അരിക്കും ഉഴുന്നിനും ഒപ്പം ഇത് കൂടി ചേർത്ത് മാവ് അരച്ചെടുക്കൂ, രുചികരവും ഹെൽത്തിയുമായ ദോശ ചുട്ടെടുക്കാം

അരിയും ഉഴുന്നും അരച്ച് സ്ഥിരം തയ്യാറാക്കുന്ന ദോശ കഴിച്ചു മടുത്തോ. എങ്കിൽ വ്യത്യസ്തമായ ഈ ഗ്രീൻ ദോശ ട്രൈ ചെയ്തു നോക്കൂ. മാവ് അരയ്ക്കുമ്പോൾ പോഷക സമ്പന്നമായ പാലക്ക് ചീര കൂടി ചേർത്തു നോക്കൂ.

വിറ്റാമിൻ എ, വിറ്റാമിൻ സി, വിറ്റാമിൻ കെ, ഫോളേറ്റ്, ഇരുമ്പ്, കാൽസ്യം തുടങ്ങിയ അവശ്യ വിറ്റാമിനുകളും ധാതുക്കളും പ്രദാനം ചെയ്യുന്ന പോഷക സമ്പുഷ്ടമായ ഇലവർഗമാണ് പാലക്. പതിവായി ഇത് കഴിക്കുന്നത് മൊത്തത്തിലുള്ള ആരോഗ്യത്തെയും പ്രതിരോധശേഷിയും ഊർജ്ജം വർധിക്കാൻ സഹായിക്കും.

പാലക്ക് ചീരയിൽ കലോറി കുറവാണ്, എന്നാൽ നാരുകൾ കൂടുതലുമാണ് അതിനാൽ വിശപ്പ് ശമിപ്പിച്ച് അമിതമായി ഭക്ഷണം കഴിക്കുന്നത് നിയന്ത്രിക്കുന്നു. അങ്ങനെ ശരീരഭാരം നിയന്ത്രണം സാധ്യമാകുന്നു.

ചേരുവകൾ

• അരി- 2 കപ്പ്
• ഉഴുന്ന്- 1 കപ്പ്
• പാലക്ക് ചീര- 8 ഇല
• ഉപ്പ്- ആവശ്യത്തിന്
• എണ്ണ/ നെയ്യ്- ആവശ്യത്തിന്
• വെള്ളം- ആവശ്യത്തിന്
• ബേക്കിങ് സോഡ- 1/4 ടീസ്പൂൺ

തയ്യാറാക്കുന്ന വിധം

• രണ്ട് കപ്പ് അിയിലേക്ക് ഒരു കപ്പ് ഉഴുന്നും ആവശ്യത്തിന് വെള്ളവും ഒഴിച്ച് മാവ് അരച്ചെടുക്കാം.
• പാലക്ക് ചീരയുടെ എട്ട് ഇല കഴുകി അരച്ചെടുത്ത് ഇതിലേയ്ക്ക് ചേർക്കാം.
• ആവശ്യത്തിന് ഉപ്പും, കാൽ ടീസ്പൂൺ ബേക്കിങ് സോഡയും ചേർത്തിളക്കി പതിനഞ്ച് മിനിറ്റ് മാറ്റി വെയ്ക്കാം.
• ഒരു പാൻ അടുപ്പിൽ വെച്ച് അൽപ്പം നെയ്യ് പുരട്ടാം.
• ഇതിലേയ്ക്ക്  ആവശ്യത്തിന് മാവ് ഒഴിച്ച് ഇരു വശങ്ങളും വേവിച്ച് ദോശ ചുട്ടെടുക്കാം. 

Read More:

• ഉഴുന്ന് ചേർത്ത് അരയ്‌‌‌‌‌‌‌‌‌‌‌‌‌‌‌ക്കേണ്ട, ആഴ്ചകളോളം ഉപയോഗിക്കാം ഈ ദോശ മാവ്
• ആവി പറക്കുന്ന എല്ലും കപ്പയും 10 മിനിറ്റിൽ വേവിച്ചെടുക്കാം, ഈ മസാലക്കൂട്ട് ഉപയോഗിക്കൂ
• ഒരു കപ്പ് കടലമാവ് ഉണ്ടെങ്കിൽ മുട്ടയില്ലാതെ ബ്രെഡ് ഓംലെറ്റ് തയ്യാറാക്കാം
• ഗോതമ്പ് പൊടിയും മുട്ടയും കൈയ്യിലുണ്ടോ, 5 മിനിറ്റിൽ ബ്രേക്ക്ഫാസ്റ്റ് റെഡിയാക്കാം
• ദോശ മാവ് പുളിക്കുന്നില്ലേ? എങ്കിൽ ഇങ്ങനെ ചെയ്തു സൂക്ഷിക്കൂ
• ചോറ് ബാക്കിയുണ്ടോ? എങ്കിൽ അരി പൊടിച്ചെടുക്കാതെ തന്നെ സോഫ്റ്റ് അപ്പം തയ്യാറാക്കാം
• രുചികരമായ ജാം ഇനി വീട്ടിൽ തയ്യാറാക്കാം, ഒരു ബീറ്റ്റൂട്ട് കൈയ്യിലുണ്ടെങ്കിൽ
• ഇഡ്ഡലി മാവ് ബാക്കിയുണ്ടോ? എങ്കിൽ ഇങ്ങനെ ചെയ്തു നോക്കൂ
• ഒരു കപ്പ് കടല കുതിർത്തെടുത്താൽ അറബിക് സ്റ്റൈലിൽ ഫലാഫൽ തയ്യാറാക്കാം