സൗത്തിന്ത്യൻ ബിരിയാണി മാത്രമല്ല ഈ ബണ്ണും സ്പെഷ്യലാണ്, കഴിച്ചു നോക്കൂ

ഉത്സവ കാലങ്ങളിലും സന്തോഷ നിമിഷങ്ങൾ പങ്കുവയ്ക്കാനും മധുര പലഹാരങ്ങൾ വാങ്ങിക്കാറില്ലേ. അധിക വില കൊടുത്ത് അവ കടയിൽ നിന്നും വാങ്ങുന്നതിനു പകരം രുചികരമായി വീട്ടിൽ തന്നെ തയ്യാറാക്കാം. അതിനും വ്യത്യസ്തമായ റെസിപ്പികൾ പരീക്ഷിച്ചു നോക്കൂ. തലപ്പാക്കട്ടി ബിരിയാണി പോലെ തന്നെ തമിഴ് സ്റ്റൈലിൽ  ഒരു സ്പെഷ്യൽ മധുരമാണ് പാൽ ബൺ. സോഫ്റ്റും രുചികരവുമായ ഈ ബൺ വളരെ എളുപ്പത്തിൽ റെഡിയാക്കാം. സുരാരി കിച്ചൺ എന്ന യൂട്യൂബ് ചാനലാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• മൈദ - 1 കപ്പ്
• പഞ്ചസാര - 1 കപ്പ്
• ഏലയ്ക്കാപ്പൊടി - 1 ടീസ്പൂൺ
• തൈര് - 1/4 കപ്പ്
• നെയ്യ് - 2 ടേബിൾസ്പൂൺ
• ഉപ്പ് - ആവശ്യത്തിന്
• ബേക്കിംഗ് സോഡ - 1 ടീസ്പൂൺ
• എണ്ണ - ആവശ്യത്തിന്

തയ്യാറാക്കുന്ന വിധം

• മൈദപ്പൊടിയിലേയ്ക്ക് ഏലയ്ക്കപ്പൊടിയും, ഉപ്പും ചേർത്ത് മിക്സിയിൽ പൊടിച്ചെടുക്കാം.
• അതിലേയ്ക്ക് പഞ്ചസാരയും, ബേക്കിംഗ് സോഡയും നെയ്യും ചേർത്തിളക്കി ചപ്പാത്തി മാവ് പോലെ കുഴച്ചെടുക്കാം.
• ഒരു പാൻ അടുപ്പിൽ വച്ച് വെള്ളമൊഴിച്ച് പഞ്ചസാര ചേർത്ത് അലിയിച്ചെടുക്കാം.
• ഇത് തണുക്കാൻ മാറ്റി വയ്ക്കാം.
• കുഴച്ചെടുത്ത മാവ് ചെറിയ ഉരുളകളാക്കി പരത്താം.
• അടികട്ടിയുള്ള ഒരു പാൻ അടുപ്പിൽ വച്ചു ചൂടാക്കാം.
• അതിലേയ്ക്ക് എണ്ണ ഒഴിക്കാം. തിളച്ച എണ്ണയിലേയ്ക്ക് പരത്തിയ മാവ് ചേർത്തു വറുക്കാം. ഇത് പഞ്ചസാര ലായനിയിൽ മുക്കിയെടുക്കാം.
• ഇനി ഇഷ്ടാനുസരണം കഴിച്ചു നോക്കൂ. 

Read More:

• ചപ്പാത്തിയോ പാലപ്പമോ ഏതുമാകട്ടെ, ഇനി ഒരു തവണ​ ഈ ഗ്രീൻ ബീൻസ് കറി ട്രൈ ചെയ്തു നോക്കൂ
• തലശ്ശേരി മൊഞ്ചുള്ള മുട്ടസുർക്കയുടെ ചേരുവകൾ ഇവയാണ്
• ഇങ്ങനേം ബീഫ് റോസ്റ്റ് തയ്യാറാക്കാം, 4 ചേരുവകൾ മതി
• പച്ചരി വേണ്ട, ഇനി അപ്പം ചുട്ടെടുക്കാം അഞ്ച് മിനിറ്റിൽ
• വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ
• ഇത് ആരോഗ്യകരവും ഒപ്പം സ്വാദിഷ്ടവുമാണ്; ബ്രേക്ക്ഫാസ്റ്റ് റെസിപ്പി പങ്കുവച്ച് ശ്രുതി ഹാസൻ
• പുഡ്ഡിംഗുമല്ല പായസവുമല്ല, ഒരു മുറി ബീറ്റ്റൂട്ട് കൊണ്ട് കിടിലൻ ഡെസേർട്ട് തയ്യാറാക്കാം
• ഉരുളക്കിഴങ്ങും തൈരും മതി, 5 മിനിറ്റിൽ എളുപ്പത്തിൽ തയ്യാറാക്കാം ഈ നേപ്പാൾ സ്പെഷ്യൽ കറി
• വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ