ചീര മാത്രമല്ല ഈ ഇലയും തോരൻ തയ്യാറാക്കാൻ ബെസ്റ്റാണ്, ഇനി ഉച്ചയൂണ് പോഷകസമ്പുഷ്ടമാകും

കലോറി ഏറ്റവും കുറഞ്ഞ പോഷക സമ്പുഷ്ടമായ ഭക്ഷണമാണോ നിങ്ങൾക്ക് വേണ്ടത്? എങ്കിൽ പച്ചിലകൾ ഭക്ഷണക്രമത്തിൽ ഉൾപ്പെടുത്തൂ. പ്രത്യേകിച്ച് മത്തൻ്റെ തളിരിലകൾ രുചികരവും ഒപ്പം ഹെൽത്തിയുമാണ്. പച്ചക്കറികൾ അധികം ലഭ്യമല്ലാതിരുന്ന കാലത്ത് മുറ്റത്തും തൊടിയിലും നിൽക്കുന്ന ഇത്തരം ഭക്ഷ്യയോഗ്യമായ ഇല കൊണ്ടുള്ള ഉപ്പേരി പ്രധാന കറിയായിരുന്ന ഒരു കാലമുണ്ടായിരുന്നു. 

വിറ്റാമിൻ എ, വിറ്റാമിൻ, സി, കാൽസ്യം, ഇരുമ്പ് എന്നിവയുടെ സമ്പന്നമായ ഉറവിടമാണ് മത്തൻ ഇല. ഇത് ശരീരത്തിൻ്റെ മൊത്തത്തിലുള്ള ആരോഗ്യത്തിനും ചർമ്മത്തിനും ഏറെ ഗുണകരമാണ്. പ്രമേഹം മുതൽ കാൻസർ നിയന്ത്രണം വരെ ഇത് കഴിക്കുന്നതിലൂടെ സാധ്യതമാണെന്ന് വിശ്വസിക്കപ്പടുന്നു. 

മത്തൻ ഇല ഇനി ഉച്ചഭക്ഷണത്തിൽ ഉൾപ്പെടുത്തൂ. അതിനായി ഈ റെസിപ്പി പരീക്ഷിച്ചു നോക്കൂ.

ചേരുവകൾ

• മത്തൻ ഇല- 1 കപ്പ്
• തേങ്ങ- 1/2 കപ്പ്
• ചുവന്നുള്ളി- 3
• വെളുത്തുള്ളി- 3
• പച്ചമുളക്- 2
• ജീരകം- 1/2 ടീസ്പൂൺ
• മഞ്ഞൾപ്പൊടി- 1/2 ടീസ്പൂൺ
• ഉപ്പ്- ആവശ്യത്തിന്
• ഉപ്പ്- ആവശ്യത്തിന്
• വെളിച്ചെണ്ണ- ആവശ്യത്തിന്
• കടുക്- ആവശ്യത്തിന്
• കറിവേപ്പില- 1 തണ്ട്

തയ്യാറാക്കുന്ന വിധം

• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം.
• വെളിച്ചെണ്ണ ചൂടായി വരുമ്പോൾ കടുക് ചേർത്തു പൊട്ടിക്കാം. ഇതിലേയ്ക്ക് വറ്റൽമുളക്, കറിവേപ്പില എന്നിവ ചേർത്തു വറുക്കാം.
• മത്തൻ ഇല നന്നായി കഴുകി ചെറിയ കഷ്ണങ്ങളാക്കിയെടുത്തത് ഈ പാനിലേയ്ക്കു ചേർത്തിളക്കാം.
• അര കപ്പ് തേങ്ങ ചിരകിയതിലേയ്ക്ക് അര ടീസ്പൂൺ ജീരകം, മൂന്ന് വെളുത്തുള്ളി അല്ലി, മൂന്ന് ചുവന്നുള്ളി, രണ്ട് പച്ചമുളക് എന്നിവ ചെറുതായി അരിഞ്ഞതു കൂടി ചേർത്ത് നന്നായി അരച്ചെടുക്കാം. ഇത് പാനിലേയ്ക്കു ചേർക്കാം.
• ഒപ്പം മഞ്ഞൾപ്പൊടിയും, ആവശ്യത്തിന് ഉപ്പും ചേർത്തിളക്കി യോജിപ്പിച്ച് 5 മിനിറ്റ് അടച്ചു വച്ച് വേവിക്കാം.
• ശേഷം അടുപ്പണച്ച് ചൂടോടെ ചോറിനൊപ്പം വിളമ്പി കഴിച്ചു നോക്കൂ. 

Read More:

• അരിപ്പൊടി മാത്രം പോര, പൂപോലുള്ള പുട്ടിന് ഇതു കൂടി ചേർക്കൂ
• മുട്ട വേണ്ട ബേക്ക് ചെയ്തെടുക്കേണ്ട, ഒരു മാമ്പഴം കിട്ടിയാൽ ഇനി ഉണ്ണിയപ്പ ചട്ടിയിലും കേക്ക് തയ്യാറാക്കാം
• പഞ്ഞി പോലെ സോഫ്റ്റ് റുമാലി റൊട്ടി ഇനി വീട്ടിൽ ചുട്ടെടുക്കാം
• രണ്ട് മിനിറ്റിൽ സ്നാക് റെഡി, മുട്ടയും ബ്രെഡും കൈയ്യിലുണ്ടോ?
• മൈദയോ ഗോതമ്പ് പൊടിയോ വേണ്ട, ഒരു കപ്പ് റവയിൽ സിംപിളായി ബ്രേക്ക്ഫാസ്റ്റ് റെഡിയാക്കാം
• രാവിലത്തെ ഇഡ്ഡലി വൈകിട്ടത്തെ സ്പെഷ്യൽ വിഭവമാക്കാം, ഇതാ ഒരു ഉഗ്രൻ വിദ്യ
• ഒരു കപ്പ് വേവിച്ച ചോറ് കൊണ്ട് ചൂടൻ കലത്തപ്പം 5 മിനിറ്റിൽ തയ്യാറാക്കാം
• അരിക്കും ഉഴുന്നിനും ഒപ്പം ഇത് കൂടി ചേർത്ത് മാവ് അരച്ചെടുക്കൂ, രുചികരവും ഹെൽത്തിയുമായ ദോശ ചുട്ടെടുക്കാം
• ഉഴുന്ന് ചേർത്ത് അരയ്‌‌‌‌‌‌‌‌‌‌‌‌‌‌‌ക്കേണ്ട, ആഴ്ചകളോളം ഉപയോഗിക്കാം ഈ ദോശ മാവ്