ചപ്പാത്തിയോ പാലപ്പമോ ഏതുമാകട്ടെ, ഇനി ഒരു തവണ​ ഈ ഗ്രീൻ ബീൻസ് കറി ട്രൈ ചെയ്തു നോക്കൂ

ചപ്പാത്തിക്കും പാലപ്പത്തിനും ഒപ്പം സ്ഥിരം ഒരേ കറി തന്നെയാണെങ്കിൽ മടുപ്പ് തോന്നില്ലേ? പക്ഷേ വെറൈറ്റിയായി എന്തെങ്കിലും തയ്യാറാക്കി വരുമ്പോൾ കുറച്ചധികം സമയം അടുക്കളയിൽ ചിലവഴിക്കേണ്ടതായും വരാം. ഈ രണ്ട് പ്രശ്നങ്ങൾക്കുമുള്ള പരിഹാരമാണ് മസാല ബീൻസ് കറി. ഉച്ചയൂണിന് കറി തയ്യാറാക്കി മാറ്റി വച്ചിരിക്കുന്ന ഗ്രീൻ ബീൻസിൽ നിന്നും കുറച്ച് മാറ്റി വച്ചോളൂ, അഞ്ച് മിനിറ്റിൽ അടിപൊളി വിഭവം തയ്യാറാക്കാം. 

ചേരുവകൾ

• സവാള
• മല്ലിയല
• പുതിനയില
• പച്ചമുളക്
• വെളുത്തുള്ളി
• ഇഞ്ചി
• വെളിച്ചെണ്ണ
• ഗരംമസാല
• കറിവേപ്പില
• മഞ്ഞൾപ്പൊടി
• മുളകുപൊടി
• മല്ലിപ്പൊടി
• ജീരകപ്പൊടി
• ഉപ്പ്
• ഗ്രീൻ ബീൻസ്
• വെള്ളം
• തൈര്

View this post on Instagram

A post shared by South cookery (@south_cookery)

തയ്യാറാക്കുന്ന വിധം

• ഒരു ഇടത്തരം വലിപ്പമുള്ള സവാള കഷ്ണങ്ങളാക്കാം. അതിലേയ്ക്ക് ഒരുപിടി മല്ലിയിലയും, കുറച്ച് പുതിനയിലയും, മൂന്ന് പച്ചമുളകും, ചെറിയ കഷ്ണം ഇഞ്ചിയും, ആറ് വെളുത്തുള്ളി അല്ലികളും ചേർത്ത് നന്നായി അരച്ചെടുക്കാം.
• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം.
• എണ്ണ ചൂടായി കഴിയുമ്പോൾ ഗരം മസാല, കറിവേപ്പില, അരച്ചെടുത്ത മിശ്രിതം എന്നിവ ചേർത്തിളക്കി യോജിപ്പിക്കാം.
• ഇതിലേയ്ക്ക് മഞ്ഞൾപ്പൊടി, മുളുകുപൊടി, മല്ലിപ്പൊടി, ജീരകപ്പൊടി, ആവശ്യത്തിന് ഉപ്പ് എന്നിവ ചേർക്കാം.
• അരിഞ്ഞെടുത്ത ബീൻസ് ഇതിലേയ്ക്കു ചേർത്ത് മുക്കാൽ കപ്പ് വെള്ളം ഒഴിച്ചിളക്കി അടച്ചു വച്ച് വേവിക്കാം.
• ബീൻസ് വെന്തതിനു ശേഷം രണ്ട് ടേബിൾസ്പൂൺ തൈര് ചേർക്കാം. വീണ്ടും അടച്ചു വച്ച് കുറഞ്ഞ തീയിൽ വേവിക്കാം. 

Read More:

• തലശ്ശേരി മൊഞ്ചുള്ള മുട്ടസുർക്കയുടെ ചേരുവകൾ ഇവയാണ്
• ഇങ്ങനേം ബീഫ് റോസ്റ്റ് തയ്യാറാക്കാം, 4 ചേരുവകൾ മതി
• പച്ചരി വേണ്ട, ഇനി അപ്പം ചുട്ടെടുക്കാം അഞ്ച് മിനിറ്റിൽ
• വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ
• ഇത് ആരോഗ്യകരവും ഒപ്പം സ്വാദിഷ്ടവുമാണ്; ബ്രേക്ക്ഫാസ്റ്റ് റെസിപ്പി പങ്കുവച്ച് ശ്രുതി ഹാസൻ
• പുഡ്ഡിംഗുമല്ല പായസവുമല്ല, ഒരു മുറി ബീറ്റ്റൂട്ട് കൊണ്ട് കിടിലൻ ഡെസേർട്ട് തയ്യാറാക്കാം
• ഉരുളക്കിഴങ്ങും തൈരും മതി, 5 മിനിറ്റിൽ എളുപ്പത്തിൽ തയ്യാറാക്കാം ഈ നേപ്പാൾ സ്പെഷ്യൽ കറി
• വളരെ കുറച്ച് എണ്ണ മതി, ചിക്കൻ റോസ്റ്റ് ഒരു തവണ ഇങ്ങനെ തയ്യാറാക്കി നോക്കൂ
• മീൻ കിട്ടിയില്ലെങ്കിലും കുഴപ്പമില്ല, ഇനി അതേ രുചിയിൽ ഒരു കിടിലൻ വെജ് ഫ്രൈ കഴിക്കാം
• മാവ് അരച്ചെടുക്കാതെ അര മണിക്കൂറിൽ അപ്പം റെഡി, ഇതാ ഒരു നുറുങ്ങു വിദ്യ
• ഇനി അരിയും ഉഴുന്നും ഉപയോഗിക്കാതെ മാവ് ഇങ്ങനെ അരയ്ക്കൂ, ദോശ ക്രിസ്പിയായി ചുട്ടെടുക്കാം