വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ

ചിക്കൻ റോസ്റ്റ് തയ്യാറാക്കുന്ന കാര്യമോർക്കുമ്പോൾ കുറഞ്ഞത് അര ഡസനോളം ചേരുവകളും വേണമല്ലോ എന്നാവും എല്ലാവരും ചിന്തിക്കുക. എന്നാൽ മൂന്നേ മൂന്നു ചേരുവകൾ കൊണ്ട് എളുപ്പത്തിൽ തയ്യാറാക്കാവുന്ന ഒരു ചിക്കൻ റോസ്റ്റിന്റെ റെസിപ്പി പരിചയപ്പെടാം. ചേരുവകൾ കുറവാണെങ്കിലും രുചിയിൽ കോംപ്രമൈസ് ഇല്ലാത്തതിനാലാവും ചിക്കൻ പ്രേമികൾക്കിടയിൽ ഇത് ട്രെൻഡിങാണ്. ലില്ലി ട്പിസ് എന്ന ഫെയ്സ് ബുക്ക് പേജിലൂടെ ഈ ചിക്കൻ തയ്യാറാക്കുന്നവിധം പരിചയപ്പെടാം.

ചേരുവകൾ

• ചിക്കൻ - 1 കിലോ
• ചുവന്നുള്ളി- 250 ഗ്രാം 
• വറ്റൽമുളക്- 4 ടേബിൾ സ്പൂൺ

തയ്യാറാക്കുന്ന വിധം

• ചിക്കൻ നന്നായി കഴുകി ചെറിയ കഷ്ണങ്ങളായി മുറിച്ചെടുക്കാം.
• ഒരു മൺചട്ടിയെടുത്ത് അടുപ്പിൽവച്ച് ചൂടാകുമ്പോൾ അതിലേക്ക് നാലു ടേബിൾ സ്പൂൺ വെളിച്ചെണ്ണ ഒഴിക്കുക. ഇതിലേക്ക് കറിവേപ്പില ചേർക്കാം
• ശേഷം ചുവന്നുള്ളി ചേർത്തു വഴറ്റാം.
• ചുവന്നുള്ളി നന്നായി വഴന്നു വരുമ്പോൾ അതിലേക്ക് ചതച്ചെടുത്ത വറ്റൽമുളക് കൂടി ചേർത്തു വഴറ്റി യോജിപ്പിക്കാം.
• ഈ മസാലക്കൂട്ട് നന്നായി വാടി കഴിയുമ്പോൾ ചിക്കൻ കഷ്ണങ്ങൾ ചേർത്ത്, അൽപം ഉപ്പുമിട്ട് വഴറ്റി നന്നായി യോജിപ്പിക്കാം.  
• ഇതിലേക്ക് ഒട്ടും വെള്ളം ചേർക്കേണ്ടതില്ല. പകരം അടച്ചുവെച്ച് വേവിക്കാം.
• വെന്തുകഴിയുമ്പോൾ ഒരു ടീസ്പൂൺ വിനാഗിരി ചേർത്ത് നന്നായി ഇളക്കി അടുപ്പണയ്ക്കാം ഇത് ചൂടോടെ വിളമ്പി കഴിച്ചു നോക്കൂ.

Read More:

• മീൻ കിട്ടിയില്ലെങ്കിലും കുഴപ്പമില്ല, ഇനി അതേ രുചിയിൽ ഒരു കിടിലൻ വെജ് ഫ്രൈ കഴിക്കാം
• മാവ് അരച്ചെടുക്കാതെ അര മണിക്കൂറിൽ അപ്പം റെഡി, ഇതാ ഒരു നുറുങ്ങു വിദ്യ
• ഇനി അരിയും ഉഴുന്നും ഉപയോഗിക്കാതെ മാവ് ഇങ്ങനെ അരയ്ക്കൂ, ദോശ ക്രിസ്പിയായി ചുട്ടെടുക്കാം
• ഓംലെറ്റ് ഇത്ര രുചികരമായി കഴിച്ചിട്ടുണ്ടാകില്ല, തക്കാളി കൂടി ചേർത്ത് ഇങ്ങനെ വേവിച്ചെടുക്കൂ
• ഹോട്ടൽ സ്റ്റൈലിൽ വീട്ടിലൊരുക്കാം ഗോപി മഞ്ചൂരിയൻ, ഈ മസാലകൾ ഉപയോഗിച്ചു നോക്കൂ
• ഈ പുഡ്ഡിംഗ് കുറച്ച് സിംപിളാണെങ്കിലും കിടിലൻ രുചിയാണ്
• ചേരുവകൾ രണ്ടെണ്ണം, ഈ പലഹാരം തയ്യാറാക്കാനും രണ്ട് മിനിറ്റ് മതി
• മാവ് അരച്ച് പുളിപ്പിക്കേണ്ട, പൂപോലെ സോഫ്റ്റ് ദോശ തയ്യാറാക്കാൻ അരിപ്പൊടിയിലേയ്ക്ക് ഇതു കൂടി ചേർക്കൂ
• ഗോതമ്പ് പൊടി ഉണ്ടോ? എങ്കിൽ ബേക്കറിയിൽ കിട്ടുന്ന മടക്ക് ഇനി വീട്ടിൽ തയ്യാറാക്കാം 5 മിനിറ്റിൽ