അഞ്ച് മിനിറ്റിൽ ഹെൽത്തി റാഗി സൂപ്പ്

കുറുക്ക് തയ്യാറാക്കാനാണോ സാധാരണ റാഗി ഉപയോഗിക്കാറുള്ളത്?. ധാരാളം ഇരുമ്പും, കാൽസ്യവും അടങ്ങിയ പോഷക സമൃദ്ധമായ റാഗിയെ പഞ്ഞപ്പുല്ല് എന്നും വിളക്കാറുണ്ട്. നന്നായി കഴുകി വെയിലത്ത് ഉണക്കി പൊടിച്ച് സൂക്ഷിക്കാറാണ് പതിവ്. ഇവ വെറുതെ പാലിൽ കലക്കിയും കുടിക്കാവുന്നതാണ്. കുട്ടികൾക്കു മാത്രമല്ല ആരോഗ്യകരമായ ഭക്ഷണശീലത്തിൽ മുതിർന്നവർക്കും റാഗി ഉൾപ്പെടുത്താം. 

റാഗി ഉപയോഗിച്ച് ദോശ, ഇഡ്ഡലി, ഇടിയപ്പം, പാലപ്പം, പുട്ട് എന്നിങ്ങനെ തീൻമേശയിലേക്ക് ഒരു പിടി വിഭവങ്ങൾ റെഡിയാക്കാൻ സാധിക്കും. എന്നാൽ റാഗി കൊണ്ടുള്ള സൂപ്പ് കഴിച്ചിട്ടുണ്ടോ?. പാക്കറ്റുകളിൽ കിട്ടുന്ന ഇൻസ്റ്റൻ്റ് സൂപ്പിനു പകരം ലഭ്യമായ പച്ചക്കറികൾ ഉപയോഗിച്ച് അൽപ്പം റാഗിപ്പൊടി കൂടി ചേർത്ത് രുചികരവും ആരോഗ്യപ്രദവുമായ സൂപ്പ് മിനിറ്റുകൾക്കുള്ളിൽ പാകം ചെയ്തെടുക്കാം. റിസ് മൈദീൻ തൻ്റെ ഇൻസ്റ്റഗ്രാം പേജിലൂടെയാണ് റാഗി സ്മൂത്തി റെസിപ്പി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ഒലിവ് എണ്ണ- 1 സ്പൂൺ
• ചോളം- 1/4 കപ്പ്
• ഗ്രീൻപീസ്- 1/4 കപ്പ്
• ഉപ്പ്
• പച്ചക്കറികൾ
• വെള്ളം- 2 കപ്പ്
• റാഗി- 1 സ്പൂൺ
• കുരുമുളകുപൊടി- ആവശ്യത്തിന്

View this post on Instagram

A post shared by Riz Mydheen (@spoon_of_passion)

തയ്യറാക്കുന്ന വിധം

• കാൽ കപ്പ് ഗ്രീൻപീസും, ചോളവും വേവിച്ച് മാറ്റി വയ്ക്കുക.
• ഒരു പാൻ അടുപ്പിൽ വച്ച് ഒരു സ്പൂൺ ഒലിവ് എണ്ണ ഒഴിച്ചു ചൂടാക്കുക.
• അതിലേക്ക് വേവിച്ചെടുത്ത ഗ്രീൻപീസും, ചോളവും ചേർത്തിളക്കുക.
• കാരറ്റ്, ബീൻസ് എന്നിങ്ങനെ ലഭ്യമായ പച്ചക്കറികൾ ചെറിയ കഷ്ണങ്ങളാക്കി ചേർത്ത് വഴറ്റുക.
• ഇടയ്ക്ക് ആവശ്യത്തിന് ഉപ്പ് ചേർത്തിളക്കുക.
• രണ്ട് കപ്പ് വെള്ളം ചേർത്ത് തിളപ്പിക്കുക.
• തിളച്ചു വരുമ്പോൾ ഒരു സ്പൂൺ റാഗി മാവ് വെള്ളത്തിൽ കലക്കിയത് ചേർത്തിളക്കി യോജിപ്പിക്കുക.
• കുറുകി തുടങ്ങുമ്പോൾ ആവശ്യത്തിന് കുരുമുളകുപൊടിയും, ഉപ്പ് കുറവാണെങ്കിൽ അതും ചേർത്തിളക്കുക.
• ശേഷം അടുപ്പിൽ നിന്ന് മാറ്റാം. ചൂടോടെ കഴിച്ചു നോക്കൂ.

Read More

• നന്നായി പഴുത്ത പഴം ഉണ്ടെങ്കിൽ ഷാർജ ഷേക്ക് ഇനി വീട്ടിൽ തയ്യാറാക്കാം
• രാവിലെ ചൂടോടെ പനിയാരം കഴിച്ചാലോ?
• സിംപിളാണ് രുചികരവുമാണ് ഈ സാലഡ്
• സേമിയ എപ്പോഴെങ്കിലും ഇങ്ങനെ തയ്യാറാക്കി നോക്കൂ
• തട്ടുകടയിൽ പോകേണ്ട, കോയിൻ പൊറോട്ട ഇനി വീട്ടിൽ കിട്ടും
• മധുരമൂറുന്ന നൂൽ അട, നാടൻ രുചിക്കൂട്ടിൽ
• നത്തോലി ചില്ലറക്കാരനല്ല, ഉഗ്രൻ ടേസ്റ്റിൽ ഒരു തോരൻ തയ്യാറാക്കാം
• മിനിറ്റുകൾക്കുള്ളിൽ തയ്യാറാക്കാം ഈ നാരങ്ങ അച്ചാർ
• പനീർ ഉണ്ടോ? എങ്കിൽ ഇങ്ങനെ ഫ്രൈ ചെയ്തു നോക്കൂ
• നല്ല സ്പൈസി മട്ടൺ റോസ്റ്റ് നാടൻ റെസിപ്പിയിൽ
• പർപ്പിൾ കളറിൽ ക്രിസ്പി ഉണ്ണിയപ്പം
• ചെമ്മീൻ അച്ചാർ ഇങ്ങനെയും തയ്യാറാക്കാം
• മസാല ദോശയിൽ ഈ പരീക്ഷണം ചെയ്തു നോക്കൂ, കിടിലൻ രുചിയാണ്
• തനി നാടൻ ഉള്ളി തീയൽ, ഈ റെസിപ്പിയിൽ തയ്യാറാക്കി നോക്കൂ