ഹോട്ടൽ സ്റ്റൈലിൽ വീട്ടിലൊരുക്കാം ഗോപി മഞ്ചൂരിയൻ, ഈ മസാലകൾ ഉപയോഗിച്ചു നോക്കൂ

ഒരു കോളിഫ്ലവർ ഉണ്ടെങ്കിൽ മഞ്ചൂരിയൻ തയ്യാറാക്കാം കിടിലൻ രുചിയിൽ, ഈ റെസിപ്പി ട്രൈ ചെയ്തു നോക്കൂ

ചിക്കൻ ഇല്ലെങ്കിലും ചിക്കൻ കറി തയ്യാറാക്കാൻ സാധിക്കുമോ?. ഒരു കോളിഫ്ലവർ ഉണ്ടെങ്കിൽ ചിക്കൻ കറിയേക്കാളും രുചിയിൽ ഇൻസ്റ്റൻ്റായി കറി തയ്യാറാക്കാൻ സാധിക്കും. സാധാരണ മഞ്ചൂരിയൻ വിഭവങ്ങൾ തയ്യാറാക്കുന്ന അതേ രീതിയിലാണ് ഇതിൻ്റെ പാചകവും. എന്നാൽ പലപ്പോഴും കോളിഫ്ലവർ വെന്തു കിട്ടാതെ വന്നേക്കാം. അതിനൊരു വിദ്യയുണ്ട്. ഷെഫ്ന തൻ്റെ ഇൻസ്റ്റഗ്രാം പേജിലൂടെയാണ് ഗോപി മഞ്ചൂരിയൻ റെസിപ്പി പരിചയപ്പെടുത്തി തരുന്നത്. 

ചേരുവകൾ

• കോൺഫ്ലോർ
• കാശ്മീരിമുളകുപൊടി
• ഉപ്പ്
• കുരുമുളകുപൊടി
• ഇഞ്ചി വെളുത്തുള്ളി അരച്ചത്
• വെള്ളം
• സൺഫ്ലവർ ഓയിൽ 
• ഉള്ളി തണ്ട്
• ഇഞ്ചി
• വെളുത്തുള്ളി
• സവാള
• കാപ്സിക്കം
• കുരുമുളകുപൊടി
• സോയ സോസ്
• ചില്ലി സോസ്
• തക്കാളി സോസ്

View this post on Instagram

A post shared by Shefna Hashim (@shefnahashim)

തയ്യാറാക്കുന്ന വിധം

• ഒരു ബൗളിലേക്ക് അര കപ്പ് കോൺഫ്ലോർ എടുത്ത് ആവശ്യത്തിന് ഉപ്പ്, ഒരു ടീസ്പൂൺ കുരുമുളകു പൊടി, ഒരു ടേബിൾസ്പൂൺ ഇഞ്ചിയും വെളുത്തുള്ളിയും അരച്ചത് എന്നിവയോടൊപ്പം വെള്ളം ഒഴിച്ച് കലക്കിയെടുക്കാം.
• വൃത്തിയായി കഴുകി കഷ്ണങ്ങളാക്കിയ കോളിഫ്ലവർ അതിലേക്ക് ചേർത്തിളക്കി പത്ത് മിനിറ്റ് മാറ്റി വയ്ക്കുക.
• ഒരു പാൻ അടുപ്പിൽ വച്ച് അൽപ്പം സൺഫ്ലവർ എണ്ണ ഒഴിച്ച് ചൂടാക്കാം.
  മാറ്റി വച്ചിരുന്ന കോളിഫ്ലവർ വറുത്തെടുക്കാം.
• അതേ എണ്ണയിലേക്ക് ഉള്ളിത്തണ്ട് ചെറുതായി അരിഞ്ഞതു ചേർത്തിളക്കാം.
• ഒരു ടേബിൾസ്പൂൺ ഇഞ്ചി, ഒരു ടേബിൾസ്പൂൺ വെളുത്തുള്ളി, ഒരു സവാള ചെറുതായി അരിഞ്ഞത്, അര കപ്പ് കാപ്സിക്കം എന്നിവ ചേർത്തിളക്കി വഴറ്റാം.
• പച്ചക്കറികൾ വെന്തു വരുമ്പോൾ ഒന്നര ടീസ്പൂൺ കുരുമുളകുപൊടി, രണ്ട് ടേബിൾസ്പൂൺ സോയ സോസ്, 4 ടേബിൾസ്പൂൺ തക്കാളി സോസും ചേർത്തിളക്കാം.
• ഒന്നര ടേബിൾസ്പൂൺ കോൺഫ്ലോർ വെള്ളത്തിൽ കലക്കി ഇതിലേക്ക് ചേർത്തിളക്കി യോജിപ്പിക്കാം.
• വറുത്ത് മാറ്റി വച്ചിരിക്കുന്ന കോളിഫ്ലവർ കൂടി ചേർത്തിളക്കി അടുപ്പിൽ നിന്ന് മാറ്റാം.

Read More:

• ഈ പുഡ്ഡിംഗ് കുറച്ച് സിംപിളാണെങ്കിലും കിടിലൻ രുചിയാണ്
• ചേരുവകൾ രണ്ടെണ്ണം, ഈ പലഹാരം തയ്യാറാക്കാനും രണ്ട് മിനിറ്റ് മതി
• മാവ് അരച്ച് പുളിപ്പിക്കേണ്ട, പൂപോലെ സോഫ്റ്റ് ദോശ തയ്യാറാക്കാൻ അരിപ്പൊടിയിലേയ്ക്ക് ഇതു കൂടി ചേർക്കൂ
• ഗോതമ്പ് പൊടി ഉണ്ടോ? എങ്കിൽ ബേക്കറിയിൽ കിട്ടുന്ന മടക്ക് ഇനി വീട്ടിൽ തയ്യാറാക്കാം 5 മിനിറ്റിൽ
• ചീര മാത്രമല്ല ഈ ഇലയും തോരൻ തയ്യാറാക്കാൻ ബെസ്റ്റാണ്, ഇനി ഉച്ചയൂണ് പോഷകസമ്പുഷ്ടമാകും
• അരിപ്പൊടി മാത്രം പോര, പൂപോലുള്ള പുട്ടിന് ഇതു കൂടി ചേർക്കൂ
• മുട്ട വേണ്ട ബേക്ക് ചെയ്തെടുക്കേണ്ട, ഒരു മാമ്പഴം കിട്ടിയാൽ ഇനി ഉണ്ണിയപ്പ ചട്ടിയിലും കേക്ക് തയ്യാറാക്കാം
• പഞ്ഞി പോലെ സോഫ്റ്റ് റുമാലി റൊട്ടി ഇനി വീട്ടിൽ ചുട്ടെടുക്കാം