ഉരുളക്കിഴങ്ങും തൈരും മതി, 5 മിനിറ്റിൽ എളുപ്പത്തിൽ തയ്യാറാക്കാം ഈ നേപ്പാൾ സ്പെഷ്യൽ കറി

ചേരുവകൾ അനുസരിച്ച് വ്യത്യസ്ത തരത്തിൽ തയ്യാറാക്കാവുന്ന ഒന്നാണ് ദാഹി ആലു. ഉരുളക്കിഴങ്ങും തൈരുമാണ് സാധാരണ ഇതിനായി ഉപയോഗിക്കുന്നത്. പച്ചക്കറികൾ ലഭ്യമാണെങ്കിൽ അതും ഉപയോഗിക്കാം. എന്നാൽ അധികം സമയം അടുക്കളയിൽ ചിലവഴിക്കാതെ 5 മിനിറ്റിലാണ് കറി റെഡിയാക്കേണ്ടതെങ്കിൽ ഉരുളക്കിഴങ്ങും തൈരും മാത്രം മതി. ഷാഗി ഉഷകുമാർ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ഉരുളക്കിഴങ്ങ്
• തൈര്
• ഉപ്പ്
• സവാള
• മല്ലിയില
• മുളകുപൊടി
• വെളിച്ചെണ്ണ
• കടുക്
• വറ്റൽമുളക്
• കറിവേപ്പില
• മഞ്ഞൾപ്പൊടി
• മുളകുപൊടി

View this post on Instagram

A post shared by Shagi Ushakumar (@easy_cooking_island)

തയ്യാറാക്കുന്ന വിധം

• ഉരുളക്കിഴങ്ങ് നന്നായി കഴുകി ആവിയിൽ വേവിച്ചെടുക്കാം.
• അത് തണുക്കാൻ മാറ്റി വയ്ക്കാം. ശേഷം തൊലി കളഞ്ഞ് ചെറിയ കഷ്ണങ്ങളാക്കിയെടുക്കാം.
• ഒരു ചെറിയ ബൗളിലേയ്ക്ക് തൈരും ആവശ്യത്തിന് ഉപ്പും ചേർത്ത് ഉടച്ചെടുക്കാം.
• അതിലേയ്ക്ക് ഉരുളക്കിഴങ്ങ് കഷ്ണങ്ങളും സവാള ചെറുതായി അരിഞ്ഞതും ചേർക്കാം.
• ഇതിലേയ്ക്ക് മല്ലിയിലയും ചേർക്കാം.
• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. എണ്ണ ചൂടായതിനു ശേഷം കടുക് ചേർത്തു പൊട്ടിക്കാം. വറ്റൽമുളക്, കറിവേപ്പില, ഒരു നുള്ള് മഞ്ഞൾപ്പൊടി, മുളകുപൊടി എന്നിവ ചേർത്തിളക്കാം.
• ഇത് തൈരിലേയ്ക്കു ചേർത്തിളക്കി യോജിപ്പിക്കാം. ഇനി ചോറിനൊപ്പം കഴിച്ചു നോക്കൂ. 

Read More:

• വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ
• മീൻ കിട്ടിയില്ലെങ്കിലും കുഴപ്പമില്ല, ഇനി അതേ രുചിയിൽ ഒരു കിടിലൻ വെജ് ഫ്രൈ കഴിക്കാം
• മാവ് അരച്ചെടുക്കാതെ അര മണിക്കൂറിൽ അപ്പം റെഡി, ഇതാ ഒരു നുറുങ്ങു വിദ്യ
• ഇനി അരിയും ഉഴുന്നും ഉപയോഗിക്കാതെ മാവ് ഇങ്ങനെ അരയ്ക്കൂ, ദോശ ക്രിസ്പിയായി ചുട്ടെടുക്കാം
• ഓംലെറ്റ് ഇത്ര രുചികരമായി കഴിച്ചിട്ടുണ്ടാകില്ല, തക്കാളി കൂടി ചേർത്ത് ഇങ്ങനെ വേവിച്ചെടുക്കൂ
• ഹോട്ടൽ സ്റ്റൈലിൽ വീട്ടിലൊരുക്കാം ഗോപി മഞ്ചൂരിയൻ, ഈ മസാലകൾ ഉപയോഗിച്ചു നോക്കൂ
• ഈ പുഡ്ഡിംഗ് കുറച്ച് സിംപിളാണെങ്കിലും കിടിലൻ രുചിയാണ്
• ചേരുവകൾ രണ്ടെണ്ണം, ഈ പലഹാരം തയ്യാറാക്കാനും രണ്ട് മിനിറ്റ് മതി
• മാവ് അരച്ച് പുളിപ്പിക്കേണ്ട, പൂപോലെ സോഫ്റ്റ് ദോശ തയ്യാറാക്കാൻ അരിപ്പൊടിയിലേയ്ക്ക് ഇതു കൂടി ചേർക്കൂ