ ചുട്ടെടുക്കാം
• ഉഴുന്ന് ചേർത്ത് അരയ്‌‌‌‌‌‌‌‌‌‌‌‌‌‌‌ക്കേണ്ട, ആഴ്ചകളോളം ഉപയോഗിക്കാം ഈ ദോശ മാവ്
• ആവി പറക്കുന്ന എല്ലും കപ്പയും 10 മിനിറ്റിൽ വേവിച്ചെടുക്കാം, ഈ മസാലക്കൂട്ട് ഉപയോഗിക്കൂ
• ഒരു കപ്പ് കടലമാവ് ഉണ്ടെങ്കിൽ മുട്ടയില്ലാതെ ബ്രെഡ് ഓംലെറ്റ് തയ്യാറാക്കാം
• ഗോതമ്പ് പൊടിയും മുട്ടയും കൈയ്യിലുണ്ടോ, 5 മിനിറ്റിൽ ബ്രേക്ക്ഫാസ്റ്റ് റെഡിയാക്കാം
• ദോശ മാവ് പുളിക്കുന്നില്ലേ? എങ്കിൽ ഇങ്ങനെ ചെയ്തു സൂക്ഷിക്കൂ
• ചോറ് ബാക്കിയുണ്ടോ? എങ്കിൽ അരി പൊടിച്ചെടുക്കാതെ തന്നെ സോഫ്റ്റ് അപ്പം തയ്യാറാക്കാം
• രുചികരമായ ജാം ഇനി വീട്ടിൽ തയ്യാറാക്കാം, ഒരു ബീറ്റ്റൂട്ട് കൈയ്യിലുണ്ടെങ്കിൽ
• ഇഡ്ഡലി മാവ് ബാക്കിയുണ്ടോ? എങ്കിൽ ഇങ്ങനെ ചെയ്തു നോക്കൂ
• ഒരു കപ്പ് കടല കുതിർത്തെടുത്താൽ അറബിക് സ്റ്റൈലിൽ ഫലാഫൽ തയ്യാറാക്കാം